有無官塘基法的家長呀

KiuKiu媽媽

有無基法的家長呀, 請給予評價??

貓太太

你好！我的仔仔正在基法讀小二，基法在kwun tong區算是很不錯的，上午校中一派位有58%band one，下午校中一派位有50% band one，比基顯高D，05年搬去油塘轉全日制，月華街舊校會和基順合併，名不變叫基法，但校長是基順的，原基法校長和老師90%去新校，好多student都會去新校，所以班底都去新校，我認為油塘新校會好D。

貓太太

補充：05年上、下午校會合併為全日制，如果讀基法幼稚園會容易入D，搬校後加班，應該會易入D

KiuKiu媽媽

貓太太,

好多謝您的意見呀, 學校功課多唔多架, 系咪傳統教學呀??

貓太太

KiuKiu媽媽：

功課有時多，有時ok啦，小一到小三是活動教學，小四到小六是傳統教學，有D同學仔都幾叻架，應該媽咪在家有催谷，我仔果班有個童星添，但有D在家無follow的會差好遠，我認為只是稍深，小朋友好快就可以 catch up

KiuKiu媽媽

貓太太,

多謝您回覆呀, 我加深左了解!!

Omi

請問基法是band 1 or band 2?

kitty

我個女今年都讀基法,下午班,我揀這間時都做過資料守集,我見佢地派位都派得幾好~

我女女開了幾日學,佢很開心~

貓太太
你仔仔是上午定下午呀?
其實好耐以前我都開過topic 睇下有冇基法家長,而家終於有了,真係開心~

另外我識得有個類居佢三個都是讀基法的,不過而家已讀緊中學,三個都派到英中.

KiuKiu媽媽

kitty&貓太太
多謝您的資料, 我系跨區, 我做定資料搜集, 萬一統一派得唔好, 就去叩門啦!!

貓太太

hello, kitty:
我大仔都讀下午校，細仔在基法幼稚園讀高班，我也很高興終於在BK有基法家長。

kitty

貓太太,
話唔埋我們見過面都未定,我細女都係讀緊k3,(循道)我每日都會帶埋佢湊家姐返學~

Omi

請問升中派什麼中學多?謝謝分享.

kitty

Omi,貓太太,
你試下入佢地個網睇下,
基法

貓太太

HELLO,  KITTY:
sorry,最近公司好多野做，現在才有時間上BK。
我好羨慕D媽咪可以送小朋友番學，因為要番工所以好少親自送。
你決定下年去油塘還是留左舊校？

kitty

貓太太,
唔洗sorry咁 嚴重~
我下年都會去油塘,我諗大部份都會去~
原來你要返工架?我都想找份part -time 做下,小朋友返學我就返工,同時又可照顧到屋企,唔知到時搵唔搵到一份咁理想的工呢?
全職媽媽有辣有唔辣啦,各有好處囉,返工起碼個人都醒d,唔會咁易脫節,同埋自己都充實d , 咁邊個幫你湊小朋友呀?

貓太太

Kitty:
家家有本難唸的經，我和奶奶住，她幫手湊，我和老公就朝9晚9，早排和老公吵大work，想離婚，現在原諒左佢，其實現在都是幫他手，所以真是無人工，無福利，無假期，如果經濟許可，我好想有多D時間陪下2個仔。
我都認為做part-time就最好，無咁脫節，同老公話題都多D。

kitty

貓太太,
真係家家有本難唸的經,我以前都經歷過好多野,而家算做安定D囉,慢慢來吧,你還好,有個奶奶幫下手,我真是一個人都冇架,去邊度都要帶埋佢地,最緊要大家整整齊齊健健康康,你話係咪,既然你以原諒左佢就唔好再諗番以前D野,咁會影響大家的感情,大家一切努力吧!

另我想問下你的小朋友去廁所時是拿埋水壺和食物盒入去擺低先定點架?因為我覺得拿埋入廁所好唔衛生,我叫佢食完先去佢又好急,而家日日小息就係即刻去廁所排隊,到佢剛去完就打鐘了,所以成日都食唔到野,小息雖然有15分鐘,但次次去廁所都唔夠D大姐姐快,所以日日小息排隊就冇左個小息,到第二個小息佢又唔係好急,所以就多數用來食野,但一到放學就好急,而家連水都唔敢飲咁多,尋日家長會我已向學校反應了小一去廁所的問題,希望有方法改善啦!

我諗你個係仔都冇這些問題,因為男仔去廁所比女仔快,但我唔知點解學校唔會分開兩個地方比小一至小三,小四至小六來小息,咁會安全好多,設施又足D,去廁所唔洗排長龍先啦,由其是低年班實唔夠高年班快的,因好多學校都係咁做,同埋操場得五間廁所真係小得滯(P.1-P.6女仔)起碼都百幾人啦!
佢開左學又瘦左了,得37磅,唉!


_________________