LSK/聖馬太/藍田循道衛理 (NET 48) 請問你們會點排次序

hoilokmama

heihei媽,

聖馬太(秀茂坪)其實是由牛頭角搬來的，秀茂坪這間是上午校，下午校就留在牛頭角舊校，成績兩間都差不多。

hoilokmama

heihei媽

hoilok mama

真係唔該晒你既回應!!

不過我仲又一個問題呀, 就係, 響第一輪派位, 我將form 送番去聖馬太時, 要不要加任何profile 或者成績表架.

hoilokmama

heihei媽,

我兩個仔都無加任何profile wor,因我本身是聖馬太的畢業生，所以大仔有分，而細仔更是必收生，所以我都無同他們做profile。

hoilokmama

heihei媽

咁你知唔知佢地啲課程同功課是否比LSK 還要深?

lcy1998430

heihei媽 寫道:
hoilok mama

真係唔該晒你既回應!!

不過我仲又一個問題呀, 就係, 響第一輪派位, 我將form 送番去聖馬太時, 要不要加任何profile 或者成績表架.

第一輪派位，乜都唔洗交，剩係交form就得啦！

lcy1998430

想請問聖馬太小學D老師有冇愛心？
我個囡而家一年級，除o左第一日之外，日日都比老師罰企，因為上堂傾計，2號果日就因為行樓梯同食飯傾計罰"收息、預備、立正"，想問下其他家長意見！
剛升上一年級就罰得咁緊要？日日都要罰？

heihei媽

icy

嘩, 唔係呀, 咁你女女有無唔開心呀??

imkhma

我認識老師中都十分有愛心, 你可提醒囡囡上課不要傾計, 這樣會比較好, 因為學校紀律要求比較嚴一點

august19

藍田其實仲有間愛德華小學都唔錯呀. 有好多畢業生派去st. paul同聖言喎.

hoilokmama

Icy,

你問老師有無愛心，教過我仔的我都覺得他們幾有愛心 wor。他們會留意學生的問題(包括身心)，又會同學生談天、安慰他們，特別的又會在見家長時叫我們留意。不過，聖馬太是一間好重紀律的學校，有錯就會罰，好多時都要罰企或無得放小息。這樣罰我都覺得OK，學紀律ma。

hoilokmama

hoilokmama

august 19,

聖愛德華小學這幾年好像多了很多人選。不過我有兩個外甥女在這校讀，大的成績不好，她媽媽常常投訴老師教得不好，女兒根本不明白。

heihei媽

hoilokmama

我都有聽過人地講呢間學校, 不過口碑不是十分好,  你的外甥是因為老師教得不好所以跟不上??

hoilokmama

heihei媽,

我想幾方面都有o的關係la，聽我姑仔講學習上她都有些問題，好多時教完轉頭又唔記得。但我姑仔同老師講，個老師又無咩反應，愛理不理，話我外甥女無問題，但我外甥女差不多次次都不合格。所以我姑仔先唔喜歡這校，細女初初都唔係幾想俾她入。

hoilokmama

heihei媽

係呢, 今日亞女派左啲學校傳單番來, 聖馬太有native 既英文老師教wor, 係唔係呀???

hoilokmama

係呀！有外籍英語老師亦有北京來的普通話老師。每個星期會同他們上一堂。我大仔話好鍾意上，因為老師會同他們玩遊戲、又會同他們講故事，好好玩。

heihei媽

咁平日無外籍英語老師??? 一星期一堂普通話, 足夠嗎??

hoilokmama

唔係呀！

每日都有英文堂，外籍英語老師每星期只教一堂，其他堂就由英文科老師教。至於普通話就有兩堂、北京普通話老師教一堂，另外一堂就多數由中文科老師教。

lcy1998430

hoilokmama 寫道:
Icy,

你問老師有無愛心，教過我仔的我都覺得他們幾有愛心 wor。他們會留意學生的問題(包括身心)，又會同學生談天、安慰他們，特別的又會在見家長時叫我們留意。不過，聖馬太是一間好重紀律的學校，有錯就會罰，好多時都要罰企或無得放小息。這樣罰我都覺得OK，學紀律ma。

hoilokmama

hi, hoilokmama
其實我唔係介意比老師罰，但9月1日開始返學，9月2日就開始日日都罰，我覺得唔合理囉，如果日日罰，咁我個囡一定好差，咁點解冇老師搵我？反而我尋日自己搵佢班主任，我問佢我個囡返學程形，佢話我個囡比較鍾意講野，但罰完佢轉頭就冇事，我話日日英文堂都罰喎，佢話"係咩？"
我怕咁樣會嚇親阿囡，遲早有日唔敢返學囉，我朝朝都已提阿囡唔好上堂傾計架啦，乜唔係剛升小一，會比小小識應期架咩？

LINUS

Icy,
我個仔讀兆強, 都係一間傳統學校. 現升二年級.
回想他初讀小一, 時常聽他說班主任怎樣鬧其他小朋友, 雖然我個仔比較成熟, 好少俾老師責罵, 但聽到都好驚.  我好明你感受! 小朋友升小一, 尤其是讀傳統嚴的學校, 真係好要一段適應期. 個別老師總之就係唔準小朋友出聲, 認為小朋友在堂上傾談係罪大惡極的!

還有唔記得帶功課､書､家長無簽回條等等... 這些事都係老師好唔鍾意.
同學之間的不和, 文具失竊 , 都會令你好煩.   

但又有一些老師好好人, 好溫柔.

惟有叫你囡囡真係唔好在英文堂傾計. 日日咁罰真係會連學都唔想番!

hoilokmama

lcy,

日日都罰又真係重o左o的，是不是班主任教他英文呢？如果不是他教，可能他還未知你女日日都被罰。現在上學只數天，老師可能覺得還未需要同你聯絡呢！其實十月中會有一個家長日，老師會在當日講講小朋友在校的情形，亦會講老師對小朋友的要求，到時再同老師傾傾la。

我都覺得老師好唔鍾意小朋友上堂傾計，當年我仔的班主任同我講，小一時o的小朋友還未熟，傾計都可以換位，但到三年級個個都熟(一至三年級原班升上，班主任亦會跟他們三年)，換到那都可以同人傾。有年數學老師放病假，代課老師教，我仔亦話上堂同學好嘈，聽唔到老師講甚麼，同學唔怕代課老師。所以老師可能初初嚴o的，等他們知道規則law。

hoilokmama