比同學仔咬

Web

我個囡上大肌肉活動時, 可能與同學仔爭玩具玩,
成日比人咬. 上次果印都未退, 今早又有新傷. 你
們的小朋友有無相同遭遇?

栗子媽媽

如果太過份,要問老師傾下,
唔係投訴,不過都要多加留意架

penguinkaren

依個係常見現象,尤其出現於幼兒班,因為佢地仲未識用語言來表達佢想要依樣野,咪咬人來爭..係人類最原始既本能.
咁你就要同老師講番依個情況勒,唔好覺得唔好意思,老師通常就會對該咬人小朋友特別留意,阻止繼續發生,但家長們唔好怪老師,因為佢地一人睇十幾個小朋友,真係三頭六臂都唔夠.
若該咬人小朋友依然繼續咬人或者情況更加嚴重既話,學校知道情況都會勸喻佢暫時休學或者自動退學~

Teresa

我仔仔讀幼兒園N1時試過一次，到剛剛的暑假回到這幼兒園暫託讀N4時又試過一次。

我同仔仔講：“下次那個同學再咬你，你就問同學仔係吾係肚餓，你就叫嬸嬸多給他兩隻雞亦啦！”

ruby

我囝囝開左學2 星期左右, 都試過俾同學咬.... 本來我都諗住小朋友爭下玩具實有啦.. 見個印要3 日先退都幾肉痛....點知另一家長話同一日佢囡囡又俾同學連咬2 個位置.. 於是我咪同老師講番.. 之後老師都話將個經常咬人既同學暫時隔離下先....

SUSANNA

我囡囡就試過咬人, 我知道後好嬲, 但學校處理得很好, 我問囡囡為何咬人, 佢話小朋友"蝦"佢, 舉手想講比老師知, 老師又睇吾到佢, 所以佢就自衛 ~ 咬人, 所以建議你同老師講注意下咬人的同學吧及經常被人咬同學.

wing530

我個情況同你地差唔多, 仔仔K1開學已3星期喇, 早幾日, 仔仔係學校比小朋友用手指"督"眼, 開學時又試過比人"扼"住條頸, 攪到佢都驚驚地, 話唔肯返學~

我都好肉痛, 唯有等佢成長, 慢慢學懂保護自己啦~