兒子不肯上堂，怎麼辦？

mikoo

小兒四歲，今年就讀k2，返幼稚園是沒問題，但返課外活動，例如畫班就不肯，上了5,6堂仍然喊，要我陪他入課室才肯。唔知有冇辦法呢？請幫忙！

Race

當然要問兒子原因, 只有他自己最清楚,
如果他不會表達, 可以嘗試問他是否有同學或老師蝦他,
又或是他不喜歡什麼....

Fatty

如果係課外活動, 而佢真係冇興趣, 我覺得應該停止.

mikoo 寫道:
小兒四歲，今年就讀k2，返幼稚園是沒問題，但返課外活動，例如畫班就不肯，上了5,6堂仍然喊，要我陪他入課室才肯。唔知有冇辦法呢？請幫忙！

yankit

如果你囝囝上咗5-6堂都係唔肯,咁就唔好勉強佢 la....
其實畫畫係咪佢嘅興趣?又或者佢係咪唔鐘意o個到嘅
環境及教法,你要問清楚佢~至可以對症下藥.....
     好似我個仔咁,佢好鐘意畫畫,但佢學咗一堂就話唔
想番,佢話老師淨係比個圖佢照住係咁畫~係咁畫...話好悶,
我叫佢再番試下先,但都係一樣,跟住就同佢轉第二間再學,
直到依家學咗有5個月喇,佢都冇話悶,而且好開心潻∼∼



  

mikoo

多謝你們回覆，他每次上課都要我坐在課室內，必須看見我才

yankit

mikoo:
    我想問問佢番k1時屬唔屬於比較難適應o個種,如果係~可能佢係唔習慣跟你分開.
    我諗你要同佢傾下,如果佢唔嘗試去習慣o下,就會冇得再番興趣班,或者遲d佢有興趣至再決定,睇下佢有乜反應,如果佢唔在乎o既,即係話你幫佢報嘅興趣班,佢暫時並無興趣.
     其實你囝囝對邊方面係有興趣或有潛質,你應該清楚,應該從呢方面去考慮,係你去選擇比佢,唔係佢話學乜就學乜,因為始終小朋友仲細佢唔係咁清楚.
     你現在繼續試下先 la....比佢知道唔好咁易放棄,但如果你見佢情緒係差嘅,就要停喇,等佢大小小先囉.....

mikoo

K1 時,他雖要一星期才適應，我會續繼嘗試。
謝謝你！

jochebed

Hello mikoo,

誠心祝福你囝囝早日適應！

mikoo

多謝你！

jochebed

那裡那裡！
妳要試著告訴自己，我每天就以'幫助囝囝渡過今天'為目標。
妳會發現自己和囝囝會一下輕鬆很多。試試看吧！
或許今次只需兩、三天就適應。

marinayiu

Dear jochebed,

k1一星期便適應, 我覺得係好正常既, 可能佢真係唔中意畫畫呢, 我囡囡也是4歲半, 也是屬怕羞形, 佢就剛好相反, 畫畫佢好中意, 跳舞就不中意, 我比佢去返舞蹈班, 足足幾個月, 佢都話不想去, 最終我都放棄la.
所以,興趣係好重要的, 同埋, 我想我地做父母也應該放輕鬆啲, 每個小孩都不同, 唔好太過免強佢地, 可能等佢地再大啲既時候, 所有問題都唔係問題la.

wksin

mikoo,

我唸多多少少同性格有關, 我個大仔由細到依家k3, 無論訓覺, 做功課, 看書, 返興趣班, 食飯，可以講差唔多做每一件事都想你陪, 到依家已經5years　ＯＬＤ，　佢每次訓醒覺都仲會喊，　話點解唔係到陪住佢訓，偷走左，佢係比較情緒化，　Ｋ１時，　在課堂上其他同學都是各自做野，　佢要老師陪住係隔離才肯做，　佢真係唔夠獨立，　面對這樣的小朋友，　我覺得適當的鼓勵與遷就是必需的，　不可以硬來。

好似最近我同佢報左個英文班，　我之前已比定心理準備比佢，說服佢要自己上堂，　但去到後，　佢反而更加驚，　要求我一定要陪佢上，　咁我為有同老師講佢係比較慢熱的，　老師比我陪佢上，　成堂我都係坐埋一邊，　自己睇書，　而我個仔就好enjoy咁上左一堂，之後我同佢講上英文堂是否好好玩？下次唔洗媽咪陪啦，咁先至叻仔，佢之後就真係唔洗陪。

不過唔係次次都咁順利，　好似畫班咁，　上左８個月都相安無事，　但暑假時，　佢忽然之間要我地入埋去陪佢，　都唔知佢又做什麼，　咁為有陪下又同佢講下道理咁，　佢又唔係唔鍾意學，　但佢就係每樣野都想有人陪，　係性格上唔夠獨立，　唯有慢慢教啦。

ｗｋｓｉｎ

mikoo

wksin
  我仔仔的情形與你大仔差不多，我陪佢入課室坐埋一边，佢就好放心上課。
但我担心佢嘅性格，明年怎樣考小一?