曾經有叩門經驗既家長, 請幫忙.

JJ1122

請問以下既學校, 需唔需要一定向第1round自行派位 及 第2 round 甲乙部都選擇佢做第一志願先會考慮個學生既呢?
1. 油天(舊校)
2. St. Mary
3. Maryknoll
4. 九龍塘聖家

jazzmama

JJ,

我都有同一問題, 但你所選的是不同校綱!!

各 bk 媽, 請幫忙, 哪校網比較好呢 ?

JJ1122

jazzmama,
我係31網架... 不過因為自行派位唔計網架嘛,
咁我想睇下如果有d學校一定係要有向round 1 or 2, 是但一round 選過佢先比叩門的話, 咁我可能自行派位個陣咪揀佢, e.g. 九龍塘聖家.  咁Round 2 先揀番自己區, e.g. 油天. 如果真係連round2 都唔成功, 咁round 3 叩門我咪有兩間可以叩囉..因為我報過聖家.  到時咪同聖家講我好有誠意讀你學校o家, 奈何唔同網我無辦法, 但係都希望向第3round比次機會面下試啦咁囉.
但係如果我以上個d學校都需要所有回合都係選擇佢先比叩門的話, 我就會主攻番自己網個兩間囉. e.g. 油天 or St. mary.  明唔明呀?  我咁諗啱唔啱呢?  會唔會行得通呢可?

jazzmama

JJ,

以我所知, 一般學校要看 ROUND 1 & 2都選第一志願機會會大D.

JJ1122

jazzmama,
你係邊個網架呢?  咁我要諗清楚係咪主攻一間先得.  好煩.

jazzmama

我囡囡2 歲咋,
依家諗緊一條龍問題.
我本身响 46 區,
相信要搵 人幫手轉入 31 / 41 區.
你係咪今年報小一呀 ??

sisima

今年六月派位結果出後,我係報紙睇過'油天'小學校長係接受1st & 2nd round選佢地第一志願,才可以3rd round叩門時取表的.(校長好似叫'張志鴻')

FUNGBABA

英華都要選它才接受3rd round apply

JJ1122

jazzmama,
係呀今年呀, 真係好驚呀.  個腦好似日日都諗住d學校, 一時又覺d間好, 一時又諗個間會唔會機會大.  一時又諗男女, 一時又覺得女校會唔會少人爭d呢?!  就癲架拿.  睇完d攻略書又覺得聖瑪加利幾好, 但係又直資..考到又唔可以統一派位.  唉....

sisma,
唔該你呀, 咁即係只可以由頭到尾揀油天啦.  好彩就話, 唔好彩就真係唔知點..

   

WongMummy

My two friends sons didn't apply 英華 in 1st and 2nd round (they applied La Salle) and had interview in 3rd round.

jazzmama

Dear JJ,

大家咁話啦. 個腦祇有搵學校, 就快暈啦.
你個女幾大呀 ?
放鬆 d 啦, 讀津校, 我覺得好多時要靠運嫁 !!

bau

有無人叩Maryknoll 門成功？

JJ1122

jazzmama,
我個女而家4歲9個月.  佢報幼稚園個陣我無考慮過一條龍呀.  因為佢細女, 培正連表都唔會派.  而且我唔太甘心要比咁多年學費呀.  我都知讀津校要靠運, 所以咪問定第3 round 有冇得叩門囉... 叩門入到去就靠實力啦嘛.  咁就算唔得我都無得怨啦.  祝你同我都好運呀.  我無咩留意過46網d學校, 分享唔到d咩添.  不過我有個朋友48網, 佢講到好似只會讀私校, 都唔會報個區d官津.  佢自己本身教觀塘區一間出名既中學既.  

jazzmama

Hi JJ,
咁你囡囡依家讀緊邊間幼稚園呀.
我依家幫亞女搵緊學校.
會考慮 st. cathernie,
你有咩好介紹呀 ??

jazzmama

JJ1122

jazzmama,
亞女讀緊根德園.  我當時無報St. Cat 呀... 原因就係因為老細個仔大我個女一年, 佢當時只係幫個仔報沙田聖心, 佢問我報咩幼稚園..我話或者St. Cat 或者根德... 佢話嘩St. Cat...你咁有錢呀?!  咁我唔好意思報囉..  而且當時人地同我講話如果英文唔好, st. cat會要求你帶小朋友去出面補英文...咁我計落條數又真係好甘...所以就報都唔敢報囉.  St. Cat 學生比我既感覺就係好活潑, 好多野講..係好多好多個d.. 因為我成日跟亞女坐保母車, 佢架車有St. Cat 學生.  我跟車, 佢地會不停咁同我講野.  仲好叻佢地... 因為佢地叫我做姐姐..哈哈.

Valerie

Dear JJ1122,

您好!我個女又係細女, 好驚叩門時唔夠D大女爭,又得15分, 您有沒有聽過萬一入唔到好學校, 會repeat K3 ??

又因為細女, 故d 課外活動的cert, 又沒有這麼容易/快取得 !

故很擔心 ! 您有沒有聽過 St. Catherine/Kent. 都會入/考唔到好學校 ??

JJ1122

Valerie,
我問過人架拿, 除非有特別理由, 如果唔係一生人只可以參加一次小學統一派位.  無得話今年派得唔好, 係細仔女就番去repeat 咁架.. 同埋我問過dK1同K2既老師, 佢地都唔贊成無端端要小朋友repeat.  除非真係學唔到, 如果唔係要佢地兩年學同一樣既野, 會令佢地覺得悶, 一陣間唔鐘意讀書就麻煩拿o咼.
課外活動d cert 方面呢, 其實我都無一張話有d國際認可性個d咁既cert 架.. 因為芭蕾舞佢下年夠5歲幾先有機會考第一個皇家試.  咁間芭蕾舞學校就幫我寫左封信, 寫埋小小對我個女既comment, 同埋因為佢升左班有張學校既cert囉.  游水今年8月都趕唔切考張cert. 要到2月先考.  泳會就叫我影印本student book, 證明佢真係學緊.  其他個d晝晝呀, 口材班佢地就話上滿20堂就可以有cert.  咁我都會多口叫佢地幫我加d對亞女既comment囉... 因為我諗住其實d學校都未必會理個d cert, 只係比佢地睇下個女既性格呀, 上堂比人既感覺呀.  希望佢地知道佢上堂用心呀, 個人定呀咁咋.

so far 當然有聽過根德都會有學生派得唔好啦.  但係就真係無聽過根德d學生連一間私校都考唔到.   我唔希望下年話比你聽一間都考唔到個個係我個女.    我都有d驚.  不過我通常比佢學野, 佢個d同學都係大過佢既, 我都鐘意佢拍住d大個既黎學, 我又唔覺真係好大分別呀.  

Valerie

Dear JJ1122,


Thanks very much, hopy U can dream come true !!!

jazzmama

dear jj

你覺得根德園點呀 ?
好似話有幾間, 邊間好d 呢 ?
你知唔知根德園學生一般派邊間小學嗎 ?
幾錢學費呀 ?
另外, 你囡囡學咁多嘢, 咁細有游會收咩, 請問邊間學緊呀, 介紹吓啦.

jazzmama

JJ1122

jazzmama,
根德得一間, 不過有兩個校舍.  一個for K1 only, 一個就K1- K3 都有.   學費就2477一個月, 比10個月.  好唔好就見仁見智啦.  咁我讀緊就當然覺得唔差啦.  我問過老師, 老師只係話啱啱個年派位派得算幾好. 佢地咁多學生, 一定有派得好有派得唔好既.  
我比個女足4歲先學游水架.  所以唔算細架拿.  學左4個月, 終於叫做學識左自由式, 不過而家都係細所以唔夠氣.  我PM 間泳會資料比你啦.   根德無課外活動嘛, 所以我要搵多d比佢囉.  St. Cat 同根德學費既差額, 慳慳地夠學兩, 三樣活動架拿.