第一輪派位選官小?

TWMa

想請問各位家長, 有多少人 打算/會 在第一輪自行收生階段選擇官小? 如果會, 你們選擇那間呢? 原因?
因小朋友只有15 分 (大仔/女+適齡), 選知名的有宗教背景的學校可能連抽籤機會都沒有, 那麼是否選一間好的官校機會較好呢? 各位對官校的看法又如何呢?

carollam310

上年,我女女在自行收生階段選馬頭涌官小,結果15分失敗了.得15分要在自行收生階段有學校收真係唔易架.

CMMANDY

carollam310,

請問妳指的第一輪收生, 是否去該校到考試或面試.THANKS!!

carollam310

唔係呀.係自行收生階段,計分的.冇得面試同考試架,

CMMANDY

carollam310,

     , 其實可唔可以自行考入呢??其實好多人都係15分, 咁就一定入唔到, 以妳的CASE是否一定要等搞珠(統一派位)呢????     

豬仔兔

如果大家都同一分數就會抽籤,睇下邊個好運d,但一定唔可以自己考入,因為佢地係官校/津校,唔同私校可自行收生,可安排面試或考試。

carollam310

冇得考架,我都係要等搞珠(統一派位)呀.不過我冇揀返馬頭涌官小.

Martin媽咪

請問如果第一輪選官小20分, 如果入到, 我知道就無需統一派位, 但如果到最後都唔讀官小, 可唔可以等到其他學校有位自己去考       

Aries媽咪

carollam:
請問馬頭涌官小有兩間, 位於34網

carollam310

我比較鐘意34網的馬頭涌官小,不過好難入,15分真係冇可能入到,我估應該有好多人有哥哥姐姐o係入面讀,因為統一派位有D位比佢地"食"左,搞到統一派位學位少左,所以我統一派位冇揀佢,因為我係要跨區的,得10%{6個左右}跨區位太少.所以我選了協和下午{9個位}.多小小機會.結果我跨區成功,派到協和下午,我甲部跨區三個志願都各有9個位左右架.我估我咁揀先成功o瓜   

CMMANDY

carollam310,

多謝妳的回應, 終於明白原來個制度係咁, 那麼考私校是否多間都得, 假如我考了3 間, 其中2 間收, 又可唔可以等到搞珠結果出了, 才考慮要邊間呢? 因為我可能有機會心儀津校收喎THANKS!!   

Aries媽咪

carollam310:
唔該哂

豬仔兔

咁就要視乎你所考既學校會唔會幫你報上教育署,如果報的話,教署就會發信比你問你會否接受私校的學位,如你接受,教署就會將你小朋友的名字從派位名單內剔除,咁你就失去統一派位資格；如果你回覆不接受私校學位,佢地亦會通知你所考獲之學校,那間私校亦可能/考慮將你小朋友個名字剔除；當然亦有某些學校係唔會將小朋友取錄名單報上教署,咁你就只需要交留位費兼參加統一派位(通常呢d都係較次等受歡迎既學校)；d學校之所以要報上教署係因為要保障自己,特別係d受歡迎學校,佢地費事d學生兩邊走,失預算。

CMMANDY

豬仔兔,

明白哂!! MANY THANKS!!