o黎緊8 月份返(全日)幼兒園o的入o黎傾o下

Daphnetang

各位媽咪：

o黎緊8 月份返(全日)幼兒園o的入o黎傾o下∼∼

我個仔仔o黎緊8月份會入讀幼兒園，之前試過同佢番playgroup，但就從來未試過一個人自己番，真係好擔心！！怕佢會喊，又怕自己會喊．幼兒園頭2日會比家長陪返學，之後會嘗試小朋友自己番，希望仔仔可以適應，大家分享o下!!!你地買晒返學o的用品未！！！

ethaniel

Dear Daphne

it is going to be a big step for your son, you need extra time for him. Try to go and buy the stuffs he loves as well, i.e. the cups, cloths, containers, socks, shoes....... Try to buy him some chinese story books which show the story about the children going to school and what they do in school as well. Read it to him and let him mentally prepare that he will be doing the same soon and let him think it is a fun thing to do to go school.

Good Luck.


If

彤..彤

我個女女今年9月都返學喇~~我都好擔心佢唔適應~~間學校仲要無得陪~~唉~~到時實喊死佢,佢一向都好痴我...

Kruson

我個仔9月先返幼兒園佢嗰間頭幾日家長可以陪, 佢唔知近排就咩唔肯跟人, 以前就好鍾意同人玩所以我地個個都估佢返學唔會喊, 但係近排就唔同, 佢連我家姐話帶佢出街佢都唔制, 有時同我d friend出街人地話抱下佢佢都唔, 所以我都驚佢9月返學會勁喊。

karen_karen

我個女6月13日時剛好兩歲,6月14號我就比佢返幼兒園(插班), 頭幾日比佢返個半鐘, 佢平時十分害羞, 其他人撩下佢, 佢都喊到死, 個個都話我冇陰公, 咁早迫佢返學, 實喊死佢啦!
結果.... 頭兩日佢居喊都冇喊過, 一到學校, 先生一拖住佢, 佢就跟了先生入了去, 放學後, 我問先生有冇喊, 佢話冇  : 小朋友d野, 有時估佢唔到o既!
到現在已一個月了, 間中都會有喊, 但睇見佢由唔多肯講野, 變到唱歌仔(一兩句, 仲要係發音不準)你就會覺得值得&好開心啦!
所以各位mammy唔使咁擔心, 我覺得呢個係必經過程, 向好個方面想&佢地會好快適應, 現在個女去到學校就拖住其他小朋友入去, 理都唔理我呀!
或者可帶小朋友去d小學睇d小朋友上體育堂, 話比佢知學校有好多小朋友一齊玩, 睇下佢地幾開心!

Kruson

先前開咗一次家長會佢叫我地預備定一對鞋同一件外套, 但係就冇叫我地帶多一套衫同衭所以我諗住返學嗰日再問清楚佢, 因為頭幾日佢返個半鐘。

囡囡媽

我個囡囡係6月出生，7月初返左N1。起初唔知應該邊個月份返先至好，但幼兒園的老師比左意見我，如果新學年9月返，本來係最正常，不過因為新學期全部N1都係新"小小"朋友，一定好多會喊及唔適應，老師未必可以好好照顧每一個小朋友; 如果8月比小朋友返學，因為8月尾有一個星期暑假，小朋友剛剛過左兩個星期適應期又話要放暑假，所以我最後都係比佢7月返學了。

最初一個星期小係返2至4小時，但因為小朋友未適應環境，小便或食東西都好容易整濕衣服，所以最好預備多1至2套衣服放在書包內準備替換。

我個囡起初第一個星期，完全無問題，無喊無扭計，不過第二個星期開初3日返到學校就唔比我走要我留低，後來問番佢班主任先知，係只肯跟兩個熟老師，見其他老師就會喊，不過過多一兩日就無事了。

petmum

hello!!

想問下大家Mom意見!

仔仔 1/9返(全日)幼兒園,學校每天會有一至兩餐奶給小朋友作茶点或早歺,但學校會選用 "克寧"奶粉,但我本身仔仔是飲日本版雪印,主任話頭一個月可以自備奶粉,之後會飲 "克寧"奶粉,佢話大部分家長之後都會配合飲 "克寧",我在想如仔仔在校飲克寧,在家飲番雪印,是否有間問題呢??
但本人擔心"克寧"奶粉的營養價值DHA 和 是否適合仔仔的腸胃??

如果你是我會這樣做呢?
1) 長期自備milk power
2) 配合飲 "克寧" (學校 and home)
3) 在校飲克寧,在家飲番雪印
or other answer...........

thanks a lot your comments!!