2007年4月bb應幾時入學？我咩都唔識想請教各位

pkpk_1125

各位媽咪，想請教下各位，我仔仔2007年4月出世，應該幾時開始搵學校報名讀書呢？係二歲可以入學吖定係要足二歲零八個月先可以返學呢？如果今年九月返學佢又先得二歲零五個月，如果今年唔入學住等到下一年佢又大得滯三歲零五個月了﹗咁究竟我應該幾時俾佢返學呢？同埋係咪搵定一間學校自己去個間學校度攞報名表格，填好交返俾佢就得架，咁細個要唔要面試呢？咁細個會考佢啲咩呢？又有人話，咁細個返學都只係食同瞓同玩，無咩用，但又有人話越早俾佢返學越好，會听話乖啲學識守規矩，咁應該係越早返越好嗎？返全日同半日又應點揀呢？
請各位有經驗媽咪教下我啦﹗唔該晒﹗

kerkermui

今年9月足齡入讀N1 (兩歲班)
出年就入讀 K1

你睇吓屋企附近d學校啱唔啱.. 好多較受歡迎嘅都已經過咗報名期, 不過仲有d學校歡迎報名嘅~
如果响屋企係自己睇 (唔係工人睇) 而又會落吓街玩, 又會教吓佢嘢, 咁樣, 都唔係一定要讀N1嘅! 因為N1係主要學自理能力, 同埋同其他小朋友玩
全日半日就睇吓你有無人湊喇, 無人湊就當然要讀全日啦! 我係工人湊, 但係都好想讀全日, 不過好多出名d嘅學校係得半日架咋!

小朋友返唔返N1, 真係好睇屋企情況, 好難話邊樣好d~

你可以開始睇吓d學校, 準備9-10月報名讀K1呀!

pkpk_1125

唔該晒你先呀，原來我仔而家己經可以開始返學，咁而家我揀啱左間學校，己經人地報晒名佢仲收唔收受唔受我架，有無得插班，會唔會插班會無咁好呢？因為我記得自己細細個讀書個時因屋企搬屋所以要轉校，個時讀四年班，轉間新學校好唔中意，因為成日俾老師當眾介紹自己，好記得一行入個班房俾好多同學仔望位，但我估我仔咁細應該都唔識依啲，我都想佢快啲返學，唔該晒你先呀？我而家真係要著急D先得先？係呢？如果我想去XX幼兒園，係咪自己搵一日就咁行入去問就得架﹗你話我個仔如果而家報就過左N1報名期，但都可以去試下去學校問仲收唔收嗎？咁如報出年K1係而家咁早開始報嗎？咁而家去問佢肯收我係咪都同其他小朋友一樣黎緊既九日可以開始返學呢？
真係唔該晒你咁詳細教我呀？THX

spmok1999

最直接就係打電話去幼兒園/幼稚園問 ...