小二的學習生活

tetelee

家有一個p2的小朋友, 每天課外活動後太約七點幾開始做功課 , 學校功課不算大多。即使不停地做都要花上一至兩小時，之後就温吓默書,有時可以做小小習作，就到睡覺時間了。當中一定有嘈嘈吵吵，責罵的時間。小朋友成績可算中至中上，但測驗成績妥妥有頗多的careless mistake。加上學習動機不強，做事完全不肯自動自覺，又無記性。不打不罵也不肯加起把勁。有人話女该子若在初小時成績普通，再上成績就更會下滑，但唯一小朋友喜歡看書。你地有無同感或處境係一樣呢？

tingchichi

妳個小朋友已經算唔錯了. 做完功課都會溫下書.
我小囡都係 p.2, 佢放學後沒有課外活動. 但她不會自動自覺去做功課, 而是走去睇電視. 即使我打電話返屋企叫她做功課, 她都不理. 我每晚放工返到屋企, 都要 8 點. 跟住就要開飯, 洗碗等等工作. 我晚上還要照顧一個 3 歲的兒子, 跟本就沒有時間理女兒.. 她每天都在晚上 10 點後先開始做功課...   12 點左右先肯瞓

我都諗緊辦法如何解決. 大家努力吧 !

原帖由 tetelee 於 09-2-11 12:15 發表
家有一個p2的小朋友, 每天課外活動後太約七點幾開始做功課 , 學校功課不算大多。即使不停地做都要花上一至兩小時，之後就温吓默書,有時可以做小小習作，就到睡覺時間了。當中一定有嘈嘈吵吵，責罵的時間。小朋友成績可算中 ...

IRON

12點先訓夠唔夠訓呢??

可能妳地係在職媽咪, 真係唔易做.

VeryHappyMum

原帖由 tingchichi 於 09-2-11 18:04 發表
妳個小朋友已經算唔錯了. 做完功課都會溫下書.
我小囡都係 p.2, 佢放學後沒有課外活動. 但她不會自動自覺去做功課, 而是走去睇電視. 即使我打電話返屋企叫她做功課, 她都不理. 我每晚放工返到屋企, 都要 8 點. 跟住 ...

如果没有煲電視的壞習慣，很多事都好易辦，是不是家中有老人家，所以一定要開電視？一定要正視問題，如果細佬學埋家姐，第日你仲頭痕。

我會扔咗電視，咪當我唱歌。

樂天心

我都有個小朋友讀小二,佢同tetelee個小朋友一樣,都係唔會自動自覺,佢學校都好小功課,不過日日都有活動要參加...佢都係要食完飯後先做功課,又有好多網上功課要做,但佢每日都10點上床訓,所以d時間跟本唔夠用,當然每日都係要鬧住先會積極去做,佢都好鐘意睇電視,不過係冇時間,我0地亦唔會開電視,小朋友一追電視就出事.


tingchichi,

0甘樣唔係辦法喎,你真係要正視下,唔係第日細佬都會一樣,越大越難教,不如諗下比個囡去功課班,起碼都會做好大部份既功課,你返來幫佢check下就得啦.

[ 本帖最後由 樂天心 於 09-2-12 01:27 編輯 ]

tingchichi

Thanks for all your advice
我個大女舊年 P.1 上學期初頭都有返過功課輔導班, 但佢返到去就遊雲, 返咗 2 個多月, 個 miss 俾番錢俾我, 叫佢唔好帶阿囡再返去 :
另外老人家年紀大, 幫我接佢放學後已經好攰. 我唔想佢頻頻僕僕咁走來走去.. 所以最後冇再去功課輔導班... 直至現在都 1 年了...
幸好小囡成績都 ok (因為小一, 小二都係淺) , 但佢 d 習慣唔改, 遲 d 就好大問題

tetelee

原來我家小朋友的情況如你們一樣有共同之處。我同意小看電視，甚至兒童節目，
雖然她極之鍾愛看電視，但因媽媽的態度係Mon to Fri  NO Television ，久而久己成習慣没得看。吾看电視都心散, 再睇多些更不可想像。
但吾知係咪媽媽要求高，成日都吵吵鬧鬧，功課、默書、测驗、公文、練琴、温習，課外活動...日日如是！  日日返學上堂, 由早至下午，放學又......

你地係咪甘?

wensi

原帖由 VeryHappyMum 於 09-2-12 00:41 發表

如果没有煲電視的壞習慣，很多事都好易辦，是不是家中有老人家，所以一定要開電視？一定要正視問題，如果細佬學埋家姐，第日你仲頭痕。

我會扔咗電視，咪當我唱歌。 ...

唔洗扔咗電視,有媽咪帶條天線返工。我都同仔咁講,你只掛住玩,鐘意ge野我會cut!

我好嚴,放學沖涼食D野同時間可以開電視。做功課一定唔開電視,做完call 我。無乜特別野做就自由時間,有如黙書,測驗,考試就溫習先,我回家食左飯就黙俾我對。溫書快手就有自由活動,我叫仔仔自己諗。開電腦要call 我問一問俾唔俾。

我同仔仔講我地要講個信字,我應誠你ge事我一做。你應誠我ge野都要做。 唔係我會lock電腦,帶走條天線返工。我成日問仔仔你信唔信得過ga!

小小bma

原來好多在職媽媽都係咁辛苦...
我囡一年級已是放學要睇電視,唔肯做功課,要食完飯才很無奈去做,做完功課又要看電視 !!! 比我鬧(及哦)足三個學期,今學期先有改善(現佢讀p2下學期),因佢已開始明白時間很寶貴, 希望佢可以維持到啦........只限3-4樣功課,再多都要夜晚繼續........

wensi

原帖由 tetelee 於 09-2-12 12:23 發表
但吾知係咪媽媽要求高，成日都吵吵鬧鬧，功課、默書、测驗、公文、練琴、温習，課外活動...日日如是！  日日返學上堂, 由早至下午，放學又......

你地係咪甘?

我仔都好忙,但係屋企學多。唔想佢走來走去,玩玩下我無乜理佢由佢。公文無學怕佢上堂會悶。

英文、國語、琴(三樣係屋企學)、溜冰、swim、空手道、次中音號and Sunday School. 我都想佢cut但佢唔肯。

佢個時間表我排左兩∕三個月,我好少sunday/放假帶仔行街買野,留時間佢休息, 生活要好規律。

好彩佢做功課都快手快腳。

tingchichi

wensi, 阿仔真係好忙喎
妳真係幫佢樣樣都安排得好好

現在已經晚上 11 點幾啦, 阿女現在先肯做功課. 妳話佢幾點先會去瞓覺

原帖由 wensi 於 09-2-12 20:43 發表

英文、國語、琴(三樣係屋企學)、溜冰、swim、空手道、次中音號and Sunday School. 我都想佢cut但佢唔肯。

daniel44

原帖由 tingchichi 於 09-2-12 23:03 發表
wensi, 阿仔真係好忙喎
妳真係幫佢樣樣都安排得好好

現在已經晚上 11 點幾啦, 阿女現在先肯做功課. 妳話佢幾點先會去瞓覺


...

晚上 11 點幾先做功課

tetelee

Tingchichi,

11點做完工課還是開始？

返下晝 ? 否則都無可能返學有精神。

原帖由 tingchichi 於 09-2-12 23:03 發表
wensi, 阿仔真係好忙喎
妳真係幫佢樣樣都安排得好好

現在已經晚上 11 點幾啦, 阿女現在先肯做功課. 妳話佢幾點先會去瞓覺


...

wensi

原帖由 tingchichi 於 09-2-12 23:03 發表
wensi, 阿仔真係好忙喎
妳真係幫佢樣樣都安排得好好

現在已經晚上 11 點幾啦, 阿女現在先肯做功課. 妳話佢幾點先會去瞓覺


...

chichi媽依我知99而家唔同住係咪?你返到家就走定食左飯先走?

62 99一走我會off TV。放功課上枱,唔做都唔可以玩,坐係度。同chichi講10:30pm關燈sleep,唔理佢做完未。我會坐係度你眼望我眼,我會好狼無情講。我唔理你數手指又好,得兩條路做完玩或者齋坐。
我有我ge底線,我問仔你身份係乜?學生,學生責任係乜?連小小事都唔到,你唔好要求父母做D乜野。
小朋友越大越難教,上12/13上歲仲難教。上左中學教唔到ga la!

cat503

原帖由 tetelee 於 09-2-11 12:15 發表
家有一個p2的小朋友, 每天課外活動後太約七點幾開始做功課 , 學校功課不算大多。即使不停地做都要花上一至兩小時，之後就温吓默書,有時可以做小小習作，就到睡覺時間了。當中一定有嘈嘈吵吵，責罵的時間。小朋友成績可算中 ...

我個囡同你個囡一樣,所以我一星期只有2 日去跳舞,其他時間留喺屋企做功課,休息吓,平日除了食飯有電視睇外,其他時唔會開,但去到爺爺嫲嫲度就

grace_xian

我同你的情形差唔多~

但我無你咁叻, 因佢小一. 做功課同收拾書包都係佢自己, 我返到屋企都會檢查功課, 但默書就暫時要我幫他默,

希望將來都可以似你咁樣佢自己默書, 咁我可以輕鬆好多

仲有我哋週一至週五都唔可以睇電視同玩電腦或遊戲, 就算上網做功課, 佢會自動打電話給我取得我的同意
週六同週日可以, 因為呢嗰規定, 囝都有時會反抗下 , 但現在已經養成了良好的習慣,
各位媽媽加油哇, 一定會做得到, 相信你所做的是對孩子的將來有益, 你就會有決心去做啦

原帖由 wensi 於 09-2-12 12:44 發表


唔洗扔咗電視,有媽咪帶條天線返工。我都同仔咁講,你只掛住玩,鐘意ge野我會cut!

我好嚴,放學沖涼食D野同時間可以開電視。做功課一定唔開電視,做完call 我。無乜特別野做就自由時間,有如黙書,測驗,考試就溫習先,我 ...

森林媽媽

我處境和你差不多, 我也是8時多才回家, 亞囝放學後回99家, 跟著做工課, 然後睇電視, 我打電話叫佢溫書也是不理我, 到我回來食完飯回家差不多10點, 多數功課都要修改(字太醜), 跟著溫默書, 讀故事書, 串字, 沖完涼, 基本上最早都要11點才睡覺, 我也是有一個3歲(就快4歲)囡囡要照顧,

原帖由 tingchichi 於 09-2-11 18:04 發表
妳個小朋友已經算唔錯了. 做完功課都會溫下書.
我小囡都係 p.2, 佢放學後沒有課外活動. 但她不會自動自覺去做功課, 而是走去睇電視. 即使我打電話返屋企叫她做功課, 她都不理. 我每晚放工返到屋企, 都要 8 點. 跟住 ...

EvaLam^^

我個囡都讀緊小二,佢每日D時間都好充實,隔日去練水,一日學琴,一日學國語,已經唔敢再參加學校既課外活動,每日放學返到屋企做一部份功課就要趕住走,學完野返來食飯就跟住做功課,未必日日有時間練琴,9:30要佢準備上床,通常都攪到10點先熄到燈訓覺,星期六要游水,做埋星期五做唔晒既功課,溫習,睇兩套卡通片,到星期日先可以真係休息一日,一家人出下街,我0地已經係選擇最必需既來學,一體一藝同自己教唔到既國語,其他之前佢學過好有興趣既都CUT晒,我唔想佢太忙,佢都好懶,踢一踢先旭一旭個D人,所以要幫佢安排晒D時間,如果比佢太得閒,佢可以一個下午訓係sofa唔旭,我都有一個就來3歲既仔仔要照顧.

wensi

你地小朋友有無好鐘意玩ge野?

我仔有,近來玩pet society、為左玩佢乜都肯。所以佢好快手做功課同溫書。我成日覺得佢好得閒,仲可以追"偉小寶"先入房Sleep。

星期一留校學次中音5:30pm回到家,多數佢係學校做完功課。7pm國語at home。

星期二留校樂團5:30pm回到家, 7: 30pm英文at home

星期四4:30pm - 琴 at home

星期五8:00pm - 溜冰跟手去玩冒險樂園.....

星期六9:30am - swim  下午去玩/睇show/測驗考試就溫書

星期日Sunday school 下午stay home 6-8pm空手道

功課多數我6:30pm回家前做完, 6:30pm開飯。佢心情到就練琴15mins 一星期大概四次。

我只檢查功課有無做,唔對。書包只叫自己做我唔會check。無帶功課/書,我唔會做人肉速遞由佢。

仔仔學校一星期中黙,一星期英黙,所以我地無咁趕。中黙兩課我要佢自已背自己黙分兩次。英黙十五句我分三次每次五句。測驗考試前個個week唔溫書只做卷。名次keep住1/3內我收貨。

頂唔順我會cut野。

IRON

睇完妳地既日程表, 先覺原來我同仔仔都好hea(好聽d係遊閒)......

仔仔學校功課唔多, 最後果堂cp已做左3份2, 放3:15, 4點前返到屋企; 返家後洗手彈琴, 時間隨意, 由15分鐘至粒幾鐘; 英文/國語/學琴都係上門, 之後自由時間(睇書/打機30分鐘/睇tv/玩), 星期五放學後例去玩(放風箏/打波/釣魚/冒險樂園.......), 星期六做掂功課溫下書, 星期日都係去玩.

如果考試出左範圍, 我會預早日日溫d, 到考試前果個禮拜就唔溫, 等佢個腦休息下; 考試前一日我就俾果科既卷佢做(我出既精華), 考完早放又去打波, 隔離左右見到我地都話......下, 考試仲落去打波??