請問哪位BB會讀09-10方方樂趣的N1(a.m.)國際班

jacky123

hi, 你好啊,我很多謝你在網上對方方的分享,我的仔都是交了n1國際班留位費,是大仔,今年8月返學,我現在心大心細, 不知讀還是不讀,但只有該校收,有什麼優點和缺點,因為地點都幾偏,交通不方便,都幾貴,而且我有心怡的k1,如果明年收,就會轉校,這樣,方方會不會對個仔無甘好,因為聽過有一些校是這樣的,

希望你可以抽空解答,謝謝!

jacky123

hi, 你好啊,我很多謝你在網上對方方的分享,我的仔都是交了n1留位費,是大仔,今年8月返學,我現在心大心細, 不知讀還是不讀,但只有該校收,有什麼優點和缺點,因為地點都幾偏,交通不方便,而且我有心怡的k1,如果明年收,就會轉校,這樣,方方會不會對個仔無甘好,因為聽過有一些校是這樣的,

希望你可以抽空解答,謝謝!

jacky123

HI, 您好啊,我想問下你點解原先報am國際班的，現在轉了am中英班,兩班有咩野分別?

garyfkl

My daughter (born in Sep) will also attend am class in coming Sep/Oct. Do you know if there are any students (2 years old) also going to school by school bus?

QtieBB

對衝道地方唔就腳,我打算俾囝囝坐校巴.

方麗娟

cuteb, boboT,
pls check pm.

jacky123,
對衡道真係好唔方便, 雖然我樓下話晒叫做有車到蘭開夏道, 落車後要行一段路, 話遠唔遠話近唔近, 好天晒落雨淋! 但我哋又唔放心個仔搭校車, 所以我哋會親自接送佢返/放學, 係幾辛苦, 返學時間又唔算好長(9:00am-4:30pm), 計埋我哋來回等車搭車, 實際上冇幾多時間淨.

轉校問題...我個仔都係將會响K1轉校. 我也擔心一旦同校方講「下個月退學喇」, 咁返緊最後嗰個月會點對我個仔? 會唔會忽略佢? 但我先生成日都話唔好咁諗, 咁大間學校又咁多年歷史, 佢哋都要口碑, 要靠收生來營運. 佢仲安慰我, 可能d老師姨姨好唔捨得阿仔呢~

[ 本帖最後由 方麗娟 於 10-5-8 16:45 編輯 ]

boboT

我仔2歲插班, 第二個月開始坐校車, 佢好開心, 日日都好期待坐 school bus, 校車姨姨都好照顧小朋友.
公共交通就可以考慮在 mtr 轉 mini bus 25m, 學校門口有站.
同埋學校門口有架 203 bus.

jacky123

hi, 多謝您抽空解答,我翻看了早前所有有關方方的評論,都好像口碑幾好,特別是你的闡述,我都感到幾正面,多謝你,我應該都會如常入讀,可惜,到時你個仔已轉校,可能不會認識到你.
  總之,要再一次多謝你. 你幾時生得啊?

因為我是第一次在這裡發表問題,不是幾識用,不要怪,哈哈......

jacky123

你好,如無記錯,我個B同你個B都是08年大B,你B是否要上一年半的N1,我當初不識,以為就是好像普通校一樣都是9月返學,你個仔返學後好像幾好,是嗎? 我個仔怕見外人,所以早前的其他"名校"面試, 肥晒, 我都想他早一些學下,費是K1再肥個.  
  你可以和我分享多一些方方的點滴嗎 ?

謝謝!

方麗娟

原帖由 boboT 於 10-5-8 18:39 發表
我仔2歲插班, 第二個月開始坐校車, 佢好開心, 日日都好期待坐 school bus, 校車姨姨都好照顧小朋友.
公共交通就可以考慮在 mtr 轉 mini bus 25m, 學校門口有站.
同埋學校門口有架 203 bus. ...

巴士係208, 由尖沙咀去廣播道, 响方方門口有站.
小巴25m由九龍塘火車站開出, 想問下乜响方方門口有站? 我搭過幾次都係响對衡道口落車, 要行返上去一段路才到方方. 問司機係唔係有d班次經方方問口, d司機又唔答...

方麗娟

原帖由 jacky123 於 10-5-8 19:27 發表
hi, 多謝您抽空解答,我翻看了早前所有有關方方的評論,都好像口碑幾好,特別是你的闡述,我都感到幾正面,多謝你,我應該都會如常入讀,可惜,到時你個仔已轉校,可能不會認識到你.
  總之,要再一次多謝你. 你幾時生得啊?

...

生咗喇, 多謝關心^^.
希望你小朋友响方方返學開心, 有個美好回憶.

winwinchu

To : 方麗娟

恭喜你 .
多謝你的寶貴意見. 好期待囝囝返學後都好似你小朋友一樣開心.

joyce1024

hello jacky123,

我囡囡最後都冇轉到，我想佢試一兩個月先，因為本來担心佢適應唔到，後來發覺原來冇問題，所以一直俾佢讀國際班。我囡都係响對衡返學，STAR AM班，初頭係自已接送，但因為話近唔近話遠唔遠，日晒雨淋係最大問題，而且我上年11月再生了小b，所以後來都俾佢搭校車。

講返學校生活，雖然方方本來唔係我第一選擇，而且一心
到K1會轉校，加上我有鄰居子女就讀，更是一直讀上去，所以我覺得不會太差吧，只要囡囡開心便足夠了。在我到學校參觀和老師傾計時，都覺得她們很NICE很有愛心，到囡囡正式上課一個月後，期間和校車姨姨、司機、班主任的電話問候，以及本來怕醜的囡囡，放學後一直開心的唱著學校所學的兒歌、讀生字，這令我更加安心。雖然我唔知自已如果替囡囡選擇另外的學校，囡囡將變成點？但起依家我是放心了，而且她一直在進步，已經是很滿意了。

試過早前放easter假後我擺烏龍，早了一日送佢返學，當佢去到校門知道當日係全日班返學，而佢冇得入校門，返屋企後佢唔開心咗好耐，一直話要返學，唔肯除校服，我知道佢係好鍾意學校。

不經不覺囡囡已經讀咗8個月了，見住佢每日講返學校生活俾我知，覺得佢長大咗好多，而且每日係開心的，仲交到幾個好朋友（她口中的FRIEND), 一諗到K1要轉校，真係有d替佢唔捨得。

方麗娟，

您好！之前都有見過你嘅留言。你好到point呀～～
你仔仔讀邊班呀？？之後又會去邊呢？好高興認識你！

joyce

爾邊峰

wrong post

[ 本帖最後由 爾邊峰 於 10-5-10 09:36 編輯 ]

方麗娟

joyce,

我囝囝都係star, 不過係全日班 (唔知點解佢d手冊書簿都係印住star am). 可能同你囡囡一齊上堂, 亦可能分組上堂所以唔識都唔定~

話時話, 方方好似唔多家長師生gathering...我個仔12月才插班, 唔知之前(9-11月份)有冇旅行之類活動? 你識唔識其他家長?

學校出過唔少通告, 有聯校活動, 表演之類, 坦白講我真係冇乜興趣去. 可能心目中唔係expectt咁大班人一齊玩, 而係希望自己嗰間分校 / 自己嗰級甚至讀緊嗰班多d聯繫. 不過我明白唔係咁容易做到.

囝囝K1轉去Anfield, 由15個月大返playgroup返到2歲, 囝囝好鍾意呢間學校, 我哋都好滿意, 所以很早便報了.

快5月中了, 下個月頭就要同學校講退學, 心情有點忐忑, 誠然, 一方面擔心囝囝學校生活有冇影響? 另一方面覺得時間過得真快, 眨下眼就告別了! 阿仔算係感情豐富, 多愁善感, 唔知佢到時會唔會唔捨得?

joyce1024

方麗鋗，

真係啱喇，原來你仔仔都係讀STAR班。你仔仔叫咩名？睇下我囡囡識唔識佢？我囡囡叫Megan, 你都可以問下仔仔知唔知。

學校上年11月時有秋季旅行，可惜當時我剛坐月，所以只有我先生去，不過果次都玩得好開心。之前嘅中秋晚會我都有去，旨在認識下囡囡同學，同埋了解下佢學校生活。但其他的表演活動，我就冇乜興趣。so far我只同一兩個家長經email通訊，一個同班一個唔同班，其實之前我都有嘗試係另一個post尋人，搵下囡囡同學仔家長，但我估大部份都少上網，所以都係知一兩個。我平時比較多係fb流連，如果你都有a／c的話，可以pm add我，方便聯絡。另方面我都想幫囡囡keep住d童年朋友仔，如果時間許可，或者可以聚一聚。

囡囡確實係好鍾意返方方（當然如果佢讀第二間的話，情況可能都係一樣），佢一定對學校的每一個人都有感情，會好唔捨得。不過能夠俾到佢有一個好回憶同好印象係好事，小朋友適應能力強，好快又會投入新環境！！

jacky123

HI, Joyce, 替你開心,祝你小B, 囡囡健康開心. 你囡囡甘仲意返學真是好,我都想給個仔仔去返學,因為他現在越來越霸道,可能家中個個都就晒他,我原來很矛盾,不知是應該上n1,定是直接讀k1, 你有無意見給到我? 他的能力都可以,但就是社交一般,在家我們是以廣東話為主,輔以英文,他都識講幾多英文單詞,很多時候我問他野,他都是答我英文單詞, 我報了Int'班,想他可以培養英語環境,不知是否啱他? 我不是奢望他上n1可以學到很多野,我想他可以學下規矩,和同學仔玩下. 當然最重要是他可以健康,小d傷風感冒就得了,,哈哈

原帖由 joyce1024 於 10-5-9 19:37 發表
hello jacky123,

我囡囡最後都冇轉到，我想佢試一兩個月先，因為本來担心佢適應唔到，後來發覺原來冇問題，所以一直俾佢讀國際班。我囡都係响對衡返學，STAR AM班，初頭係自已接送，但因為話近唔近話遠唔遠，日晒雨淋係最大問題，而且 ...

leecandice

Hi 方方parents,

I have some questions on Int'l class.  Can you please help?

How many class teachers in 1 class? Are they all Indians? No any cantonese/PTH? Do you know their daily schedule?

How will they arrange the orientation? Can we accompany with the kid in the first few days? for how long - because my son is very dependent!

Sorry for many questions, thanks very much!

joyce1024

hi jacky,

多謝你的祝福！
當初決定讓囡囡讀N1, 是因為囡囡性格比較怕醜，而且很少可以接觸到同齡的小朋友，我希望佢可以早點適應學校生活，所以俾佢讀N1。

係返咗學兩個月度，已經有好明顯進步。雖然係人前都仲係怕怕地醜，但學咗好多新嘢返嚟，智識上同人際上嘅都有。

學校星期都有手冊派，每星期會有一d類似禮貌活動嘅嘢，而每月尾就會有每月學習內容，學嘅嘢都幾豐富，時事都會講吓。

國際班會有一個外籍班主任＋一個本地班主任，另有老師輔助，亦有分小組。主要以英文為主，如果你想仔仔有一個英文學習環境，方方可以做到。因為我參加過幾個學校活動，都係以英文為主要語言。

不過如果你話想佢小d病痛，就難講d。因為我囡囡返咗學後，係病多咗，多數都係傷風咳。學校有指示如果體溫達37.2就唔好返學。而如果姑娘發覺小朋友有咳有鼻水（好明顯果d）都會要求家長接返屋企。不過我覺得自律都好緊要，如果我囡囡有小小唔妥，我都唔會俾佢返學，費事惹到其他小朋友啦！

不過學校都好關心小朋友架，我囡囡試過發燒，幾日冇返學，班主任同學校姑娘都會打電話俾我，問候一吓同了解小朋友咩事。有時因為想囡囡休息多一兩日，而打返去請假，主任都會問吓小朋友情況如何。可能佢哋學生人數唔多，所以一講名佢哋就會知係邊個。

讀N1都係以俾小朋友適應為主，學習其次。不過呢8個月來我都好滿意。可能初初期望唔高，因為當時呢度比起依家更加少人提方方，對佢所知唔多，只係佢肯收我囡，而又方便我，所以我就俾佢讀。講真K1囡囡要離開，我都好唔捨得，不過我都決定會俾細仔讀佢N1囉。

原帖由 jacky123 於 10-5-12 18:21 發表
HI, Joyce, 替你開心,祝你小B, 囡囡健康開心. 你囡囡甘仲意返學真是好,我都想給個仔仔去返學,因為他現在越來越霸道,可能家中個個都就晒他,我原來很矛盾,不知是應該上n1,定是直接讀k1, 你有無意見給到我? 他的能力都 ...

anteater

請問full day 的家長,早餐在學校通常會食什麼呢?  會是包,三文治 or 通心粉,湯米線?  要在家先食早餐嗎?如果要,在家通常會什麼呢?