『幼兒藝術節』故事比賽有不合理結果，使我情緒失控！

毛妹

我上週與囡囡完成故事比賽，廣東及普通話由一位評判定輸贏，我有以下震驚的心路歷程想分享…

比賽中，各參加者的水準比起其他公開比賽不算高(Sorry！無意冒犯。)有的用流利普通話，但無表情；有的用英文，但戰戰競競；有的有動作，但說得不吸引；有個仲比指定時限超出一陪…。反觀囡囡，我刻意train她用兩種表情來演出不同角色，又用緊張與擔心的神情做旁白。當日表現超出我所期望。

當日取得評分表，Overall is Outstanding. 我與老公開心到起，認為必入三甲。我仲貼囡囡應該冠軍，因為看不出其他人有此生動的演出。我開心到兩晚失眠！

本週三在網上看結果…，那些無表情、超時、戰戰競競的人取得冠、亞、季合共5個獎，而囡囡得優異獎。我忍不住在Office哭了出來。  。致電主辦單位查詢，副會長表示當日水準非常高，囡囡之前5位全是Outstanding。我好震驚，無表情、戰競的都Outstanding？ 我要求覆核賽果，她表示會了解後再回覆我。但重申要尊重評判決定。

我這兩天哭紅了眼，告訴自己要尊重大會決定，放下輸贏，做好榜樣…but…我感到不公平、不合理。囡囡參加過比賽多次，遇到強手，我會多多學習。但這次參賽者質素真的不算高喎！問題不是囡囡無三甲，是那些質素不高的如果取得三甲？是評判沈小姐眼光獨特？還是有其他因素？

我的心碎了 。日後應該教囡囡做表情or不用做呢？這次得獎者，我要學習什麼呢？

fyeung

毛妹,

唔好唔開心,我都明白你心情,我都有參加同類型比賽,上年我囡囡畫左幅畫,好靚,我心諗都會有個優異獎,點知咩都無,而比我上某網頁知道某中心架小朋友獲獎,但係作品真係好鬼簡單,又無背景,我心諗咁都得呀,我個心好唔舒服.
今年我有參加,係親子創作,都係得個優異,真係唔明白用咩角度去評.

試多D比賽,你囡囡叻,呢間攞唔到獎第二間都會攞到,唔好因為一次唔開心的經歷打沉你自己或小朋友!

原帖由 毛妹 於 08-12-5 09:00 發表
我上週與囡囡完成故事比賽，廣東及普通話由一位評判定輸贏，我有以下震驚的心路歷程想分享…

比賽中，各參加者的水準比起其他公開比賽不算高(Sorry！無意冒犯。)有的用流利普通話，但無表情；有的用英文，但戰戰競競；有的有動作，但 ...

毛妹

fyeung,
多謝你的鼓勵！好感動！
我已經放下了，因為見到小學雜談個版有很多人傾有關「校際朗誦節」的不合理賽果。原來真係唔需要太認真。我囡囡曾經得過亞軍、季軍及很多優異獎，話唔定，有d係不合理所得的。唯有接受現實，努力將來。互勉之！

5354

放鬆d la,一山還有一山高ma

我女都有參加第一,二屆,而且有上北京參賽,簡介會得知沈小姐好叻,單睇佢女女校際/公開大賽橫掃獎項,睇過佢女女表演無一個唔羡慕.....沈小姐好有經驗ga~

作為媽媽,我明白你心情,但過程/經驗比結果更重要,表現好唔好當然係睇評判口味la,而且結果有好多要考慮ga wor,衣著,發音,聲線,流,眼神,動作,單係有小動作都會扣分....好難由你去決定邊個好d

再者,小朋友盡力,得到爸媽讚許已是最好的禮物la~~

november11

坊間好多好多比賽, 質素好參差, 巧立名目, 九千幾個獎, 都係為搵錢, 係米真係公平 ?? 睇表現定係睇你小朋友有無係 "舉辨單位" 度上堂培訓 ??  答案係好明顯既, 因為有d真係得獎得太離譜.

真實都見過有d家長係識評審, 或者小朋友係評審d弟子教授, 家長識舉辦機構內的"職員" ...... 呢d小朋友總會有或大或細既獎 ......

算啦, 心中有數啦 ~ 所以我只會玩校際 (雖則校際都會有呢d情況, 但唔會太離譜), 而且一般中小學都知呢d, 只會睇有代表性主辦單位既獎項.

最難, 係同小朋友解釋, 點解 "一碌木" 都可以得獎, 唔通同佢講 "因為佢係主辦果度上堂" 咩 !!

Sindy

原帖由 november11 於 08-12-13 11:09 發表
坊間好多好多比賽, 質素好參差, 巧立名目, 九千幾個獎, 都係為搵錢, 係米真係公平 ?? 睇表現定係睇你小朋友有無係 "舉辨單位" 度上堂培訓 ??  答案係好明顯既, 因為有d真係得獎得太離譜.

真實都見過有d家長係識評審 ...

仲有好多,唔係果科,走黎做評判,唔好話呢個比賽丫,校際搞左咁耐呀,都會咁樣.......有水準既比賽又唔夠料參加,無料既比賽又唔想浪費時間,所以我而家都無乜同我小朋友報比賽 ,浪費d時間係d虛名度

joyjoyma

係啦!放鬆d啦!我開始都廢事比阿仔出去比賽....咩繪畫/故事演講....真係好主觀架.

Radiomama

咁參加LMC or Trinity的考試(drama & speech)，認受性如何? 無比賽性質，只有表現評分，這樣的certificate對考小學有幫助嗎?

fyeung

Radiomama,

考小學好著重小朋友當天的表現.有cert.當然又比較沒有cert.好一些(我個人認為).

只依靠LCM or Trinity不妨再加上繪畫,運動及音樂架cert.

原帖由 Radiomama 於 09-1-6 12:52 發表
咁參加LMC or Trinity的考試(drama & speech)，認受性如何? 無比賽性質，只有表現評分，這樣的certificate對考小學有幫助嗎?

毛妹

我個人認為當人人有而你無，就會蝕底。而呢d考試係表達孩子程度的方法。所以應該盡地一鋪，考一d公開試。雖然未必可以代表入到某d名校，但始終有好過無！

我對於有人話公開試or比賽無用，最重要睇面試表現，就唔認同。呢道如果有人唔係名牌幼稚園、無參加任何公開試、無任何獎項或證書，又唔係識人，單憑面試就入到DGJS或SPCC嘅，請報上名來！

naby

totally agree. music festival in recent years is like this too...

原帖由 november11 於 08-12-13 11:09 發表
坊間好多好多比賽, 質素好參差, 巧立名目, 九千幾個獎, 都係為搵錢, 係米真係公平 ?? 睇表現定係睇你小朋友有無係 "舉辨單位" 度上堂培訓 ??  答案係好明顯既, 因為有d真係得獎得太離譜.

真實都見過有d家長係識評審 ...