外斜視?

RINGO

原帖由 beautylam 於 09-6-28 03:37 發表
我女兒二歲時發現兩眼間中有外斜視, 情況俞來俞明顯, 一直看私家, 醫生一直建議做手術, 現在差不多四歲, 終於在前天做了手術, 醫生都一早講定了風險, 說做完有機會內斜(輕微), 但是現在情況是左眼在中間, 右眼內斜,  ...

剛做完，眼珠可能會偏向內，但通常會慢慢調節，可向做手術的醫生查問，另找醫生只會混亂自己。

beautylam

我個女做完第一次女術後, 不幸地一直內斜, 有成15-20度, (未做前是外斜30度), 好明顯是over correct. 好傷心, 不過覆了3次診, 醫生都是說好左少少, 再等下.但我的心裡很難受，如是這等了兩星期，是好了一點，不過仍然很”豆雞”

朋友介紹下看了另一位眼科專科, 佢話內斜太多(20度), 好難會自己好番, 多數要做多次手術. (如果10度之內就可以等). 不過要輪流patch眼, 否則有機會弱視, 小朋友可以弱視得很快, 兩, 三個月就得.　

我覺得：如果要做第二次手術，都可以接受，但是若因為醫治外斜（視力正常的）而引起弱視，就真的不能接受．

問了很多朋友，（好後悔咁遲先問人，真係累左個女）轉看另一間私家醫院的一位頗出名的眼科醫生求助，這次醫生檢查了我女兒說，外斜１５－２０度，視力正常，現在你女兒的情況是，由間歇性外斜變成　固定性內斜．個腦不會適應，只會引起弱視　（１０度之下就ＯＫ）．


有兩個方法，

１．帶兩邊有pism的銀鏡, buy time等佢吾會弱視，一直等，不過等到對眼分番開既機會好微．（不過要我個女肯戴眼鏡既機會仲微）
２．做手術，不過做一邊就可以．幾時做?! 可以早就早ｏ的，（因為之前ｏ的線未痴實哂）不過你而家都好痴架喇！

最後，就決定了下星期一做第二次手．

現在真的明白了什麼是心如刀割．

願主保佑

summarian

你要問清楚佢做呢個手術0既步驟、過程。
由間歇外斜變成固定內斜，咁樣 = PHYSICALLY 因為CORRECT 得太多而變成固定內斜。~

要知道第一次0既手術，個醫生究竟點樣PHYSICALLY 矯正左佢0既眼球肌肉~

而今次，要由內斜20度矯正番去細過10度，佢又會點做呢？~

由第一次手術開始︰
外斜 --> 大內斜 --> 小內斜~ 呢樣係對眼部肌肉0既長短、鬆緊度0既調整…~ 就算之前係OVER CORRECT~ 但都要知道點解會OVER CORRECT 左~ 而之後0既第二次手術又會點再RE-CORRECT 呢？~

要清楚哂先好丫~

RINGO

原帖由 beautylam 於 09-7-10 18:02 發表
我個女做完第一次女術後, 不幸地一直內斜, 有成15-20度, (未做前是外斜30度), 好明顯是over correct. 好傷心, 不過覆了3次診, 醫生都是說好左少少, 再等下.但我的心裡很難受，如是這等了兩星期，是好了一點，不過仍然很” ...

ok 祝手術成功。
我仔仔都係做兩次先ok。

candytsy

ringo,囝囝第二次手術理想嗎?

我囡囡第一次手術后到現在快一年,沒想到可能再要第二次手術,第一次成功矯正(醫生說非常正位),現在是返發外科近看30度,遠看17度,視光師話如果冇視力,手術只係外觀,但外觀我係可以接受的.有沒有媽媽可以分享,真擔心會否再有第三次手術,又擔心第二次做后比第一次做完仲差.醫生話先天外科(6個月前發現外科的)手術后都有機會返發,因為腦視覺神經受損.

原帖由 RINGO 於 09-7-14 00:35 發表

ok 祝手術成功。
我仔仔都係做兩次先ok。

fionbaby2002

好耐冇上呢個topic。

我囡囡在今年4月都做了外斜矯正手術，都好不幸今次不算成功，因為做完出來冇變豆雞，(聽聞最好係做完出來有豆雞，約2-4星期後就會自動調節走開的)亦冇重影，當時已估手術50%失敗，但都要待醫生覆診詳談，覆診後醫生都話不太理想，但都總叫有做到改善咗個角度。 醫生都解釋每個人對手術效果不一，不幸囡囡不在大部份人的效果當中。

而家要常常做眼操，但囡囡就十分懶。  現在囡囡對眼角度上都有改善到，但當她好疲倦時，看上都有點外斜，但角度上平常人看不出，而我都接受到的。

上月覆診，醫生都話可以再做多次，但我想法跟candytsy一樣，擔心第二次仲差，所以現都係一路覆診先，遲點再決定做唔做手術。  

俾兒女做手術，當父母係好心痛的，亦要用好長時間考慮及好大決心先落到個決定。  亦明白如當手術不成功，父母梗傷心，冇人想小朋友做第二或第三次手術的。  

大家都要勇敢!! 加油!!

Beautylam 希望你小朋友第二次手術成功。

beautylam

你好, 謝謝你，我女兒做了第二次手術了，一做完之後雙眼明顯直了，今天第二次覆診醫生說完全正常．其實做完第二日我女兒已又跑又跳，可能因為恢復了立體視覺，她真的十分開心．

醫生說第二次成功的機會多過九成（大概９６％）（不過原來有些醫生的ＲＥＳＵＬＴ是特別好的，即是一次過成功機會高些）不過如果我個女吾係俾第一次手術挍到”過度豆雞”，我都會等下，吾會即刻做第二次，一來等佢大少少可以檢查時合作Ｄ，樣樣野度準Ｄ，二來這樣連做兩次手術，感覺很”傷”，真的很很很心痛．

經這一役，感到孩子的健康是最寶貴的，你說得對，做父母的要堅強些，勇敢些．

祝你女兒盡快好番．

fionbaby2002

Beautylam,

恭喜你呀，真係替你開心，終可放下心頭大石，呢舊石都可以話壓住好耐好耐。

以你個case 來講，係有必要盡快再做的，現在手術成功，真係冇野俾得上呢樣更安慰。  

我囡囡個case 就冇迫切性，視力又正常，只係有少少改觀不完美，所以都好難再下決擇，醫生亦有講第二次手術成功率有9成，不過經過第一次的不幸，明白呢個世界係冇保證的，所以少不免信心都動搖，再下決定真係要有冇比大的勇氣。

係啦，你在那裡做手術的，政府定私家?

beautylam

你個女都一定會好得番架!

我兩次都係私家做,

第二次係養和, 不是想像中貴, 如果你想問我醫生D資料, 我可以PM你.

我而家想帶個女去理大護眼到做下vision training, 雖然冇哂斜視, 都想訓練番立體感(binocular vision).

除左理大, 有冇人知仲有邊到有vision training做呢? 多謝指教.

原帖由 fionbaby2002 於 09-7-17 17:25 發表
Beautylam,

恭喜你呀，真係替你開心，終可放下心頭大石，呢舊石都可以話壓住好耐好耐。

以你個case 來講，係有必要盡快再做的，現在手術成功，真係冇野俾得上呢樣更安慰。  

我囡囡個case 就冇迫切性，視力又正常，只係有少少改觀 ...

WaiWai媽媽

原帖由 candytsy 於 09-7-15 11:42 發表
ringo,囝囝第二次手術理想嗎?

我囡囡第一次手術后到現在快一年,沒想到可能再要第二次手術,第一次成功矯正(醫生說非常正位),現在是返發外科近看30度,遠看17度,視光師話如果冇視力,手術只係外觀,但外觀我係可以接受的 ...

Candytsy
我睇個位醫生都是說如果唔介意她外觀, 最重要無影響視力, 是可以觀察多一段時間, 不用心急做手術!

RINGO

原帖由 candytsy 於 09-7-15 11:42 發表
ringo,囝囝第二次手術理想嗎?

我囡囡第一次手術后到現在快一年,沒想到可能再要第二次手術,第一次成功矯正(醫生說非常正位),現在是返發外科近看30度,遠看17度,視光師話如果冇視力,手術只係外觀,但外觀我係可以接受的 ...

囝囝第二次手術理想。
最重要無視力ok, 是可以觀察多一段時間

[ 本帖最後由 RINGO 於 09-7-18 07:24 編輯 ]

candytsy

多謝各位支持,大家加油!
大家對立體感有何看法,大多數斜視的小朋友就算沒有視力的問題都對立體感不太好,立體感重要嗎?

candytsy

----------

[ 本帖最後由 candytsy 於 09-7-20 15:19 編輯 ]

candytsy

------------

[ 本帖最後由 candytsy 於 09-7-20 15:18 編輯 ]

summarian

立體感當然重要…
對一個普通人0既視力嚟講，立體感重要@日常生活… 好多距離上0既分辨0既能力、運動、娛樂等等… 一個小朋友，如果立體感唔好0既話(以較差嚟講)，好多野都會輸蝕俾身邊視力正常0既小朋友~ 咁樣都會令佢覺得自己冇其他小朋友咁叻… 都好打擊佢地ga~
但如果立體感唔係太差0既話，都唔會影響正常生活0既~

對長遠發展嚟講呢…~ 渣車、考紀律部隊、藝術發展(視覺方面)、建築、飛機師等等等等。。。 呢d 都唔駛預佢哩~ 如果小朋友將來0既興趣係尼d 方面0既話，心理上就會受好大打擊lu~~

candytsy

如何改善立體感?立體感有沒有數值可以衡量輕重,例如尚可接受--差--較差亦或差就係差?

原帖由 summarian 於 09-7-20 15:28 發表
立體感當然重要…
對一個普通人0既視力嚟講，立體感重要@日常生活… 好多距離上0既分辨0既能力、運動、娛樂等等… 一個小朋友，如果立體感唔好0既話(以較差嚟講)，好多野都會輸蝕俾身邊視力正常0既小朋友~ 咁樣都會令佢覺 ...

[ 本帖最後由 candytsy 於 09-7-20 17:06 編輯 ]

summarian

有GA~
果D Check 眼睛0既視光中心，一般都有~
Polyvision, 光彩明天 都有0既~ 有quantified 0既results 可以知道﹗

改善立體感~ 都有呢d training 可以做~
呢種training 叫做 Sytoptophore training (同視訓練)~ 呢樣我就唔知係咪周圍都有啦﹗~ 光彩就有囉~

至於仲有冇其他野可以train 立體感，我就唔知lu~

olima

我囝囝睇開的私家醫生話，因為我囝囝是天生用一隻眼睇野(左又得，右又得，但多用右眼)，所以佢就好似天生只有一隻眼的人一樣，習慣了，日後可以駕車、打波，做一般職業無問題，只有細微到做眼科醫生先唔掂。

不過，立體感對小朋友的成長很重要，因當中涉及距離、空間等觀念，發展不好亦會影響自信，所以要訓練及改善，可以請教職業治療師(OT)。

請問大家在家如何幫小朋友TRAIN眼﹖

我囝囝有遮眼、眼肌運動(如玩紙上迷宮、玩捉星星--即在他面前伸手在不同方位要他捉，跳彈床等)。大家交流下。

(我囝囝也完成了第一次外斜視手術一個月了，一切尚算順利。)

summarian

原帖由 olima 於 09-7-23 05:21 發表
我囝囝睇開的私家醫生話，因為我囝囝是天生用一隻眼睇野(左又得，右又得，但多用右眼)，所以佢就好似天生只有一隻眼的人一樣，習慣了，日後可以駕車、打波，做一般職業無問題，只有細微到做眼科醫生先唔掂。

不過，立體感對小朋友的成 ...

唔係話天生用一隻眼睇野 (其實係因為斜視先會咁)~
既然而家做左斜視手術，下一步就係要TRAIN UP 番佢0既視力 (立體視功能)~

如果冇辦法好番而習慣，係無可奈何；
但如果有辦法好番但都冇去做0既話，就係一種遺撼啦﹗~ 職業上0既影響，點會只係得眼科醫生做唔倒呢？~ 所有紀律部隊0既工作、阻礙藝術發展、建築、飛機師等等… 都已經唔得哩~

RINGO

原帖由 candytsy 於 09-7-20 15:00 發表
多謝各位支持,大家加油!
大家對立體感有何看法,大多數斜視的小朋友就算沒有視力的問題都對立體感不太好,立體感重要嗎?

candy 你女兒是否有立體感的問題？