課外補習一問

ACCC

請問大家啓基家長,有否為你們的兒女額外補普通話、英文等語文科呢？因我所知啓基的學術程度一般,這又是否屬實呢？(如不是和DGS、九龍塘宣小等來比較。)因我也擔心入讀後雖然愉快學習,但程度太淺又要額外補的話,這便有反原意和經濟上亦會很大負擔(學費+補習),請各位給予一些意見。

ACCC

請問有冇意見呢？

wksin

我兩個小朋友都無補習, 但我考慮幫大仔請補習, 唔係因為課程淺, 而係因為佢數學比較弱, 我又無時間教佢, 所以想請補習幫佢。以我所知, 讀宣道, DGS, 等名校更加會請補習添, 這是我身邊的朋友的現象。

另外, 我唔覺得啟基的程度比較淺, 應該係佢教的合乎水平, 但我個仔的數學都只係58分 ,
幸好佢語文科就比較好, 平均有8X分。

[ 本帖最後由 wksin 於 08-11-13 22:29 編輯 ]

ACCC

咁請問你的兒子有冇在校學課外活動呢？一星期大約多少天？其實啓基的教學方法是否很難和傳统教學來比較呢？雖然話愉快學習,但其實當中又愉快學術又好的有幾多成呢？請問有冇這些資料呢？

wksin

原帖由 chengwaiking 於 08-11-13 23:23 發表
咁請問你的兒子有冇在校學課外活動呢？一星期大約多少天？其實啓基的教學方法是否很難和傳统教學來比較呢？雖然話愉快學習,但其實當中又愉快學術又好的有幾多成呢？請問有冇這些資料呢？ ...

有呀, 我個仔參加了水墨畫及武術精英班, 另外學校揀左佢入英語名著話劇班 (呢班係要被邀請的), 上星期佢又可以代表學校接待澳門學術交流的學生, 同佢地一起午餐及交通 (呢個都係學校揀選的)。

至於教學法, 其實所謂愉快學習, 其實係在合理的功課量, 及默書量之下, 可以學到適當的知識, 而且不是淺及少, 是適中, 因為我大仔之前是讀培正, 所以我可以比較到, 例如以前培正中默, 每次3課書, 英默每次兩本STORY BOOKS, 這種大量死記式的默書, 默完都好快唔記得, 而且要用好長時間預備一次默書, 連睇課外書的時間都沒有, 功課量又多, 而啟基就只是每次默一課, 但卻有大量時間可以睇多好多課外書, 所以那一種好, 視乎你怎樣睇。

ACCC

多謝你的分享,咁我想問你的大兒子是否比較主動的呢？【因他被學校揀左佢入英語名著話劇班 (呢班係要被邀請的), 上星期佢又可以代表學校接待澳門學術交流的學生, 同佢地一起午餐及交通 (呢個都係學校揀選的)。】而我的兒子是比較被動和沒自信,以你認識這所學校來看,這會否被老師忽略呢？(因這類人比較起那些所謂頑皮的學生會容易被忽略的。)

winwin_chai

各位媽咪,

唔好意思看見你們的話題 , 我仔仔佢今年讀小一, 自從到啟基後, 仔仔比以前活躍咗好多, 因我仔仔响幼稚園係唔出聲同好被動細膽. 但黎到呢間學校後明顯好唔同, 日日好多嘢講,有自信咗. 而課外活動, 我就同佢選擇畫畫,圍棋同埋英語話劇, 而我選擇活動係睇佢自己嘅強項同弱項比佢玩, 佢鍾意畫畫就揀畫畫(佢喜歡嘅), 英語話劇因為我仔仔比較細膽所以我要將佢嘅弱項變強, 圍棋就比佢訓練佢嘅思圍! 另外, 校外我只安排英文, 畫畫同埋游泳比佢因為呢啲係佢好細個嘅時候已學, 所以都唔想放棄! 至於補習, 我就沒有安排比佢, 因佢暫時都應付到, 就靠佢自己咋! 因為佢放學回來都有同佢溫習, 而佢都會成日講番上堂所學嘅嘢比我知!

wksin

原帖由 chengwaiking 於 08-11-14 10:27 發表
多謝你的分享,咁我想問你的大兒子是否比較主動的呢？【因他被學校揀左佢入英語名著話劇班 (呢班係要被邀請的), 上星期佢又可以代表學校接待澳門學術交流的學生, 同佢地一起午餐及交通 (呢個都係學校揀選的)。】而我的 ...

NO, 正好相反, 我大兒子在培正時, 好被動, 內向, 唔主動, 但入左啟基之後, 成個人唔同左, 上年3年級下學期見啟基的家長日, 班主任同我講, 發現我大仔的表達能力幾高, 尤其是係小組討論時, 佢係可以做到因應題目而討論的, 而有些小朋友未能做到, 佢以為係個TOPIC 我仔仔比較熟, 所以比較多發言, 但係其後, 係多次的討論, 或是個人演說時, 仔仔的表現都幾好, 所以有一次都揀左佢可以做午間廣播劇。這件事我都幾意外, 我同朋友分享時, 佢地話其實一向都覺得我個仔講野叻, 好多意見發表, 只是個陣係培正讀, 攪到佢無晒自信, 成日覺得自己差, 所以同人說話都好似好膽怯咁, 依家佢成個人唔同晒, 所以我好欣賞啟基真係可以做到 (明白每個人的長處不同, 唔會因為成績不是最高, 就不被重視) , 相反, 佢地真係明白個別小朋友的特點, 而因才施教。

有一個媽咪講過, 平凡的小朋友讀啟基, 就會令佢地SMART, SMART的小朋友讀, 可以令佢地更SMART, 這個是真的。

[ 本帖最後由 wksin 於 08-11-14 19:24 編輯 ]

ACCC

wksin,
多謝你詳細的分享,令我認識啓基更多。
winwin_chai,
也多謝你的分享,希望有機會在啓基認識你們啦！
其他啓基家長,
唔知仲有冇一些例子可以分享呢？我真的想知多啲,才讓自己的兒女就讀,尤其是有一個是想替他轉校,恐怕這只是少數例子(變得更有自信和積極),希望各位明白,做父母有時都幾矛盾！

heidilaw

winwin_chai,
我仔仔都是今年讀小一1T班,你仔仔哪班?

原帖由 winwin_chai 於 08-11-14 18:56 發表
各位媽咪,

唔好意思看見你們的話題 , 我仔仔佢今年讀小一, 自從到啟基後, 仔仔比以前活躍咗好多, 因我仔仔响幼稚園係唔出聲同好被動細膽. 但黎到呢間學校後明顯好唔同, 日日好多嘢講,有自信咗. 而課外活動, 我就 ...

heidilaw

wksin,

你仔仔今年四年級? 我女女都是舊年轉校的,今年4H班. 看到你的留言很認同,大家都是有比較過才有這樣的感受.

原帖由 wksin 於 08-11-14 19:19 發表


NO, 正好相反, 我大兒子在培正時, 好被動, 內向, 唔主動, 但入左啟基之後, 成個人唔同左, 上年3年級下學期見啟基的家長日, 班主任同我講, 發現我大仔的表達能力幾高, 尤其是係小組討論時, 佢係可以做到因應題目而 ...

ACCC

wksin & heidilaw,
看到你們的兒女都是轉校,而且轉了之後比前更好,讓我更有信心為我的兒子轉校,但他已是四年級(即和你們的兒同屆),但我幫他申請了P.3,其實我都15/16,因怕浪費了他一年時間,但直接插入P.4,又怕他沒有足夠時間適應和沒有咁快被學校的積極風氣感染,請問你們有冇甚麽意見可以分享一下呢？(我已交了申請表,但暫時未有位)

wksin

原帖由 heidilaw 於 08-11-22 11:16 發表
wksin,

你仔仔今年四年級? 我女女都是舊年轉校的,今年4H班. 看到你的留言很認同,大家都是有比較過才有這樣的感受.

我個仔係4D 班既, 我地既小朋友很幸福, 可以插班入到啟基, 我相信呢個安排真係可以改變到仔仔之後的成長。

wksin

原帖由 chengwaiking 於 08-11-22 11:27 發表
wksin & heidilaw,
看到你們的兒女都是轉校,而且轉了之後比前更好,讓我更有信心為我的兒子轉校,但他已是四年級(即和你們的兒同屆),但我幫他申請了P.3,其實我都15/16,因怕浪費了他一年時間,但直接插入P.4,又怕他沒有 ...

我覺得應該直接插P.4, 或者明年入讀P.4會較好, 因P.3 如果他覺得D課程已讀過, 怕他會覺得悶。