好嬲迦南幼稚園

stone940828

唔好唔開心啦!你小朋友讀左幾耐呀?
今年學位真係唔多,
我之前都曾問過呢間學校ge playgroup,
當時好似係話入讀3個月以上ge學生,
會優先處理,免除面試.....
當時都問過....唔代表一定收,!

但我所知今年playgroup d學生,
好多都係有參考加interview,
但結果有冇人被取錄....就唔知!

我今年4月問過n班的資料,
當時已經上午班full晒,下午仲有少少位....
所以順便問埋playgroup d野lor.
我當時都諗,今年的09年k1....都唔易入lu.

xanax1mg

可能今年太多人in 啦
我囡囡都係返綠苗,之前係真係直上ka, 而家我bb讀緊迦南n1

原帖由 sandrawun 於 08-11-10 11:02 發表
我囡囡係九龍塘迦南返Playgroup，要成千幾蚊一個月，一星期只係返兩、三日，每日只係一小時十五分鐘，一心諗住係到讀K.1，佢地話明返playgroup的小朋友是可以優先處理升讀幼兒園及幼稚園而無需面試，結果不單要面試，重要面試後唔 ...

jj_bb

過路問下,會唔會只係九龍塘先唔以直升?

原帖由 xanax1mg 於 08-11-10 11:56 發表
可能今年太多人in 啦
我囡囡都係返綠苗,之前係真係直上ka, 而家我bb讀緊迦南n1

tscr701nt

佢地仲離譜係. 1/11 我同囡囡去 interview. 佢地話其實佢地得好少好少位係俾 walk-in o既小朋友. 但係... 佢地又照樣收幾千個 application. 每人 30 蚊. 嘩... 果度佢都賺唔少.

仲有. Interview 個人員. 俾我感覺只係例行公事咁. 完全無 heart. 無引導小朋友. 說話亳無愛人. 唉... 呢間野. 我真係睇唔到佢地點解可以咁多人報. (我蠢左)

yan321

我想問吓你，佢通知你係唔收，定係wainting?
其實我同你都係一樣，返緊playgroup(二、四)，都已超過3個月。
咁我都有申請k1，playgroup老師話面試的表現係唔會影響入學資格，咁我咪照去面試囉(11月1日)，但當日我囡囡的表現就不好，所以我都好擔心係未有優先，因為我見到我去in時個張form係無註明佢係playgroup學生，同街外人都係一樣。
同埋我係9月交表，但佢話11月先會in playgroup。不過我見有部份街外人已經10月in咗仲收埋添，咁如果佢學位咁緊張，點解咁等in哂所有人，比咗讀緊既學生優先，先再收街外人呢!所以呢點我真係唸唔通。
但而家我要到21,22號先寄信通知，我都想打電話問吓校長點?

原帖由 sandrawun 於 08-11-10 11:02 發表
我囡囡係九龍塘迦南返Playgroup，要成千幾蚊一個月，一星期只係返兩、三日，每日只係一小時十五分鐘，一心諗住係到讀K.1，佢地話明返playgroup的小朋友是可以優先處理升讀幼兒園及幼稚園而無需面試，結果不單要面試，重要面試後唔 ...

ddby

我仔仔係九龍塘迦南返n1,我問老師佢話我地可以直上k1,所以其實得好少位比新生.

yan321

剛剛打咗電話去找羅校長傾，佢話因為唔係讀n1機會無咁大，係真係好微，多數都係wainting，咁我話我9月遞表，要等到11月先面試，但有d非本校學生就可以10月面試仲收埋添(我話係我有d朋友)?佢仲話唔知點解我話有d朋友係出面既人都收咗(佢有d質疑我的說話)。
跟住佢話Playgroup係徐主任負責，要一個星期左右，佢找徐主任聯絡返我再詳細講，同埋問咗我小朋友叫咩名。
不過我覺得佢好似趕住收綫，唔想再同我講落去咁。

原帖由 sandrawun 於 08-11-10 13:24 發表
每人收三十蚊，分明係為賺錢，我囡囡讀playgroup都幾仟蚊，諗住買個保障，越諗越嬲。

kc_united

算吧啦.  讀唔到搵第二間!!  聽你說, 間學校好似唔係好好. 入到都無為啦!! 我原本都打算明年報迦南k.1, 現在我都想想了.

smalleatb

原帖由 sandrawun 於 08-11-10 11:02 發表
我囡囡係九龍塘迦南返Playgroup，要成千幾蚊一個月，一星期只係返兩、三日，每日只係一小時十五分鐘，一心諗住係到讀K.1，佢地話明返playgroup的小朋友是可以優先處理升讀幼兒園及幼稚園而無需面試，結果不單要面試，重要面試後唔 ...

完全同意呢間迦南幼稚園(九龍塘總校)係想昆人$30，最初我in另一迦南時(10月4日in)，我就打去總校講想轉去佢哋o個間，有個miss就同我講收咗我個小朋友先再打黎話轉，跟著十月底我一收到信(accept咗)就即刻打去話轉，佢學校竟然同我講話已冇晒位，以我所知11月1日根本仲有學生以去in，跟著佢同我講o個日ino個啲係後備多，咁樣唔係昆人錢係咩。

靚媽唔易做

嘩, 咁佢真係呃人錢同時間喎, 得小小位就唔好比咁多quota in啦, 我除咗晒$30報名費, 仲晒埋的士錢同時間呢, 真過份喎.

o個時收到封信係waiting仲有d唔開心, 依家終於知唔係我囡問題........感覺間學校有d cheap喎.......

fskaren2002

始終呢d都係商業性同牟利學校唔多唔少都$字行先!
我上年考k1時, 因為好多間都未通知結果, 迦南亦係早先interview同最早有結果; 最後我連留位費六百幾 都"薛 "埋tim! (因為佢地會打嚟叫d家長早d交註冊費可以早d留位)

tanoshi127

原帖由 tscr701nt 於 08-11-10 13:08 發表
佢地仲離譜係. 1/11 我同囡囡去 interview. 佢地話其實佢地得好少好少位係俾 walk-in o既小朋友. 但係... 佢地又照樣收幾千個 application. 每人 30 蚊. 嘩... 果度佢都賺唔少.

仲有. Interview 個人員. 俾我感覺只 ...

其實些幼稚園真係好發，每個收 三十元，得唔得都比左去先有得申請，真搞野， 其實我都去過迦南面試，我都覺得些老師沒有耐性和愛心，好似返工咁，小朋友答唔答都無所謂，因她都好似沒有耐性性引導小朋友去答，你都知小朋友見到陌生人當然怕，怕就不想答老師，只係哭，總之我覺得間學校學校好商業化，無愛心。

BBR

不嬲都覺迦南差,亦唔係咩名校,我個女之前入左,讀左一年我轉返佢出黎,咁辛苦入迦南不如讀其他普通幼稚園好過,我可以話你知迦南同出面的普通幼稚園一樣,响見小學時唔會因為你讀迦南而有幫助,所以如果讀迦南不如搵其他好過

HebeMama630

I don't agree with you, my daughter interview in Oct, all the teachers there are nice and friendly!

CKAU06

我就好好彩la.
我都同小朋友in左呢間la,
但我就對D老師印象非常好.

我小朋友唔入課室,老師好有耐性企响度同我講,
唔緊要啦.來到新環境不如你抱住佢攬佢一陣先啦!
等佢熱下身先喎.
之後入房...阿仔冇再扭計la,
仲成日望住老師笑,好似好鍾意呢間學校咁.

我都知今年學位緊張,所以都唔敢抱太大期望,
畢竟都係細仔,冇大仔咁醒ga la.

BBR

我好記得個女剛升K2時因為我自己湊返學,星期一通常書包好重,我就幫個女拎,點知一入到學校門口,個主任就好惡同個講"你做咩自己唔拎書包?快D拎返個書包" 因為我拎住左個女就望一望我,跟住個主任就話"你重唔拎返? " 我幾嬲,費事理佢同個女上班房,因為佢班房要上一層要行20幾級樓梯我唔放心米同佢上,跟住佢又黎"你自己上去!" 我都費事彩佢,一D禮貌都無,你估我個女黎返軍校咩?!同埋基本上我唔鍾意佢地上課時的活動安排,每日頭一個鍾都係做同一樣野,分3組,一組畫畫油顏色,一組玩玩具,一組小肌肉活動(剪紙,夾豆,串珠),成個學期有一個鐘頭就係做這些

smalleatb

咁講真唔係話間間迦南啲miss都唔好，每間都總會有好同唔好，你in時遇到好既咪就係你好彩囉，遇到啲唔好既咪黑囉，但本人就覺得身為總校(金巴倫道)，就應該比其他分校再做好啲先啱，人哋有心想讀你間多過其他分校既話，就應該好好同人傾吓，教吓人點做，唔係一句話收咗你先再打黎(呢句既意思我都唔肯定佢係串我定係乜意思)，到收咗又同我講唔會再有位，咁係玩我定係點呢？同埋身為總校既主任啲禮貌真係好一般囉，趕頭趕命咁仲要快過我收線，我真係唔多覺呢啲miss會對啲小朋友會有耐性囉，完全係收完人錢就乜都唔做。

CKAU06

其實真係有冇一d無上playgroup又唔係n班學生,
已被迦南收左呢?