Tutor Time Nursery class in Kowloon Tong

小程程

我個小朋友由PLAYGROUP到宜家N1都係TT,PLAYGROUP好好多...N1好麻麻,再俾我揀,我一定唔會揀TT既N1,但宜家已洗濕左個頭...唉!

[ 本帖最後由 小程程 於 08-10-31 00:44 編輯 ]

fatyuen

原帖由 小程程 於 08-10-29 23:45 發表
我個仔由PLAYGROUP到宜家N1都係TT,PLAYGROUP好好多...N1好麻麻,再俾我揀,我一定唔會揀TT既N1,但宜家已洗濕左個頭...唉!

我個女番緊TT PLAYGROUP...都諗緊會唔會報埋佢地N1...請問下佢地N1有咩唔好呢? 你位小朋友係番多實OR沙福果間?

parcochu

原帖由 小程程 於 08-10-29 23:45 發表
我個仔由PLAYGROUP到宜家N1都係TT,PLAYGROUP好好多...N1好麻麻,再俾我揀,我一定唔會揀TT既N1,但宜家已洗濕左個頭...唉!

請問你係多實定沙福呀, 我個仔0係多實我又覺得ok喎, 佢classroom teacher同普通話老師好好, 不過英文老師就麻麻, 好似冇乜愛心及經驗, 不過我個仔都返得好開心, 日日返屋企都唱歌...

小程程

我係沙福果間.

讀左兩個月,我同老公都覺得小朋友活躍左同主動左,見到佢而家返學都算開心,但係:

1. 同時亦曳左好多,見到好多曳野係o係學校學返黎,我知小朋友好易模仿朋輩既行為,但有d係老師做成,例如而家玩完玩具唔會自動tidy up(以前o係屋企係會架),最主要原因係o係學校成日都可以玩到一地都係玩具老師都唔會insist叫佢地tidy up(有web cam我可以睇到上課過程),老師多數快快手自己tidy up 左就算.所以而家慣左手勢玩完玩具要迫佢先肯tidy up.
同時覺得佢地好唔著重教小朋友自理及守紀律.

2. 課程好唔systematic,聽講其他幼稚園都會有一週既主題,但依度就東教一d西教一d,冇theme.

3. 開學時唔俾家長陪,一日都唔俾,仲要一返就返三個鐘,見到d小朋友個個喊到癲唒,尤如人間煉獄!!小朋友得兩歲,要佢地一下只離開媽咪面對陌生環境陌生老師係咪太殘忍?!而家大部份幼稚園都俾家長陪最少幾日俾小朋友習慣陌生環境架啦!雖然而家小朋友返慣左學唔再喊,但我相信一定有陰影囉!自從返學開始,佢黐身左好多!
發映意見都冇用,個新校長唔聽人意見,淨係識耍人.

4. 茶點成日俾honey star,好甜好硬人地用黎加奶做早餐既,佢地用黎就咁俾小朋友做茶點.向校長反映過,咪又係耍完照舊囉.
之前消委會check左話太甜又係最高脂肪果隻.

仲有其他細節不能盡錄,可能有人會覺得我要求高,好多幼稚園都係咁,但...其他幼稚園係咪收緊$6800一個月學費先?!收得咁貴係咪應該有返d高質素既老師/學習環境/設備/教材等?全間學校一個琴都冇,冇花園仔俾小朋友淋下花(好多收費平d既intl k都會有)...

最主要,每日睇cam睇住佢地上堂,感覺係好"har"時間,冇乜心去教小朋友!