非常不滿合一堂單家傳幼稚園的收生做法

迪迪豬

小女06年11月出世，前幾天寄信報讀該校09-10年k1幼兒班，今天收到該校致電通知，確認收到本人申請表，但校方說她們有收生不明文規定，凡小朋友在每年度的11月或12月出世，在完成面試後只可入讀該校09-10年度的pn班(2歲學前班)，而在10月出世的小朋友會因應面試表現而決定能否入讀k1幼兒班，其他月份出世的幼兒則不受影響，她們還說校方只會選擇收大仔(即10月前出世的兒童)。

我感到小女受到她們的年齡歧視，她們怎知我女兒的能力會比大仔差?她們說是憑經驗而知，還說這樣做是為了我女兒日後的學習，避免小女自尊心受到嚴重影響。憑證何在?理據何在?她們怎知我女兒的日後的學習進度會比大仔差?會出現學習上的問題?學習進度會比人落後?難道大仔的學習表現會一定良好?一定冇問題?幼兒的認知發展不是因根據其年齡表現指標而定嗎?協康會及教育學院已有一套完整的幼兒發展表現指標及評估準則可供參考，即是按幼兒年齡去評定並本身的發展進度，而不是與他人作比較。

校方這麼做，我女兒不是等於非自願性地讀四年幼稚園，而且pn班還要再遲一年才能入讀，若我打算幫女兒報讀pn，今年12月她已經可以入讀，還需要再等一年到明年9月才入讀嗎?其實小女早在4個月前已入讀了在家附近的親子遊戲班，並已留名報讀08年下學期的pn學前班(即今年12月入讀)，根本不需要等到明年09度再在該校重讀pn，簡直是多此一舉的做法。

我亦已經好有耐性地對她們說教統局有指引，適齡學童是指幼兒年齡由2歲8個月起已可申請報讀k1幼兒班的，小女到明年8月已是適齡學童，她們是不可以強制小女，她們說別的幼稚園會收，但我們學校是不會收的。她們語氣之強硬，真是多麼令人驚訝。

若學校是只選擇大仔才施教，細仔不施教，按年齡而不是按表現及能力，如何做到因材施教?如何做到五育發展?如何做到培育幼兒全人發展?如何做到建議一個全面關懷幼兒成長的環境?那麼她們的辦學理念及宗旨可謂名不副實，虛有其表。校方在處理收生時的行政工作出現好大問題，甚麼是不明文規定?

現時各校均努力推行成立家長教師會，甚至有幼稚園已去到吳迅榮(2001)家校合作模式的層次六，設有家長校董，並由學校管理委員會與校方共同決策校內政策。我看校方連收生條件都設有不明文規定，她們的校政我也不敢恭維了。

我本心儀該校，才打算報讀，但此經驗教我對校方死心。
我會保留向教統局提出投訴的權利，看看該校的校董、校監、校長、主任、家長教師會甚至家長會對此不明文規定有何回應。

jjtseung

原帖由 迪迪豬 於 08-10-27 19:35 發表
小女06年11月出世，前幾天寄信報讀該校09-10年k1幼兒班，今天收到該校致電通知，確認收到本人申請表，但校方說她們有收生不明文規定，凡小朋友在每年度的11月或12月出世，在完成面試後只可入讀該校09-10年度的pn班(2歲學前班)，而 ...

咦, 我朋友女女係0612, 仲細過你女女, 來緊1月將會插班讀合一堂(北角)... 以我所知, 北角校同馬鞍山校呢兩間學校係同一校長, 又會有唔同的收生準則? 我記得朋友話, 佢女女今個月頭interview的時候係group interview N1, 當時都有好多大B, 佢係12月細B, 但佢真係表現好好, 所以揮低其他小朋友而入圍, in的時候老師都話學位所淨唔多!

你不如心平氣和地再去學校問下, 係埋因為學額滿佐而安排下一年?

on the other hand, 教統局只係規定最低入學年記係2歲8個月, 所以真係唔少學校會有自己的guidline同準則, 相信唔係年記歧視!
例如:
培正: K1入學年記要滿足3歲, 9月後的細B無的報!
真光: 09-10年K1收最細要係06年10月出世, 我同朋友原本想報都唔得報
...
同埋其他好多Kinder都會9成幾比例收大B, 如SPK, SPN... 9月後細B比例真係極少, 有都可能係靠人事而入!

坦白講, 我女女都係0612的細B, 而且佢的語言/社交/學習能力亦不俗, 我亦都比佢做細B...  不過, 我認同, 大B入學的頭年幾時間的學習能力普邊來講係會快些, 亦更加有自信!

如果真係好想入呢d收大B的學校, 好有誠意地寫幾封求位信, 同校長傾會更有效些! 希望幫到你啦!

[ 本帖最後由 jjtseung 於 08-10-28 08:04 編輯 ]

碟碟

唔好咁勞氣啦....佢地所假設既係一般情況下大仔會比細仔既表現好的因為大仔係各方面既發展都比較成熟, 唔係話歧視細仔, 淨係講自己個BB, 3個月前同依家比較又確實真係有好大既差別...佢地咁做,唯一可以商榷既地方係佢地無就個別細仔做評估就一刀切唔收....不過另一方面黎睇, 佢地都算負責任架, 起碼佢地講明比你知等你自己考慮...其實佢地可以唔出聲, 比你照申請不過淨係fail你,咁做仲唔使比任何理由添.....

從你個post睇得出你好緊張個女既學業, 亦都好有心得,如果你真係好鐘意呢間學校, 學jjtseung 話齋, 試下寫封信比佢地個校長, 睇下佢地會唔會再考慮你個case....

原帖由 jjtseung 於 08-10-28 08:01 發表

咦, 我朋友女女係0612, 仲細過你女女, 來緊1月將會插班讀合一堂(北角)... 以我所知, 北角校同馬鞍山校呢兩間學校係同一校長, 又會有唔同的收生準則? 我記得朋友話, 佢女女今個月頭interview的時候係group ...