係學校俾人咬,你會點做?

Nail

我個女2歲幾,讀緊全日n1,星期五返到屋企發現手臂有個好深的牙印,好明顯就係係學校俾人咬,打返學校問老師又話睇唔到,問我個女佢一時又話係同學a咬,一時又話係同學b咬,要佢自己講返件事真係難,作為家長可以點做???我又唔想學校覺得我麻煩/惡死,但係又唔想就咁算數.因為我真係好心痛,同埋佢唔係第一次係學校受傷,不過未試過咁嚴重,過了3天還是瘀的.

winchoy16888

我一定到學校揾班主任傾‧不是我麻煩 而係我有權知道我小朋友係學校發生咩事、 係我小朋友撞人‧爭嘢玩被人咬、及叫我自己小朋友應吓人、今次吾出聲咁下次撞頭流血點算

MdmFung

唔好怕麻煩, 一定一定要返學校了解件事, 不論係同學"A" or 同學"B", 都要知道做乜事!!
班主任唔可以一句話睇唔到就得, "咬"睇唔到, 係唔係要"流血"先睇到?
p.s. 你記得教阿女如果再有DD事發生, 第一時間要話俾老師聽.

winchoy16888

一定到學校

綺璇媽咪

你一定去學校同班主任傾番!
如果個老師負責任的話，佢一定會解釋同埋搵番件事情始末，而且為免有其他小朋友再被小朋友咬‧

Yonniewong

我囝囝都被人咬過. 係我發現佢隻手臂瘀佐. 成個舊5蚊咁大, 好明顯係比人咬過. 我即是睇薄仔 (因為書包有本薄仔, 係比父母與學校溝通), 原來真係比人咬. 我當然好心痛. 仲覺得好過份. 因為好唔合衞生.
我在薄仔回覆了老師. 第二日晨咁早打返學揾老師了解件事. 個結果係佢地排隊唔守規則, 所以個小朋友就咬人, 佢當事有咸, 因為好痛. 所以老師就知道. 老師幫我追問了咬人個小朋友家長. 原來個家長話佢地係屋企玩咬來咬去. 個小朋友唔知係錯.
我心裡面話咁都得. 我再去問下囝囝痛唔痛, 佢話無事啦, 小朋友同我道歉佐, 我原諒佐佢. 我唸一定要了解件事, 先可以再處理.

yellowfish

我囡囡都有此經驗, 仲要係咬面面, 有心痛o架  . 但可能老師有第一時間通知, 所以無o禁激氣 . 老師當日中午時間已經打電話比我 , 通知有此事發生, 及幫她用了什麼藥處理傷口, 幸好無流血, 足足一星期才退哂.
小朋友在家就好像皇帝公主一樣 , 回到學校樣樣都要share同分享 , 難免有爭吵的發生.  不過, 怎樣也好, 老師至少要通知家長一聲, 了解事情, 好讓家長可在家教導自己的小朋友.  家長亦不應教小朋友玩咬人的遊戲 (因對方家長在家亦有和小朋友咬來咬去), 因小朋友不知道這種做法是不對的.  小朋友像一張白紙, 你做什麼, 他們就做什麼, 不知什麼是對是錯, 家長們應小心自己在家的行為呀.