應否轉琴老師???

藍莓

我個仔跟左呢個琴老師2年,而家學緊grade2尾與grade3頭,之前學的時間都冇問題,但今年9月新學年開學後老師要轉時間,就撞了我仔的默書日子的前一日(例如我仔學星期一,但逢星期二就默書或測驗),而且因為功課多,所以練的時間少了,老師說這會拖慢進度,我已說唔緊要,學校的功課緊要d,而且我不急於要佢考grade,同埋我希望他能幫我改時間學,但他說更改唔到,沒有空位.同埋我覺得我個仔彈琴的手指好平,不夠曲,他說他己提了我個仔,只是因為我個仔成日都唔記得,他不能夠每堂都要提他的,佢話我教他只係每星期一堂,最緊要都是他有冇心去做,我明白,但他是老師,不是他有責任要糾正好他的手勢嗎?我自己又不懂,只係我聽朋友講手勢很重要,初初唔改正好就好難改番.基於以上這些,我都唔知同唔同個仔轉老師好,因已跟了他兩年,而且黎緊又要考校際音樂節,轉老師趕得切適應嗎?請各位比些意見.

clarinet

原帖由 藍莓 於 08-10-22 15:08 發表
我個仔跟左呢個琴老師2年,而家學緊grade2尾與grade3頭,之前學的時間都冇問題,但今年9月新學年開學後老師要轉時間,就撞了我仔的默書日子的前一日(例如我仔學星期一,但逢星期二就默書或測驗),而且因為功課多,所以練的 ... 他說他己提了我個仔,只是因為我個仔成日都唔記得,他不能夠每堂都要提他的,佢話我教他只係每星期一堂,最緊要都是他有冇心去做

就算你轉老師，新老師好大機會都會講番相同既野，因為呢個係事實嘛，除非你轉個新老師陪埋你個仔練琴啦！

miss321

從表面來看，我覺得鋼琴老師沒有做錯

第一, 工作時間忙, 鋼琴老師調動學生上課時間是閒事，如果因為時間不夾你，你有權去選擇配合到你時間的老師

第二, 一星期上一次課， 老師是有責任去提學生用正確手勢彈琴, 但其餘6天都係屋企練習, 老師冇可能要每日打電話同學生講要佢曲手指彈琴, 講真句, 家長配合好重要。如果你話個老師連上堂果時都唔糾正佢手型, 咁係有問題既。

總括黎講, 你覺得佢教得好, 你個小朋友又鐘意佢, 就算時間唔多夾你, 都要繼續跟。 教得唔好咪轉囉, 都唔關時間事。

好老師難求哦~

VeryHappyMum

我以前亦曽爲「時間」這問題而操心，但漸漸我發覺小學生的各科測驗、黙書、評估、考試...... 是無日無之，學期頭時間更掉完，學期中又見其他類似的問題，所以現在我的策略是煮乜食乜，總之之前温習好些(盡量啦)便算了，因爲我更發覺，就算我將活動時間怎樣調動，小朋友亦唔會多謝你，一樣經常有「出人意表」的成績帶回來。我唔幫佢改活動時間，等佢明白很多事是避無可避，要佢知分配時間是他的責任。當然，有些家長行穩陣派，要將小朋友的時間平均分配得妥妥當當才能安心，這亦絕能理解的，

手勢而要轉老師的問題，之前家長的意見已很到位，而我另外覺得是有沒有把握揾到更好的伯樂(包括學藝和性格上)，我從前因爲一些問題放棄一位音樂老師，當時深覺這問題很material，但事後 ........ 發夢也望能再遇上他。

[ 本帖最後由 VeryHappyMum 於 08-10-22 19:38 編輯 ]

concerttime

對 手勢很重要
有家長配合最好
不過也要看看老師能不能堅持
有時不能單單說"喂 你要用指尖彈"
學生會心想得"我平平手指很舒服 為什麼要用指尖?" 於是上課時敷衍老師用指尖 回家就照就平平手指
然後下一堂老師就說 "為什麼你老是忘記用指尖?" 如是者 就過了1,2,3年
想改也好難改了

不過如果說"不能夠每堂都要提他的"
就是好師不夠堅持
對著不同的學生要用不同的說法
大一點的學生需要向他解釋為何要這樣
小不丁就用不同的方法引誘 讚賞
又要用好多不同的聯想或游戲
如: 你不能讓我看到你的指甲 要不然你就輸了 etc...
總之 好的姿勢一定要堅持

藍莓

我都好明白老師只係每星期對佢一堂，但老師只係在最初的幾個月上堂有叫他改之後就沒有再特別再提他，只是我有時見到老師就同佢講，不過我覺得老師係咪有責任見到他手勢不好的話，應用他的方法去繼續改善好呢，或者應該同我講我用咩方法去提他會好ｄ呢，而不是我同他講他就提他，你們都知老師講一句好過我講十句，我只是每次見亞仔練琴時有提他，我又唔識，我都唔知我叫他做得岩唔岩．

yankit

我覺得要孩子學琴學得好,的確係老師和父母都同樣重要,老師要教得好,而父毋就要做好陪練的角飾。你的老師說:有提過佢,冇可能堂堂都講。如果作為父母既的確會感受到,佢說得不對,有些不負責任。但老實講,如果你係老師,你又會怎樣呢~可能因有太多家長都是不太懂音樂,孩子怎樣學都不太理會,所以大多老師都本着"講到唔想講,算吧!"
另外~你說上課時間不太配合,我相信這個絕對不是換老師的藉口,因我相信你囝囝的默書星期二默唔會星期一先黎讀卦~你可以再早一點跟他溫習吧~
我唔敢講你的老師教得不好,只可說是不夠"嚴格"吧!
你現時應該想想你的孩子在這兩年裏學得開心嗎?學得好嗎?
如果學得好就無需要換老師啦!!
再者你說你不太懂,那你為什麼不在網上搜尋下呢~其實網上可以找到很多對學琴有關的知識,又或者可看看有些鋼琴家的演奏,得益不少架~有時陪練角飾都非常重要,你吸收多些有關知識對你囝囝學琴都很有幫助的~你不要只說不懂就全將責任放在老師身上,你也要努力加油吧!

[ 本帖最後由 yankit 於 08-10-24 01:13 編輯 ]