今年報小學 ~ 想入 "王余家潔"

amyivan

本人是住在寶林站 , 其實我有 2 間學校想棟 ,
1. 宣基
2. 王余家潔

我之前都問左好多問題 , 左棟左棟 , 自行配位棟左 "宣基" , 但現在有少少後悔 , 因為我計過 , 原來每月車費都要 500 元 .

因為我是一個女人仔養仔 , 每月多支出 500 車費 , 都好貴 , 所以 , 我決定無論第一輪成功與否, 我第二輪會報王余家潔 , 因為行路返學 , 又加上間學校都 ok , 一條龍 .

1. 有沒有其他媽媽今年都會報 "王余家潔" .
2. 其實 , 在網上好少講這間學校 ? 又唔知自己會否再棟錯 ??

jsyting

我個仔讀緊王余家潔, 呢間學校比我既感覺係一間好傳統既學校, 功課好多, 可以講得話係都幾"填鴨式".

我只有一個小朋友, 而我自己讀小學既年代又實在相隔太遠, 我真係無咩辦法去比較同衡量. 但係, 我淨係每日花喺同佢對功課同埋温習既時間, 已經攪到夜ma ma. 成日都要測驗同埋考試, 唔好話個細佬, 我都覺得好攰. 而家成11點, 我地仲係度温緊習預備聽日既考試.

  

總括黎講, 學校都唔係唔好既, 都好關心學生, 但真係無咩空間可以比佢有時間參加課餘活動囉! 所以好唔好真係好難講, 聽聞而家出面d學校都係咁, 所以論校風, 呢間學校都係選得過既.



Good Luck!