三歲多d (男仔)，學咩好？

mickychow

我仔仔三歲零三個月，我想搵d興趣班比佢玩吓。各位媽咪有咩好意見？

vickto

我個仔都是3歲多D我都想知應該學D咩課外活動好呢??

NgVivian

我囝囝3歲時已學普通話，英文﹐音樂班和跆拳道及親子泳班等

pamelaywy

原帖由 mickychow 於 08-10-13 14:34 發表
我仔仔三歲零三個月，我想搵d興趣班比佢玩吓。各位媽咪有咩好意見？

以下係之前另一個媽咪post問相似問題時我的回答, 希望適合你參考

其實都可以學好多o野喎, 睇下小朋友邊方面有興趣, 同埋睇埋強項同弱項
運動類: 游水, 溜冰, 體操, 彈網, 小型足球
音樂類: 合唱團, 音樂班, 彈琴, 小提琴, 非洲鼓, 敲擊樂
藝術類: 水彩畫班, , 塗鴉班, 跳舞
語文類: 誦詩班, 識字班, phonics, 英文, 日文, 普通話, 法文, 西班牙文
其他: lego班, 紙黏土班, 親子烹餁班, 話劇班, 講故事班等

我仔而家四歲, 三歲幾開始學日文, 游水, 畫畫, 音樂班
彈琴就足四歲, 同埋見佢上音樂班有興趣先俾佢學
之前亦參加過短期的話劇班, 紙秥土班, lego 班, 非洲鼓, 法文
游水唔算早, 因為好多泳班兩三歲就可以游

vickto

原帖由 NgVivian 於 08-10-13 21:58 發表
我囝囝3歲時已學普通話，英文﹐音樂班和跆拳道及親子泳班等

我想請教0下你因為我見你好似冇D討論是講沙田的.所以我想請問0夏沙田有冇D幾好的興趣班是適合3歲的小朋友的
麻煩曬你啦

小謙伯伯

原帖由 pamelaywy 於 08-10-13 22:23 發表
以下係之前另一個媽咪post問相似問題時我的回答, 希望適合你參考

語文類: 誦詩班, 識字班, phonics, 英文, 日文, 普通話, 法文, 西班牙文  

請問三歲可以在哪裡學日文、法文和西班牙文呢？小謙兩歲幾的時候我見佢好似有spare capacity, 膽粗粗嘗試自己教佢法文，佢都學得好有興趣，聽到特別的發音笑到合不攏咀。但我的法文屬有限公司，字認得唔少，讀單字勉強可以拼到，但成句就唔掂(法文太多屈折變化，久疏練習)，唔可以隨時引導小朋友說話，所以沒有繼續教他，希望等他日後正式到外面學時才從旁協助。

你小朋友學日文的情況如何呢？選學日文是因為家人可以同他練習嗎？

還有，請問你是如何決定仔仔幾時可以學琴的呢？進度如何？小謙的手指好似成日都軟lai lai 咁，四歲都唔知掂未(不過似乎現在好多人都係四歲開始學)。我成日形住如果個小朋友intellectually 知道點彈，但physically又受到掣肘，一定會好frustrated 的。

[ 本帖最後由 小謙伯伯 於 08-10-14 00:32 編輯 ]

mickychow

多謝各位媽咪意見！
我仔仔有學英文班，跆拳道我試過帶佢去觀課，但仔仔好似唔夠膽，問佢鍾唔鍾意，佢又話唔鍾意，所以咪無帶佢去報名。體操班我本來打算比佢去學，資料都問晒，但早排睇到新聞話個女仔玩體操整親，我又唔夠膽比佢學。

我想比佢學跳舞，但唔知學咩舞，又唔知邊度好，
我又想比佢學非洲鼓，但只知灣仔有個好好
我家住九龍城，請問各位媽咪有否好推介？謝謝！

Katma

我諗，最重要係你看不看不出對佢有好處

小朋友未試過係會怕，有時要威迫利誘，最重要係你知道佢學了之後對佢性格、能力、體質帶來甚麼好處

原帖由 mickychow 於 08-10-14 11:55 發表
多謝各位媽咪意見！
我仔仔有學英文班，跆拳道我試過帶佢去觀課，但仔仔好似唔夠膽，問佢鍾唔鍾意，佢又話唔鍾意，所以咪無帶佢去報名。體操班我本來打算比佢去學，資料都問晒，但早排睇到新聞話個女仔玩體操整親，我又唔夠膽比 ...

mickychow

Katma,

多謝你的意見！我仔仔性格好動，所以我偏向揀D活躍  o既活動比佢，好處我相信每樣活動都有，我只希望仔仔開心，我驚威迫仔仔去學，佢會學得唔開心。

bowlinghead

我地上過音樂農莊(太子)嘅非洲鼓班,都ok!

原帖由 mickychow 於 08-10-14 11:55 發表
多謝各位媽咪意見！
我仔仔有學英文班，跆拳道我試過帶佢去觀課，但仔仔好似唔夠膽，問佢鍾唔鍾意，佢又話唔鍾意，所以咪無帶佢去報名。體操班我本來打算比佢去學，資料都問晒，但早排睇到新聞話個女仔玩體操整親，我又唔夠膽比 ...

pamelaywy

原帖由 小謙伯伯 於 08-10-14 00:15 發表


請問三歲可以在哪裡學日文、法文和西班牙文呢？小謙兩歲幾的時候我見佢好似有spare capacity, 膽粗粗嘗試自己教佢法文，佢都學得好有興趣，聽到特別的發音笑到合不攏咀。但我的法文屬有限公司，字認得唔少，讀單字勉強可以拼 ...

我大仔係東山學緊日文, 暑期時亦試過上過短期法文.
日文學咗成年, 老師話佢明白晒堂上指令, 讀音亦算標準, 不過佢識幾多我真係唔知, 因為我的日文都係有限公司. 不過志在俾佢耳仔多接觸種語言. 選日文的原因是覺得到日本的機會多於其他國家, 而且漫畫上網卡通等都有機會有日文字, 就讓他玩玩.
至於學琴, 我也是剛讓仔仔學 (四歲四個月), 因為我都相信足歲學樂器的重要. 我也怕小朋友太小打沉了自信心, 所以我先帶他上音樂班, 看見他上音樂班時記樂曲和彈的表現不錯, 才讓他正式學琴. 而且在音樂班上有其他小朋友, 可以作小小比較 (因為一對一學琴, 實在唔知佢算學成點), 覺得仔仔彈琴手勢, 記性, 看譜都算ok, 咁先俾佢學.

我有同仔仔寫blog關於他的活動, 你有興趣可以入去交流下
http://hk.myblog.yahoo.com/nokhimhim

mickychow

唔該晒！我試吓搵資料先，咁你現在仲有無上呢個班？

原帖由 bowlinghead 於 08-10-14 14:45 發表
我地上過音樂農莊(太子)嘅非洲鼓班,都ok!

bowlinghead

佢地有網址 : http://www.musicfarmworkshop.com/

我地之前上暑期班,個導師姐姐有心機教小朋友,而且都好Nice.
因為阿仔學緊琴,我唔想佢同時學兩樣樂器,所以上完暑期班無再上lu.

原帖由 mickychow 於 08-10-15 15:20 發表
唔該晒！我試吓搵資料先，咁你現在仲有無上呢個班？

小謙伯伯

原帖由 pamelaywy 於 08-10-14 18:03 發表

我大仔係東山學緊日文, 暑期時亦試過上過短期法文.
日文學咗成年, 老師話佢明白晒堂上指令, 讀音亦算標準, 不過佢識幾多我真係唔知, 因為我的日文都係有限公司. 不過志在俾佢耳仔多接觸種語言. 選日文的原因是覺 ...

謝謝你的回應，我一口氣看完了你仔仔音樂班的上課日誌，寫得很細緻，很有參考價值。

mickychow

唔該晒！原來仲有咁多野學，而且學費都幾 "平"

原帖由 bowlinghead 於 08-10-15 17:33 發表
佢地有網址 : http://www.musicfarmworkshop.com/

我地之前上暑期班,個導師姐姐有心機教小朋友,而且都好Nice.
因為阿仔學緊琴,我唔想佢同時學兩樣樂器,所以上完暑期班無再上lu.

...

my1215sui

我仔仔就學緊通利音樂班&enopi maths
其實想比佢學劃畫,但我怕太多,所以暫時吾學住