準備升六年級家長請進...

kimmyandy

大家好呀!
我見好快到我地要部處搵學校喇,所以我想聽下大家o既意見點選校!
我囡囡o係油尖旺區就讀,我本人就較喜歡香港區o既中學,唔知機會大唔大呢?

bettymomo

kimmyandy

我大仔9月升小六, 好大壓力, 小五下學期, 老師已每天都提要報分. 我仔成績上落好大, 好擔心.
油尖旺區都有好多好學校, 香港區心儀邊間?

HPChingchingma

Bettymomo>>

我仔仔只不過9月升 P.5 ，但你處得左很多科！
Thank you ！

bettymomo

程程媽

唔好客氣啦! 識左甘耐, 老朋友!
我都係你到, 打聽到好多資料! 交流,交流下.
現今做呀媽, 一D都唔易為之!

kimmyandy

Hello bettymomo & 程程媽

我個女d成績上落都係好大架,不過你知道d細路啦,你緊佢唔緊..做亞媽o既咪做播音機囉!

心儀學校有
1.ST FRANCIS' CANOSSIAN COLLEGE
2.ST PAUL'S SECONDARY SCHOOL
3.香港真光

咁你有無心儀學校呀?

三座師奶

你們好，我個大仔９月升小六，現在油尖旺區讀，唉！正如你們說，成績大上大落，我重驚過玩過山車    ，你們的小朋友有冇讀cambridge？

kimmyandy

hello 三座師奶
我個女無讀過cambridge,不過佢之前就考左flyer個試.

KWT

Dear kimmyandy,

Hello!我仔仔也考咗Flyer,總算多張包裝紙.可能會考World Arena (Maths)(?)的exam,但要找多些資料,又不知道一般中學會否承認,心大心細.

kimmyandy

hi KWT

我都唔清楚World Arena (Maths)exam係點呀!我個女d數麻麻地,所以都唔會報關於matho既exam喇(費事自暴其短啦)

三座師奶

Hi KWT,
咦！World Arena (Maths)exam係點呀？我想大家都是想拿多一張cert 仔！請問這是什麽？Sorry.我未聽過， 可否介紹一下，thank!

KWT

Dear kimmyandy and 三座師奶,

再查資料,應該是World Class Arena,早前BK也有媽咪說其子女曾經考過這個試,可惜我未能取得資料,有興趣可上網查查,website:http://www.trumptech.com.hk.

每年4月,7月,12月會有試考,每科考試費$300.不知道這試的公信力有多少及試題之深淺.若有媽咪知道,可以報料,在此先多謝.

bud

我個女今年升中一，這倆年來以來分別比佢考劍橋英文試，校際音樂比賽，piano 既皇家試，非常忙碌，目的都是為張証書會優勢Ｄ。

bettymomo

kimmyandy,

我仔考左 arena. maths 同problem solving.  maths 成績 merit. 一般. 我想考唔到distinction(有 27%) , 作用唔大. FLYER 我仔都考左. 考慮考KET, TRINITY　考左未？　考試費好像貴左D 仲考慮緊. D 包裝紙, 張張都係銀紙換來,
仲要看看小朋友D 臨場表現...... 有時想想下, 都好肉赤, 唔知D CERT 係唔係真係甘有用.

kimmyandy

hi bettymomo

我都同你一樣考慮緊考KET呀,至於TRINITY應該唔考喇,我驚唔夠時間(我個女又要考琴試),重有d考試費真係好貴呀!不過肉赤還肉赤,做家長都比架啦(無計),雖然d cert 未必有用,但係有好總好過冇囉................唉!

bettymomo

我都好緊張, 今天小六派位, 2個姪子,姪女,派第一及第二志願. ok !! 希望明年我仔都順利派第一志願啦!     

kimmyandy

bettymomo

係啦,我又係好緊張,我兩個姪女都派到第一志願,今年人地派都咁緊張,到下年自己個女派位我實緊張死喇

six

我個大囡都係今年升小六,我都好緊張!!!第一次既報分試過去,大家既小朋友成績點呀?? 8月中會考flyer個試,吾知難吾難...

三座師奶

hi , everybody.

我個仔都在8月底孝flyer.我很高興在這裡可以舒援–下我的壓力，我老公常常話我緊張，同仔仔參加這個比賽，那個比賽，這個考試，那個考試，其實我已經同佢講，interview要present 得好睇D，impression 希望會好D, 老實說，如果我個仔成績好好好，我諗我會relax D,  :  :  BTW, 今個暑假，各位有什麽planning？我打算同仔仔考flyer，另外參如了義工訓諫班，在暑假做義工(sorry, :  : 都係有cert

KWT

Dear all,

Hi!  今個暑假,我仔仔學打網球及游泳並參加初級跳水班.昨天他第一堂學跳水,到晚上說腳部肌肉痛,要給他按摩,到半夜又說痛,再要按摩,無覺好瞓(題外話).另外,又給他報了參觀麥當奴,哈廸斯餐廳,貪其有看有吃.有知識性的,報了科學館的為期一日的"人體漫遊"及參觀"電台製作".除游泳及科學館的活動外,我盡量安排兩個仔仔一起參加暑期活動,避免太多交通接送,做到自己累得要死.唯一缺憾是沒有參與義工服務,因為撞時間,明年報中學,可能會遜色少少.

你們又如何?

kimmyandy

暑假可以講話乜都冇參加,我個女只有補習(Eng)及返數學班,另外就返女童軍啦,呢個暑假只想再谷一谷佢,唉....下學期果個呈分試衰左科數呀,咁你地話我驚唔驚丫