bb音樂(3yrs) - 柏斯vs通利琴行, 邊間好?

Venus2910

想比囡囡參加音樂興趣班, 以上2間都有適合2.5至3yr小朋友音樂班, 邊間好啲??

SSChuk

我個仔參加左通x的Junior Music Course一年半,中心竟然同我講因班內學生入數由12位退讀至現在3位,故要求我們轉向另一個同進度的班,但時間和地點就與我兒子學習的興趣班相撞,根本就無法完成整個Course的兩年課程.

而我兒子的同學同樣出現這個問題,他同學也要轉班,攪到我對通x非常失望及激氣, 覺得被騙,兒子要被逼半途而癈.

所以如你選擇通x,你的情況將與我們面對的一樣.

To Mom

leeyin

我幫仔仔報左柏斯, 10月中先開班, 暫時未知道教得好唔好, 不過, 通利給我印象不太好, 有一次去沙田問報名資料, 那位接待員小姐態度很差, 之後我便到柏斯報名, 態度就比通利好得多

May_Wai

我女依家兩歲10個月, 於2歲半己開始讀柏斯既 "小小莫札特"... 因我怕通利要等得耐, 又想比阿女讀吓, 所以報柏斯
幾好呀!  MISS好好人, 學樂理, 有歌唱, 有得彈琴(雖然唔多), 但我女勁鐘意返, D同學仔又好 (因一班5位小朋友), 所以我地一班都一起報讀落去....

leeyin

我個仔番左2個月啦, 柏斯真係幾好, 我覺得通利態度唔好, 所以唔報...

miss_sandy

這兩間所開的班方向係完全唔同.

柏斯:音樂鋼琴班,教C,D,E音楷,學拍指,樂理....,用電子琴
如果小朋友OK, 導師會叫你單對單學-鋼琴.

通利:音樂班, 教do,ri,mi音楷,要唱音,學拍指,樂理,唱歌,全程用電子琴.完成全course要2-3年.

我小朋友3歲上柏斯,跟住跟老師單對單學鋼琴,學咗6個月quit咗.
進度太快,彈琴要學彈1/4拍,大細聲,快慢節奏,小朋友跟唔上(每星期practice 兩次 1/2小時)

4歲開始上通利,遇到情況和其他媽咪一樣,好多人退學(因為嗰course唔係最主要學鋼琴),要轉時間.
進度慢,但比較適合我小朋友.

原帖由 Venus2910 於 08-10-4 17:35 發表
想比囡囡參加音樂興趣班, 以上2間都有適合2.5至3yr小朋友音樂班, 邊間好啲??

[ 本帖最後由 miss_sandy 於 08-12-4 11:10 編輯 ]

Cheriemama

我同意miss_sandy的見解, 兩間的方向係完全唔同.

本人是一位鋼琴老師, 學生中有在柏斯/通利學過3歲班, 起初以為柏斯教的係C,D,E音楷, 那些在柏斯學過的會比較易教, 而通利教唱do,ri,mi音楷, 要再轉學C,D,E會難d...

但得出的結果是在柏斯學完該course的, 好似無學過咁, 雖然柏斯教的係C,D,E音楷, 教的是鋼琴知識, 但因進度太快, 學生跟唔上, 而老師很難顧及每個學生的進度, 只有依照課程教, 所以到最後連最基本的都唔識, 要從頭教起.

反而在通利學過音樂班的比較有音樂感, 比較容易上手學C,D,E音楷, 雖然通利教的係do,ri,mi音楷, 但佢o地要小朋友學唱音, 可以訓練小朋友的音樂感, 就算之後再教C,D,E音楷都唔會太難. 可能好多父母覺得音樂班學唱do,ri,mi與鋼琴無關係, 所以退學, 但這想法是錯的, 音樂感對小朋友將來學樂器(無論鋼琴or其他樂器)都好重要.

其實我覺得3歲班學的應該是音樂班多過鋼琴班.

原帖由 miss_sandy 於 08-12-4 11:09 發表
這兩間所開的班方向係完全唔同.

柏斯:音樂鋼琴班,教C,D,E音楷,學拍指,樂理....,用電子琴
如果小朋友OK, 導師會叫你單對單學-鋼琴.

通利:音樂班, 教do,ri,mi音楷,要唱音,學拍指,樂理,唱歌,全程用電子琴.完成全cours ...

Bowl

我小朋友已上完2年的通利jmc, 只談個人觀感, 不能作課程比較.

現在小朋友單對單學綱琴,因剛上一年班, 要適應小學, 而樂譜的C,D,E,...需要重新學習, 所以綱琴的進度很慢, 遠談不上考級數. 所以提議音樂班及綱琴一併學, 效果會更好.

開始正式學習綱琴, 亦萛容易掌握, 看豆豆同時加上左右手, 要從基礎開始, 因早前課堂是靠唱音音, 用腦記譜, (亦有同學懂看譜, 小朋友個別興趣和吸收能力不同), 正如音樂班的著重點不在看譜及彈琴, 所以由基礎開始學彈琴鍵, 對我來說, 覺得不是問題.

至於2年學到的, 如miss_sandy所說, 是音樂感及聽音能力, 我的小朋友, 本身喜歡音樂, 而課堂沒有基礎學琴的書, 除了課堂自訂書本, 平時練習完則可亂彈, 如看完'Sound of Music',會試單手彈高音, 再自由彈低音(依據課堂所曾學的), 這增加了她的音樂興趣及創作感.