高德根及梁李秀娛, 邊間入何日東機會大d?

venusma

原帖由 asllbaby 於 08-10-2 22:17 發表
真係唔識選擇, 希望大家俾多d意見, 我好想亞仔將來讀何日東小學, 現在點選擇幼稚園好, 高德根及梁李秀娛, 邊間入何日東機會大d?

thx

高德根上一年度最多小朋友派到入何日東,至於梁李秀娛就唔清楚~

myapple

我都考慮過呢個問題~

請睇梁李秀娛網頁:
http://www.tmllsykg.edu.hk/php/k1golearn/k1golearn.php

校長話過往有7成既學生會揀何日東及胡少渠, 但舊年少左, 因為區內既小學大部份都轉晒全日制, 家長會鐘意讀全日, 佢地可以出去工作, 而順德聯誼會呢2間未轉, 吸引力低左.

而讀何日東人數少過胡少渠, 因為何日東比較辛苦, 但大家上順德聯誼會中學既 % 係一樣, 咁家長會揀無咁吃力既小學, 小朋友及自己都唔洗咁辛苦.
(佢個網頁真係做得幾好, 幾 update 同多野睇)

我亦打電話問過高德根, 職員話佢地入何日東既學生有3成, 主要係家長有信心, 所以揀何日東.

有人話小一派位係計分, 第2輪再中央攪珠派位, 又有人話(暗示)屬會係有優勢, 又有人話選校要睇小朋友個性, 所以好煩惱.

請問你會報幾多間幼稚園呀?

[ 本帖最後由 myapple 於 08-10-4 23:16 編輯 ]

venusma

我估多數讀得梁李秀娛既都係想小學入何小或胡小,事關都係順德聯誼會,機會應該大d掛~

myapple

venusma,

咁你小學會考慮邊間呀?

原帖由 venusma 於 08-10-4 00:00 發表
我估多數讀得梁李秀娛既都係想小學入何小或胡小,事關都係順德聯誼會,機會應該大d掛~

venusma

原帖由 myapple 於 08-10-4 23:17 發表
venusma,

咁你小學會考慮邊間呀?

我心目中有好多間考慮,千x鄭任安,圓玄,何日東,屯官,蒙恩,兆霖,真係好難講,其實我心目中最想搵間英普小學,唔好太過傳統教學,同埋學校校舍,環境都好重要,所以會再觀察下先決定~暫時留意住呢幾間既進度~

jamieconnie

hi!
我就自選左兆霖比我個女呀(其實係好冷門架,但我留意左佢2年架啦),如果你想讀呢間就要預先讀佢既英普沉浸班呀,我比我個女參加左3期架,我個女就好鍾意呢間學校,雖然呢間學校舊同細,但我覺得內部都還不錯,主要係老師同校長都好有愛心,又係小班,

原帖由 venusma 於 08-10-5 14:43 發表


我心目中有好多間考慮,千x鄭任安,圓玄,何日東,屯官,蒙恩,兆霖,真係好難講,其實我心目中最想搵間英普小學,唔好太過傳統教學,同埋學校校舍,環境都好重要,所以會再觀察下先決定~暫時留意住呢幾間既進度~ ...

[ 本帖最後由 jamieconnie 於 08-10-6 10:39 編輯 ]

hauyimama

我都會選何日東首選,次選劉皇發、東華三園及胡少渠,現留意當中,我睇返何日東家長的討論,講及學校要求,不是要外界所講的跨張事實. 所以私會一試,唔得再決定其次學校.

allmylove

其實讀高德根入何日東嘅都幾多人嫁...
我都係諗住揀何日東,所以當日我揀幼稚園時都有諗過邊間幼稚園好,最後都揀左高德根呢~

venusma

原帖由 hauyimama 於 08-10-6 13:38 發表
我都會選何日東首選,次選劉皇發、東華三園及胡少渠,現留意當中,我睇返何日東家長的討論,講及學校要求,不是要外界所講的跨張事實. 所以私會一試,唔得再決定其次學校. ...

我都有同感,之前問過有朋友既女兒都係讀何日東,佢都係話唔係外界講到咁谷既,都係正常每星期有默書,同埋佢開始有普通話中文班,面家有2班會用普通話教中文,可能到我地小朋友讀小學時,開始普遍,到時我估好多小學都半英普架喇(我估咋),所以會密切留意佢既課程囉~