三十分鐘食午飯時間足夠嗎？

onetiger

我的囡囡是新生小一學生,食飯時間有點怱忙ｏ請問各位家長覺得三十分鐘食午飯時間足夠嗎？

晴晴的媽媽

原帖由 onetiger 於 08-9-23 09:43 發表
我的囡囡是新生小一學生,食飯時間有點怱忙ｏ請問各位家長覺得三十分鐘食午飯時間足夠嗎？

hi onetiger,

囡囡grace話食飯時間好趕，有時都會食咪完就要收野！不過就可以訓練佢，叫佢知道食飯同做功課都一樣要有效率，唔好拖拖下！

晴晴的媽媽

wawaliluk

其實30分鐘是足夠的, 可能平時習慣慢慢食, 所以覺得唔夠時間, 家長就當是訓練孩子, 當他們覺得肚餓, 餐餐食唔飽, 就會食快d。

onetiger

原帖由 wawaliluk 於 08-9-23 15:25 發表
其實30分鐘是足夠的, 可能平時習慣慢慢食, 所以覺得唔夠時間, 家長就當是訓練孩子, 當他們覺得肚餓, 餐餐食唔飽, 就會食快d。

多謝你們的意見, 我會給她訓練訓練

家熹媽咪

onetiger :

唔駛擔心 , 如果真係要計食飯時間 , 我可以話你知 , 手冊上係寫有30分鍾食飯 , 但小朋友食飯前要排隊去洗手 , 跟住返課室排隊等派飯 , 人齋後先開始食 , 已經冇咗20分鍾 (正常速度) , 實質只係得10分鐘食飯架咋 ! 哈哈 ~ 係咪好驚呢 ? 但係咁話 , Lunch time 接住既係 USSR , 呢堂話就話比小朋友自修 , 睇書 , 但如果小朋友食唔切 , 老師唔會咁冇人情味要小朋友收嘢既 , 一般嚟講 , 小朋友絕對係有足夠既時間食 , 當然 ... 我過往2年都遇過 , 有小朋友食成個鍾頭都食唔倒半盒飯啦 ! 但點都好 , 呢個都係一個好既訓練 , 當全班人食完有得玩 , 有得睇書既時間 , 佢地就會食快兩啖架喇 !

patsyshin

家熹媽咪

妳看似是李宗德小學的幕後代言人, 無論那一個家長對李宗德有什麼問題, 妳都樂意和誠懇地回答, 不管有多夜和妳的眼睛再可以打開多久(因已深夜), 而且妳看似十分熟悉李宗德的任何內外事情, 總會温文以雅, 點到即止.

有時想妳可能是李宗德受聘的網上公關媽咪, 以妳的能幹, 你該出來工作, 必有一番作為.

yangma

講開又講，我個囡日日都話唔夠時間食飯，又飯D飯難食，講真我又未食過，都唔知點。

我有諗過俾佢帶飯，但好似話要當日中午送先至得，唔可以朝早帶定返學校，係唔係有D咁嘅事呢?

kenichi

我亞仔其實都唔算係一個食嘢麻煩嘅人，但係佢都同我講過好多次Ｄ午餐好難食，佢叫我送飯比佢，但係我Ｄ時間真係就唔到，無辦法。

looking

我囡囡都話好難食,每日都要老師逼佢吃,我都知老師為佢好,但係校方有無諗過換飯商

onetiger

一定係自己做的愛心午飯是全世界最好食。時間許可就自己做。我己送了幾星期但還在掌握當中的技術。早上上學時帶的飯中午會很冷。所以中午送的是比較好。送菜方面最好是干身不要太多餸汁, 因為昨天送的咖喱鷄就出了問題 , 囡囡就要到校務處惜校服裙。

[ 本帖最後由 onetiger 於 08-9-26 10:14 編輯 ]

晴晴的媽媽

原帖由 onetiger 於 08-9-26 10:08 發表
一定係自己做的愛心午飯是全世界最好食。時間許可就自己做。我己送了幾星期但還在掌握當中的技術。早上上學時帶的飯中午會很冷。所以中午送的是比較好。送菜方面最好是干身不要太多餸汁, 因為昨天送的咖喱鷄就出了問 ...

Hi onetiger,

真係好羨慕你可收送飯去俾囡囡食，我要番工，就唔可以啦！

下星期二你會出席課程簡介會嗎？我會出席，希望到時見到你。

晴晴的媽媽

小樹熊

原帖由 家熹媽咪 於 08-9-24 02:19 發表
onetiger :

唔駛擔心 , 如果真係要計食飯時間 , 我可以話你知 , 手冊上係寫有30分鍾食飯 , 但小朋友食飯前要排隊去洗手 , 跟住返課室排隊等派飯 , 人齋後先開始食 , 已經冇咗20分鍾 (正常速度) , 實質只係得10分鐘 ...

家熹媽咪,

嘩! 嘩! 實際食飯時間原來可能得咁少咋?? 唔怪之得我囡囡都試過幾次食唔切就要收野啦 不過琴日佢返嚟又講："媽咪~ 我食飯食咗兩堂呀!!" 我聽完都唔明點解可以食兩堂，原來係自修時間續食~ 真係唔該哂妳講比我地聽。

小樹熊

估唔到供應商d飯有小朋友話好難食，琴日收到張訂飯紙小囡都有問可唔可以比佢訂飯，佢話佢有同學仔係訂飯，佢想試吓......

佢係帶飯o既，飯到中午都係係熱o既，我都係之前睇家熹媽咪介紹先買果隻飯盒，暫時用都幾滿意。

不過帶o既飯餸就真係要考吓心思，最好不要有骨，最好 size 係一口一啖，最好濕濕地有少少汁黏住，野味D同埋唔會覺得好乾咁，仲要整D細佬仔餸，暫時發覺最受歡迎都係雞 (雞肉、雞柳、雞粒、雞翼、雞膇.....) 真係有雞果餐係成盒飯清哂O架，同埋份量都會飯留少D，但就加D薯仔粒落去，試過一次整米線又係清哂D米線但就淨咗D餸返嚟，囡囡話食粉面便冇咁乾容易食D。

呢所謂 30 分鐘的用膳時間真係好趕吓，所以都希望幫小囡帶O既飯都方便到佢食，亦到希望佢食得開心~:loveliness:

onetiger

原帖由 小樹熊 於 08-9-26 11:07 發表
估唔到供應商d飯有小朋友話好難食，琴日收到張訂飯紙小囡都有問可唔可以比佢訂飯，佢話佢有同學仔係訂飯，佢想試吓......

佢係帶飯o既，飯到中午都係係熱o既，我都係之前睇家熹媽咪介紹先買果隻飯盒，暫時用都幾滿意。

不過帶o ...

請問可否告知是那個牌子和型号??

Onetiger 上

[ 本帖最後由 onetiger 於 08-9-26 13:42 編輯 ]

yangma

究竟係唔可以朝早帶，定係最好唔好朝早帶?

jun7511

     一早準備了午餐飯盒,上學時帶回學校當然沒問題!!只要你的飯盒有一定的保溫功能,絕對可以.很多小朋友的午餐是家長中午時送到學校的,但同時也有很多人是選擇一早自己上學時帶回校的.如果可以的話,自己中午送飯會好一些.比起在學校訂飯,自己煮的飯盒一定是比較健康的,而且家長又清楚自己的孩子喜歡吃些什麽.至於學校的飯盒的味道如何,我去年可試過不算少,個人感覺如果偶爾吃,還可以接受,但要是天天吃,我也不願意.親眼見到很多小孩子吃飯時的無奈樣,真是~~~~~

       另外,比起味道,我更在意的是飯盒的質素!!!於是在內心掙扎了許久之後,我終於做了送飯一族!!

小樹熊

原帖由 onetiger 於 08-9-26 13:37 發表


請問可否告知是那個牌子和型号??

Onetiger 上

係台灣三光牌，我用的那隻是兩個分開的飯盒，佢有好多種選款式選擇，我係帶 Christy 去吉之島、日本城同埋幾間家品店 "運吉" 過好幾次，比佢自己試吓邊隻容易開 / 關，鈕蓋、啪蓋、分層定小格款的，最後都係三光果隻 size o岩佢心水同埋 o岩佢手仔可以 handle 到。

之前係自由報料果邊其他媽咪傾得好熱烈o架，仲有埋用後感，試吓 search 吖~

家熹媽咪

原帖由 patsyshin 於 08-9-25 16:38 發表
家熹媽咪

妳看似是李宗德小學的幕後代言人, 無論那一個家長對李宗德有什麼問題, 妳都樂意和誠懇地回答, 不管有多夜和妳的眼睛再可以打開多久(因已深夜), 而且妳看似十分熟悉李宗德的任何內外事情, 總會温文以雅, 點 ...

patsy :

哈哈 ~ 識我既人 , 不管係自己朋友或網上識既媽咪都知 , 阿寶係隻冇手冇腳既雀仔 , 我從來都唔鍾意比人點我做野 , 咁又點會幫學校做野呢 ?

因為自己都做過新手媽咪 , 以前阿仔初入幼稚園既時間 , 上網既媽咪/爸爸未普及 , 想問又唔知點問 , 知點問時又唔知可以問邊個 , 呢點都係出於我曾經 ....

我希望今日有時間 , 有能力時 , 可以幫d 家長解答問題 , 等佢地唔駛再估估吓 , 我總有會離開既一日 , 3年後我可能又轉版 , 做第二間中學既版主都唔出奇架 ! 哈哈 ~

我知道學校既事一d都唔出奇 , 當你有份返學校做義工 , 相信你知既野一定唔比我少 , ^^

重有呀 , 過往我所回覆家長們既問題 , 都係以過來人既身份去解答 , 唔關學校事架 ! 我係百份之二百冇糧出架 ! 不過 ... 好果學校想出糧比我 , 我一定唔會拒絕啦 ! hehe~

家熹媽咪

原帖由 家熹媽咪 於 08-9-27 19:34 發表


patsy :

哈哈 ~ 識我既人 , 不管係自己朋友或網上識既媽咪都知 , 阿寶係隻冇手冇腳既雀仔 , 我從來都唔鍾意比人點我做野 , 咁又點會幫學校做野呢 ?

因為自己都做過新手媽咪 , 以前阿仔初入幼稚園既時間 , 上網 ...

Dear all :

其實大家對食飯既問題都好頭痛 , 不如又同大家分享多少少丫 !

學校食飯時間係由12;50pm - 13:20pm , 其間當然唔會包括抄未抄完既手冊 / 洗手 / 去廁所 / 添水/ 開飯盒同拎餐具等 ... 啦 ! 所以 , 第一件事要做既就係 , 先提小朋友盡可能抄手冊時快少少 , 要添水既話 , 一定要喺小息將完既時間去做 , 唔好攪到開飯先話要去1樓添水 , 一年級生都重可以 , 如果P.2 - P.3 既就好浪費時間 , 一來一回 , 點都冇咗唔少於5mins 啦 !

另外去洗手間洗手問題 , 過往我會比阿仔袋條濕毛巾 , 或者濕紙巾 , 咁食飯時拎出嚟抹手 , 咁又慳返d時間囉 ! 另外緊要一提既就係 , 家長買飯壺時 , 要留意返佢到底容唔容易拎出 , 我試過好幾次返學校睇飯 , 見倒d小朋友用既飯壺 , 開極都開唔倒 , 一係就扭極都扭唔開 , 淨係呢一點 , 唉 ~ 40mins 既食飯時間用晒都未開倒個飯壺都有人試過 !

家長們唔需要太擔心小朋友唔夠時間食飯 , 之前我都講過 , 佢地會有一個USSR , 就算食唔晒 , 老師都會比佢地食 , 當然 .. 可以既話 , 都盡量唔好用晒成堂嚟食飯啦 ! 呢點真係要靠家長們分工合作 , 多同小朋友講 , 留意佢地平時食飯既速度啦 !

至於學校既飯盒 , 呢一點我就唔可以話D咩 , 因為每個小朋友口味都唔一樣 , 我識唔少小朋友都係食學校飯 , 坦白講 , 就如阿KEN 話齋 , 世上最好食既飯 , 一定係自己屋企飯啦 ! 但因為全況飯商都係行健康金字塔 , D 飯自然會低鹽 , 低卡 同埋低脂啦 ! 小朋友唔鍾意食 , 真係一D都唔難理解 ! 正正因為咁 , 如果訂飯既家長們可以留意 , 千其千其唔好自己幫佢去揀飯 , 一定要佢自己去揀 , 一來要佢地負責任 , 二來好唔好食都好 , 都係佢自己揀 , A - D 餐都係健康餐 , 所以大家都可以放心揀 !

供應而家一定冇得換住架喇 ! 之前聽過好似話出年先到期 !

onetiger

原帖由 小樹熊 於 08-9-27 19:15 發表


係台灣三光牌，我用的那隻是兩個分開的飯盒，佢有好多種選款式選擇，我係帶 Christy 去吉之島、日本城同埋幾間家品店 "運吉" 過好幾次，比佢自己試吓邊隻容易開 / 關，鈕蓋、啪蓋、分層定小格款的，最後都係三光果隻 size o岩 ...

台灣三光牌- will go buy tomorrow....Thanks

[ 本帖最後由 onetiger 於 08-9-27 20:44 編輯 ]