有沒有北角蘇浙小學的家長??

wongnysw

我女女之前在蘇浙幼稚園讀k1至k3, 於是今年九月仍決定升上蘇浙小一全日班, 雖然學費貴(近$3000), 學校有點殘 , (其實外面好多小學設備都好好, 尤其千禧校舍, 操場、圖書館、電腦室都好靚), 但我和c6覺得普通話教學有優勢, 再加上c6是校友覺得蘇浙好。
不過開學一個星期, 覺得有少少失望, 9月1日第一日, 情況好亂, 我女女同個工人在操場等了一個鐘, 才知道編班結果, 令我很驚訝。第一日唔知上咩堂, 帶晒全部書返學校, 結果全部帶回家, 沒有locker。
第二日, 我因為飯盒的事去校務處詢問, 但行到入去, 無一個老師會主動問你有咩事要幫手, 於是我用普通話(已盡力了)問最近門口的一個, 佢個樣十分不願意、沒有笑容, 比份表我叫我叫我出去填, 我填完返入去, 佢見到係我都唔主動理我, 又係我先出聲。好無禮貌。
我想問吓其他蘇浙家長, 如果撇除上述這些令人不快的原因, 蘇浙是不是真的可以令小朋友愉快學習、成績理想呢 ? 如果可以, 為了仔女的前途, 我都可以忍耐。
蘇浙口碑一向好好, 是不是依家比以前質素下降咗呢????

ysmhkg

我女兒今年升小二全日班, 1/9 早上我也有送女兒去學校, 我看到學校在大門口貼了告示, 所有新生舊生都必須進禮堂等待老師帶回教室, 我想會不會是工人看不懂中文, 沒去禮堂, 所以就在操場上乾等 ?

不過學校今年的安排確實和往年不一樣, 去年是只有小一新生和家長一起進禮堂, 其他年級學生是去自己上一學年的原教室分班, 而小一新生家長是可以坐在禮堂後面觀看新生分班情況, 我也不明白今年學校為什麼要這樣安排 ?
搞到所有家長擠在走廊上, 造成混亂.

至於帶書的問題, 我記得我去年開學日並沒有幫女女帶書去學校, 因為我知道開學第一天是不會上課的, 因為要編學號, 座位, 自我介紹, 選班長, 副班長, 各科代表等等,
做完這些事就已經快放學了, 我是等到當天晚上拿到手冊按照課表把第二天要用的帶去學校.

說到學校的教職員, 我們這群由 N1 讀到小學的家長, 感受是最深刻的了, 前些年學校的教職員都還蠻客氣的,
但是我們發覺從去年開始, 學校的教職員的態度有了變化,
我們覺得和這幾年小學部受歡迎的程度有關, 以往的非直升新生幾乎只要報名就可以入讀, 但這幾年開始要經過面試和筆試, 成績好才錄取, 所以學校變得越來越名校作風, 我們都明顯的感覺到, 可是蘇浙的派位真的不錯, 所以為了小孩我們也只好默默的接受.  

我問過女女她上學開不開心, 她說很開心, 而且她成績也還不錯, 所以只好一靜不如一動囉 !  

我想應該只是開學這週會比較混亂, 之後就會正常了,
為了小孩的將來, 我們就只能 ~~ 放寬心吧 !

SK1

小兒今年才諗小一,是外來生.第一天在禮堂真的有點覺得很亂.但家長可以在禮堂上看到分班的情況.小兒在分班的時候亦看到我.心情也定下來.
這麼快已過了一個星期,明顯發覺的是他聽普通話的能力進步了許多.間中說一兩句普通話給我們聽.
每天早上我都會親自帶小兒上課室.有什麼問題也可以直接問老師,相對比前幼稚園好得多.(前幼稚園返學是看不到班主任.放學班主任也沒有時間跟我說多句.)
也許是我要求低吧.直到現在我都覺得幾好.沒有什麼問題.要擔心的只可能是小兒太頑皮,希望不會被趕出校.

TomDog

蘇浙始終是傳統學校, 去年面試時, 老師也告訴我, 學習模式與我以前讀的時候沒甚麼兩樣。不過, 記憶中不覺得辛苦, 我們那幾代成績水平的確很不錯, (據說現在Band 1率也是挺高的), 自己對學校歸屬感也很強。
校務處那些應該不是老師, 而是admin的人, 老師是在教員室的。我倒覺得去年面試女女的老師, 非常和靄可親呢。
我那個年代真的只有一兩位老師會廣東話, 不說普通話是不行的。但今時今日, 應該沒有甚麼人只會普通話而不懂廣東話了, 如果你覺得很辛苦才能說普通話, 其實無須勉強。

wongnysw

得到大家回應, 令我對學校的信心仍保持, 不過當然希望可以越做越好, 令小朋友及家長都開心放心。
其實我在8月尾, 開學前幾日回學校訂飯盒, 當面問學校的人關於分班和帶什麼書的問題, 只不過得到回覆是:
仲未分班及全部書帶番學校。
再者佢沒有提及9月1日早上在禮堂有家長會, 或者因為私工人唔識, 令我女女及工人呆等, 即使呆等, 都可以有老師在學校入口幫手指示吓。

SK1, 可否講講你仔仔之前在那裡讀幼稚園? 為何會選蘇浙小學呢?

SK1

wongnysw
小兒之前在明我幼稚園讀.此校出名催谷.
我曾替小兒考直資學校如男拔及名津校聖若瑟,耐何他們不收.而屋村津校派位又不夠蘇小好.所以選蘇小.

wongnysw

你仔仔之前在明我有無學普通話? 你自己又識普通話嗎?
我本人唔識普通話, 不過自從對仔女在蘇浙返學, 我每日帶返學同老師傾幾句, 都有d進步。意外收獲呀。
我都覺得蘇浙中學派位幾好, 我心儀中學是張祝珊, 我妹妹在此校畢業, 她說不少同學由蘇浙小學來, 質素高, 基礎打得好, 中七畢業入大學比例亦高。
不過言之過早了, 小女只是剛上小一。

原帖由 SK1 於 08-9-9 17:12 發表
wongnysw
小兒之前在明我幼稚園讀.此校出名催谷.
我曾替小兒考直資學校如男拔及名津校聖若瑟,耐何他們不收.而屋村津校派位又不夠蘇小好.所以選蘇小. ...

SK1

小兒之前在明我學了兩年普通話(但學了等於冇學,原因是一班人太多).跟住再搵私人教學了大半年.而我自己會說一點,一般溝通不是問題,但音就不太準.
今天小兒拿了默書回來有一百分,我想他已經適應吧.私人普通話老師也說他進步了.(因為己學會用普通話投訴別的同學,死未?)
唯一擔心的是英語水平不夠.亦擔心他太頑皮,會被老師投訴.

ernestchow

你可以請私人外藉老師1對1,around$250 per hour,比1group 教本得進步

yslilu

ernestchow,

pls pm the tutor information to me. thks

ernestchow

原帖由 yslilu 於 08-9-13 01:49 發表
ernestchow,

pls pm the tutor information to me. thks

http://www.####.com/company.aspx你打去問有無外藉老師上門教,好似有的

ernestchow

http://www.####.com/company.aspx你打去問有無外藉老師上門教,好似有的

ernestchow

21263300導師王國問,

ufo175

蘇浙小學老師惡嘛？有人說這裡較嚴，太活潑的students不太適合，真的？

wongnysw

作風是比較傳統, 肯聽教的小朋友會好d, 我覺得, 如果有創意、活力的學生會感覺受限制。

原帖由 ufo175 於 08-9-28 06:14 發表
蘇浙小學老師惡嘛？有人說這裡較嚴，太活潑的students不太適合，真的？

wongnysw

開始忙了, 要默書、小測、背書、上網做功課, 要日日溫書, 唔溫怕追唔上。

原帖由 wongnysw 於 08-9-29 11:43 發表
作風是比較傳統, 肯聽教的小朋友會好d, 我覺得, 如果有創意、活力的學生會感覺受限制。

ysmhkg

係呀 ! 一到測驗及考試, 我就索晒氣

winniecarson

原帖由 ysmhkg 於 08-10-13 23:55 發表
係呀 ! 一到測驗及考試, 我就索晒氣

黃帝唔急太監急...成日唔小心被扣分..中文默書本來可以好好好, 但因為寫錯標點符號..英文又係咁.

ysmhkg

我女數學咪又係, 公式明明列得o岩, 但係成日唔記得進位,  白白俾老師扣分 !  

[ 本帖最後由 ysmhkg 於 08-10-15 09:34 編輯 ]

winniecarson

原帖由 ysmhkg 於 08-10-15 09:32 發表
我女數學咪又係, 公式明明列得o岩, 但係成日唔記得進位,  白白俾老師扣分 !  

加數又當減數計，倒數／順數明識分，但因為大意..唔小心，扣咗成20分...但佢又不在乎咁, 俾佢激死 !