鄭任安夫人千禧小學...part III

Johnnylaisma

大家好, 有幸今個學年開始, 阿仔成為了千禧的一分子, 他讀一博班, 開學至今5天了, 每次放學回來問他過得開不開心, 他都說好開心.....我問為什麼, 他說因有校車坐、又有幼稚園的同學同班云云..... 雖不知他在校的真實狀況, 但阿仔一向都好怕陌生環境同好細膽, 如今見他表現自在, 該真的是不太差...

想請問各位高年班的家長, 你們大概多久致電班主任問關於孩子在校的情況呢? 抑或有事 or 有問題才打電話給班主任呢? 除了新生日之外, 家長還有沒有機會再被邀請到子女的學校呢?

新學期剛開始, 31個新生, 我想老師也未必記得我個仔是誰, 所以暫時不想打電話騷擾她, 想知道各位家長與孩子的班主任溝通情況是怎樣, 可否告訴我? 讓我參考一下, 謝謝!

原帖由 tszyau2000 於 08-9-5 18:54 發表
wei..新學年開新part la..

Johnnylaisma

請問有沒有家長可以回答我? 唔該

Johnnylaisma

tszyau2000, bunny,

多謝你們的回覆, 我都有同感, 不想事無大小都煩住班主任, 除非真係有事, 一來我都想阿仔學下自己解決問題, 前幾天阿仔忘記交網上學英語的回條和支票, deadline都已過, 我問他想不想學, 他說想, 我就叫他第日返學記緊交返俾雷老師, 否則就不能學了, 好在他自己都處理到。

又, 前天英文課, 他明知老師派漏了影印紙給他(自己講出來的), 做唔到功課, 他都闊佬懶理, 叫他昨天英文堂時問老師取回, 點知日夜叮囑都忘得一乾二淨(臨上校車前還叫他試講了一次), 他想我打電話同老師講, 我認為學習是他的責任, 要他再將功補過, 昨天罸他沒記性, 不準他吃月餅, 已哭得好淒涼, 冇計, 不然他不上心.....今天回家他就說已同老師討回了, 也沒給老師嘀咕, 見他又成功為自己解決了問題, 即刻切件月餅給他做茶點......

不過阿仔除了有時鳥龍d之外, 一直都話返小學好開心, 我問佢返小學開心d定返幼稚園開心d, 佢即刻話係小學, 仲識了2個新朋友.........如佢在情緒上有異樣, 我就不能叫他自己解決了, 到時就一定要找班主任傾下了, 希望不會吧!

原帖由 bunny 於 08-9-12 12:02 發表
終於升小學la, 歡迎johnny仔...
我呢..係有問題才打電話給班主任...冇咩特別都冇謂打電話比老師la.. .其他收料方法包括：平時會同亞仔傾計, 同其他同學仔/家長傾, 同埋上學校網睇
除左一年有兩次家長日外, 仲有d活動可 ...

Johnnylaisma

早晨呀! 各位
有個來緊的問題想問下各位前輩的, 話說下星期一阿仔放學後要上跆拳道, 聽說可以隨時改坐回程的校車, 請問我是否當天寫在手冊上通知學校就可以了, 不過唔知阿仔會唔會唔記得左, 到時接唔到就大件事了 , 所以我想再補個電話去學校同書記confirm下, 請問我應該在當日的幾點鐘打電話去好d呢? 太早驚仲未交到校務處, 太遲又驚大家已改好晒了, 請指點一下, 唔該晒~  

原帖由 tszyau2000 於 08-9-17 11:24 發表
吾駛客氣.,..有咩kei 都可以上lai 傾下ka...

照甘睇亞仔都好叻wor...可以自己處理同解決d 問題..同同學仔相處亦無難度...所以你可以放心la..d小朋友其實d 適應能力好強...係時候比d小朋友自己去面對...:fun ...

Johnnylaisma

mcyoms2,

多謝你覆我呀! 唔係9點先上堂嗎? 咁阿仔應該幾時通知班主任? 早會之後要成9點要上課室喎, 唔係咩? 我有冇搞錯呢? 請答埋我呢次啦! 唔該~

原帖由 mcyoms2 於 08-9-18 11:24 發表


你預番大約9點到啦，等書記有時間去處理:D

Johnnylaisma

唔該晒你呀! 咁我明白啦~ 唔怪得阿仔話要小朋友去埋校務處, 原來真有其事, 証明阿仔上堂都幾留心, 哈哈!

thank you~

原帖由 mcyoms2 於 08-9-18 14:46 發表


9點小朋友會上課堂
9點零鐘到小朋友可以同班主任講要轉校車
班主任可能會安排小朋友直接到校務處與書記處理
這時大約會是9:15
如果你9點打電話給學校
小朋友的通知將是confirm的証明
又或者你可以寫通知書時留埋電 ...

Johnnylaisma

唉~ 唔好讚壞佢呀! 佢日日都話返學好開心, 琴日話調左位, 又識到個新朋友(隔離位個男仔), 所以超開心云云, 但係唔知係未開心得滯, high到一日之內唔記得帶野3次:
1.小息唔記得帶食物袋出黎, 冇零食吃
2.電腦課本留左喺電腦室
3.中文書抄完生字後, 留左喺櫃桶
     又要寫紙仔提醒佢攞返黎~

- 有呀!  我成日上學校個網, 見到佢呀! 有一張在一博班房拍的, 阿仔同個女仔座, 個樣好似好開心咁! 另一張是上成長課, 在禮堂, 佢個樣都好似好興奮咁喎~ 佢老豆睇左都好放心, 看來阿仔比我預期中更適應小學生活, 不過希望佢漏帶野的陋習改改就最好嘞~

原帖由 bunny 於 08-9-19 12:30 發表
佢咁醒, 唔駛担心la...有冇上學校綱頁, 好多小一相, 影唔影到johnny仔呢?

Johnnylaisma

我想請問一下, 是否小一沒有份參加朗誦? 因為唔見阿仔帶有關於參加朗誦的通告回家既....我想阿仔參加全港朗誦比賽, 但係我自已又唔識得同佢練習, 都係參加學校的好d, 咁唔知千禧係幾年級開始先可參加呢? 唔該!

原帖由 tszyau2000 於 08-9-28 15:02 發表
tszyau 無份跳舞ar...同jovie 一樣跳繩...tszyau 同jovie 真有緣ar..又係有份參與英文集誦ar ..我都好開心亞囡被選中...因為可以訓練下tszyau d 英文...而且又係另一個新嘗試 ...至於斯文...都幾難 ...

Johnnylaisma

哦! 好呀! 唔該晒~ 不過阿仔話唔想參加朗誦, 學校音樂節果個比賽 - 鋼琴獨奏, 佢就肯, 所以我都唔想迫佢,等小二果時睇下佢有冇興趣, 暫時等佢專心練琴算了....:)

原帖由 tszyau2000 於 08-10-3 20:21 發表
以我所知係老師挑選...亞囡都係小二至有得參與到...至於小一就可以參加個人朗誦..因為亞囡當年有同班同學都係參加個人朗誦ka..但係老師選 or 私人去報名參加...甘我又吾清楚..所以如果你想知多d kei..不妨打電話問下 ...

[ 本帖最後由 Johnnylaisma 於 08-10-4 16:57 編輯 ]

Johnnylaisma

原來是這樣的, 唔該晒你呀! 不過我個仔好怕羞, 佢一定唔會自己舉手的。唔知你的小朋友讀邊一班呢? 你有沒有參加講故事的家長義工? 阿仔係都要我參加, 所以我參加了, 衣家諗落都有d緊張添~

原帖由 wetwetyee 於 08-10-14 10:50 發表
hi johnnylaisma
我開學日有上去學校做家長義工, 喘喘做到你仔仔那班, 你先頭問點選小朋友參加朗誦, 你仔仔那班我記得雷老帥是問有無小朋友在幼稚園時期參加過有關活動請舉手(例如:跳舞, 音樂比賽, 朗誦比賽等....) ...

Johnnylaisma

阿仔係小一新丁, 要等2年先有得去, 不過曹公潭係在幼稚園時都去過好幾次, 所以佢都冇咩野, 有4天連休, 仲好開心添~  

原帖由 tszyau2000 於 08-11-8 17:26 發表
e家亞囡忙緊 1113 kei 學校旅行..今年終於有得參與la ...聽囡話要分小組...佢就同幾個女孩子一組..總之就好雀躍la

Johnnylaisma

係呀! 佢當正係學校旅行咁興奮添~ 其實我琴日都有做義工家長, 不過就係照顧第二班, 當然途中見到阿仔果班都會望下佢,仲順便問下老師佢平日食飯情況, 俾老師"督爆"佢原來食得好少, 阿仔平日仲自吹自擂話食得好叻, 食剩好少云云 .....不過都算佢留心聽老師講解, 回家後的專題習作都自己識做....

學校安排都唔錯, 活動完後, 回到學校仲請家長們吃茶點, 蔡校長同莫校長(前)一起招呼我們, 同家長交流一下....蔡校長說學校比出面低5度, 所以可以穿自己外套回校, 今朝我俾左件羽絨阿仔著, 唔知會唔會誇張左d呢!?

原帖由 tszyau2000 於 08-11-18 22:37 發表
wor..聽日輪到小1-2 kei 聯課活動la wor...相信你仔仔一定好開心好興奮jet..我諗佢放學返lai 一定好多野同你講番今次去市鎮公園kei 事jet..

[ 本帖最後由 Johnnylaisma 於 08-11-20 09:49 編輯 ]