flash[中文卡]換卡時所遇到的疑問

csslam

個本書話呢...

第1SET用左5日..換1張..
第2SET用5日..又換1張..
咁即係你第6日既時候..換1張比第1SET, 第7日換1張比第2SET.

咁一直咁落去..即係日日都要換1張.如果你比足5SET佢睇既話..

你會點比佢睇? 跟足本書就要1日比5SETS, each SET 1日要flash 3次..flash 完1次要等最小半個鐘..咁即係要成7個半鐘先flash完..雖然1次flash 都係幾秒..不過BB仲有其他野要做.好以我個仔仔咁, 仲要睇DWE, 又要訓下..又要食奶..

我諗我都係1次過flash 25張..or 小d.. 1日flash 3次咁算了.

ttlucky0303

我都係, 又要睇中文flash card,又要睇dwe, 個點數仲未用, 唔知點開始, 因為print到六十幾又懶得print, 中文就print哂出黎, 用左1/4度..真係分身都唔掂..有時都睇唔哂, 都唔知點好!!
中文同點數可唔可以隔日睇??

ttlucky0303

一日睇咁多野, BB對眼會唔會好倦呀?
咁佢又會唔會探索唔到身邊既事物呀?

熊仔仔媽咪

原帖由 cecichow 於 08-9-9 17:10 發表
中文要隔半個鐘先flash，咁係0個半個鐘內，立刻再flash英文，又再flash數點卡，再聽迪迪呢，夠鐘就pause一陣，再flash，咁得唔得？

點算呢？有無人知道？ ...

我有同我的BB 玩閃咭, 亦有用 DWE, GC Phonics 和GC Reader.  或者等我將我的用法同大家分享一下:

閃咭, 每日早午晚做三次.  如果是在職媽媽, 可以是早上一次, 放工回家做第二次, 然後15-30 分鐘後做最後一次.

假設你有以下閃咭, 每次閃的內容/次序會是:

1. 數點咭
2. 三字經
3. 英文咭
4. 中文咭
5. 其他圖咭

理論係由深開始.  因為一開始已經是較難的數點咭, BB 亦能接受, 之後其他較容易的, BB 就更加容易適應了.

最開始的時候只玩數點咭, 大概玩了 20  天後, 第 21 天開始加入三字經, 10 天後再加入英文咭, 再 10 天後再加入中文咭, 餘此類推.

每天三次, 第一次要順序, 其餘兩次要將咭弄亂, 以免 BB 會認得次序.  每天加添的新咭, 要放在最前, 讓 BB 有新鮮感.

其實玩閃咭應該很快完成, 每天餘下的時間就可以玩 DWE, 看書, 玩玩具, 聽其他音樂等等.  不要給自己太大壓力, 盡力而為啦, 唔係好辛苦的.  有時我唔得閑, 都盡量玩到 2 次. 如果真係太忙, 又或者 BB 狀態欠佳, 我會索性停玩幾日.  

記住星期六/日暫停, 等自己同 BB 都可以抖一下.