我小B有發展遲緩，坐唔定，怕K1找學校很難

lancome115

我小B應將於明年入讀K1，早幾個月試過帶小B去N1面試，但坐唔定週圍走，所以今年沒有入讀N1。
1歲半的時候做過協康的評估，語言、小肌肉和智力遲緩，當時評估遲3-4個月。現有一星期一堂私人訓練，導師說他主要小肌肉，因為小B很懶用手，眼神接觸不夠(主要是在要求他望人說話時眼神迴避)，但日常生活的眼神接觸和會留意人的表情及反應，語言在這2個月進步很多，之前識說的5隻手指也可數到，主要說單字，教他說便跟著說，但有很多發音不準或讀不到，A-Z也能認和讀。
小B在家中，對有興趣的玩具可會玩一段時間，例如玩車、畫圖畫等，其他的他沒有耐性，玩1-2分鐘便走開。小B很喜歡在家跑來跑去，有時候總覺得他好像臉望著牆壁跑，經常阻止他這樣，但他仍然繼續，有時候鬧了他幾句，還笑著望我，再跑幾轉。
每星期一堂親子班，他看見椅子會坐下，導師教學的時候，他亦可坐定聽，但一導師走開，他便會起身想週圍走的了。要導師鬧鬧，他才坐回椅子。
我總覺得為他找K1是很困難，因為怕學校面試時，看見他跑來跑去，便不取錄了！請問有沒有家長可分享一下，為發展遲緩小朋友找幼稚園，thanks

HELLOPET

HI,
我的小B都是明年入讀K1, 同你的小B好相似, 很喜歡在家跑來跑去, 而且又是臉望著牆壁跑, 不停跑,但你小B好叻, 懂得A-Z, 我個就唔識, 評估中心醫生叫我早是D比佢入學, 我今年5月就比佢去左幼兒園讀N班, 開頭老師話佢坐唔定週圍走, 但現在情況已改善好多, 可能有其他小朋友影響佢, 慢慢就坐耐左, 我都正考慮同佢報幼稚園讀K 1, 因為現在佢都是讀咁D屋村幼兒班, 想同佢轉出來, 又唔知學校接唔接受佢, 但我會照報名面試, 學校取唔取錄都唔想得咁多, 做左要做既野先,
如果唔係過左期就報唔到, 其實如果學校收左佢, 我都唔知小B適唔適合讀, 你可以報多幾間, 點都要比佢入學, 有冇家長可分享一下小朋友在幼稚園的情形, 我都想知發展遲緩小朋友在學校的生活.
HELLOPET

owl_2046

我個仔1.5歲時被評"自閉症傾向"排"早期訓練"9月開始讀N1, 老師話佢:飲泣, 唔同人玩, 唔食野, 唔飲水, 有時好似冇意識四維走, 係玩拋波仔(掟玩具)先笑下.
係咪唔應該比佢返學呢? 佢理解能力有時好似好醒, 有時又好似唔明.
係屋企叫佢畫野就係咁"FING"支筆, 話多佢兩句佢就講"畫畫"及在紙上畫幾下比我睇, 好像在應酬我...
你地小B係咪好鍾意"FING"野??
終於排到E位啦, 星期五先評估, 之後可開始訓練...
好擔心亞仔會否進步.
你小B返左幾耐學先適應?

原帖由 HELLOPET 於 08-9-3 11:27 發表
HI,
我的小B都是明年入讀K1, 同你的小B好相似, 很喜歡在家跑來跑去, 而且又是臉望著牆壁跑, 不停跑,但你小B好叻, 懂得A-Z, 我個就唔識, 評估中心醫生叫我早是D比佢入學, 我今年5月就比佢去左幼兒園讀N班, 開頭老師話 ...

HELLOPET

原帖由 owl_2046 於 08-9-10 10:32 發表
我個仔1.5歲時被評"自閉症傾向"排"早期訓練"9月開始讀N1, 老師話佢:飲泣, 唔同人玩, 唔食野, 唔飲水, 有時好似冇意識四維走, 係玩拋波仔(掟玩具)先笑下.
係咪唔應該比佢返學呢? 佢理解能力有時好似好醒, 有時又好似 ...

HI,
我亞仔返左一星期已經冇哭, 初期老師都話佢成日離位, 自己行來行去, 但返左2個月明顯有改善, 適應左好多,
老師叫佢坐下佢都聽, 現在返學都好開心, 所以我8 月轉左佢返全日, 我覺得學校有咁多小朋友, 對佢幫助會好過在家, 所以你唔應該唔比佢上學, 等佢慢慢適應, 佢可能未憤, 你都好咁早發現亞B有問題, 仲排到E位, 係邊區, 我亞仔4 月先做評估,  都唔知幾時排到.

HELLOPET

owl_2046

我住港島區, 亞仔1.5歲+時被健康院評"發展遲緩"轉介到大口環, 初步為"自閉症傾向"當時醫務社工已叫我排e位或s位, 我想亞仔情況唔係太差, 只排e位, 都等了足足一年啦, 其間我都沒有比任何訓練亞仔, 只怪我當初冇面對現實...幸好相比一年前亞仔叫做有少少進步.
早期訓練在"基督教報務處"灣仔鄧x堅"進行,你最好在未排到位時比佢出去做私人訓練, 唔好好似我咁浪費了時間.

原帖由 HELLOPET 於 08-9-10 13:00 發表


HI,
我亞仔返左一星期已經冇哭, 初期老師都話佢成日離位, 自己行來行去, 但返左2個月明顯有改善, 適應左好多,
老師叫佢坐下佢都聽, 現在返學都好開心, 所以我8 月轉左佢返全日, 我覺得學校有咁多小朋友, 對佢幫助 ...

lancome115

今日去了健康院，亦安排了見醫生，但醫生則說他達到2歲的發展，我亦向他說出小B平時的行為和之前到協康的評估，但他說合格，不用再作評估。醫生亦建議小B應該入讀幼兒園，學習規矩和合群，2歲半再回健康院見姑娘做語言發展退進。