你們為什麼選優才

YanYansweetie

相信諸位家長選校時都經過一番考量, 有些囝囡甚至同時獲得超級名校的取錄. 最後是甚麼令到大家決定加入優才? 可否分享下. 謝謝.

edea

- 小班教學
- 不會有大量功課
- 推行愉快學習
- 小二起中文科以普通話教授
- 有NET TEACHER教授英語
- 學校很有HEART去辦學

芷鍛

完全同意ｅｄｅａ的意見，另外還有：
－我希望小女既可在愉快中成長，又能得到有質素的教育。從啟發中學習，有自己的見解，自己的思想，敢想，敢問，敢試。
－學校管理層有遠見，有展望，有抱負。
－希望能與有同一夢想，相同抱負的家長，為小朋友未來一同努力。
－專科專教

[ 本帖最後由 芷鍛 於 08-8-30 23:59 編輯 ]

中天英

除左小班教學、愉快學習、兩文三語、專科專教、資優教育....等等, 我選擇優才, 放心比我兩個仔响優才讀既原因係 :

1) 創辨人有熱情, 有抱負, 仲有能力   -  李教授一腔熱情、排除萬難、出錢出力, 創辨優才, 希望為香港既教育開新路, 為萃萃學子提供愉快學習空間   ---   呢D同外面既學校建校既目的及過程, 係好唔同既。

建校十一年, 李教授依然响度默默耕耘, 為實現理想而努力  ---  睇番好多學校, 校長/校監, 都係三、五年就換  ---  優才係唔同既

2)  優小從 97 年至今, 已經有11年喇, 已經脫離實驗階段, 一切己上軌道; 當年創立所訂既教學目標, 基本上已實現, 並且開花結果; 未來幾年會進入收成期。

外面好多新進學校, 仲係响實驗期, 好多時係靠個講得兩嘴既校長, 企响台上, sell 個 dream 比你, 至於做唔做倒, 就要再等十年、八年喇。

3) 優才 keep 得住一大班好老師, 好多老師/主任都服务超過五年, 校長/副校長更係創校元老, 服务優才超過十年喇 !!

外面好多學校, 特別係果 D 名牌 DSS, D老師流失率眞係嚇親人。

最特別既係, 優才連 D 外籍 NET 老師都 keep 都住; 以今年為例, 舊年果 6 個 NET, 一個都冇走; 個 NET Panel 响優才已經第六年嘍。

至于外面學校班 NET 既流失率, 大家應該心里有數, 唔洗我講喇。

4) 優才可以做倒 <<  喜悦  >> 同埋  <<  卓越  >> 共存。

<< 喜悦 >> 即係壓力小, 功課少, 默書/測驗小; 學生喜歡返學, 主動學習。

<< 卓越 >> 係指學術水平高, 考試成績好; 英文要 talk 得之外, 仲要識普通話, 數學就更加要領先。

有 << 喜悦 >> 既學校唔多, 主要係新派直資/私立, 加理D International School 咁; 有 << 卓越  >> 既學校唔算少, 主要係傳統名校, 加埋 D 地區名校; 但係又做到 << 喜悅  >>, 又有 << 卓越 >> 既學校有幾多呢 ??

優才响 << 喜悦  >> 方面, 肯定超額完成; << 卓越 >> 方面呢, 亦漸見成績。

原帖由 YanYansweetie 於 08-8-30 17:00 發表
相信諸位家長選校時都經過一番考量, 有些囝囡甚至同時獲得超級名校的取錄. 最後是甚麼令到大家決定加入優才? 可否分享下. 謝謝.

[ 本帖最後由 中天英 於 08-9-2 01:55 編輯 ]