想知你地會點選擇

9284

bb三個月大, 我要返工啦, 而家心大心細唔知點好.....

1. 想請印傭, 但係看過太多負面新聞, 擔心bb安全, 又太多手續麻煩野
2. 星期一至五比老爺奶奶湊, 星期六日自己湊返, 但佢地成六十歲人, 雖然佢地好想湊, 十二年前又幫人湊過一個, 但係都怕佢地已經忘記左點湊bb
3. 放bb在育嬰院, 但係夜晚6:00開始又要自己湊返, 第日晨咁早又要湊返去, 好貧泊, 另外又怕育嬰院會好多病

如果你地係我, 你地會點決擇, 好煩好亂

BBG1

你老爺奶奶住好遠？我覺得最好請印印，初時早上請老爺奶奶睇住，晚上你自己又可湊回，晚上頂唔順也有印印幫你湊。

七點半

無錯...得閒就叫d姨媽姑姐上去睇住個工人, 仲有記得留意佢地過左6個月後的行為有沒有變, 頭6個月要還錢多數都好乖...我唔知你請左未, 如果未, 一定要注意佢係唔係識廣東話,否則溝通唔到, 仲點幫你照顧bb...

小仙女Mummy

我主張送育嬰院..如果老爺奶奶住的近,要佢地接送嘍..
1/ 工人實在信唔過,你唔辦法完全睇實佢. 返工都唔辦法專心,成日擔心BB會唔會被虐待!!
2/ 老人家肯定力不從心~~
3/ 0-3歲是小朋友心理/生理成長的關鍵, 你選擇一家有好既教育方法既育嬰院,佢地唔止幫你湊,最主要提供學習方法,呢D是工人/老人家做唔到既..你話病,呢D好難講,個個都會病啦,住大家庭佢反而有免疾力..

Ivy18018

這個問題我完全經歷過,最後决定比BB返育嬰院.
- 婆婆初生湊, 佢話好辛苦.
- 然後請印傭(BB兩個半月大),自己係新手媽咪,日日放工返屋企又要教佢點樣湊BB(工人無記性),兩個月後就炒左個工人.
- 四個半月BB開始返育嬰院,自己日日湊返放學係辛苦,見到學校D姐姐同嬸嬸好專業,又會教我湊BB方法,而家D育嬰院玩具同教材實在非常豐富,不同月份BB有不同學習主題,自己湊真係做唔到.至於病就頭半年就多D,我個女14個月到而家就無病過啦.
今個月開始返PN班,老師一睇就知阿囡係返開學,因為自理能力強(育嬰院時己經識曬),學習快(多時間學其它).