學琴成2年都考唔到試...頭痛..

yenki

原文章由 veekmom 於 08-8-13 11:24 發表
個仔學咗2年琴..私人上門教..都考唔到任何級數...頭都痛埋..係咪老師唔幫佢報考...就???定係去琴行學好?..

小朋友今年幾歲？
係老師唔主張考(程度未夠) or老師冇主動叫 報考？

其實報考琴試，
可以老師代報、家長代小朋友報或小朋友自已報考都得。

BBR

其實唔駛咁快比佢考姐,好多都學幾年至考,有D成8級至考tim,學左兩年最多米得2,3級,唔駛咁快考喎,因為入到去考小朋友好大壓力,等佢再大個D至考都未遲,我個女學左1年,就5歲,但我無諗住比佢考,等佢大個D,起碼學到5,6級至考,重要佢真係鍾意彈至比佢考,始終我覺得彈琴係一個興趣,唔好因為考試迫佢彈

[ 本文章最後由 BBR 於 08-8-13 13:05 編輯 ]

BBR

考試通常要停哂宜家學緊D歌,淨係預備考試歌起碼要練3,4個月,入到去考得一個人又唔可以彈錯,太大壓力,得2,3級考都無用,宜家個個6,7歲小朋友都識彈到2,3級,等佢再大D先啦

原文章由 veekmom 於 08-8-13 12:57 發表
７歲啦！。。老師無叫佢考。。。但有同我講佢都應付到３級啦。。最慘我成日唔係香港。。。夾唔到時間見老師。。

BBR

唔駛多謝,最緊要小朋友學得開心,如果佢鍾意彈,等佢大個D就會叫你比佢考,因為考琴幾多級考都得,一考考8級都得 ,所以唔駛咁急,因為一考琴就真係要幾個月時間準備,佢咁細慢慢黎啦

原文章由 veekmom 於 08-8-13 13:38 發表
ＨＩ　ＢＢＲ
多謝你宝貴既意見。。解咗我心結呀！
ＶＥＥＫＭＯＭ

Derdad

一考就八級應該係唔得嘅，因為考八級的其中一個大前提係考生要有五級樂理考試合格的基礎才可以報考呀！

通常小朋友會開始考二或三級先，等佢知道下考琴試係咩嘢回事，攞咗經驗後就考五級，然後八級，再考演奏級…

加油、努力呀！

原帖由 BBR 於 08-8-13 13:43 發表
唔駛多謝,最緊要小朋友學得開心,如果佢鍾意彈,等佢大個D就會叫你比佢考,因為考琴幾多級考都得,一考考8級都得 ,所以唔駛咁急,因為一考琴就真係要幾個月時間準備,佢咁細慢慢黎啦

...

BBR

得架,我問過音統同老師,不過最好係之前考過一次就有D準備,不過我都係個句,唔好為考試而迫小朋友學琴,始終彈琴係一個興趣,彈得好米得lor,除非第時以彈琴為職業就考試姐,如果唔係駛咩考

原帖由 Derdad 於 08-9-5 11:45 發表
一考就八級應該係唔得嘅，因為考八級的其中一個大前提係考生要有五級樂理考試合格的基礎才可以報考呀！

通常小朋友會開始考二或三級先，等佢知道下考琴試係咩嘢回事，攞咗經驗後就考五級，然後八級，再考演奏級…

加油、努力呀 ...

Charlotte_mom

我女舊年考2級(學左3年幾)
平時我無要求我女練熟的, 不嬲要求都係, 彈到, 下次學到新歌, 就ok了, 我覺得隻隻歌都迫佢練熟, 佢會失興趣的, 反正學得深左, 再彈返d淺歌自然得心應手
舊年老師話考, 咁咪考lor, 都幾多野準備架, 今次真係停下其他野, 淨彈3支歌喇, 我女幾時要咁認真丫.......彈到喊架真係, 仲有scale呢, 悶到想屎, 又要不停練......不過考試就係咁, 考完pass左, 佢知道咩叫考試喇, 知道咩叫認真練一隻歌, 對佢都係一種訓練(我之前以為彈arm就會合格, 如果唔係的......)
今年唔考喇, 學下其他野啦, 有d名師鐘意不停谷學生考試比賽, 雖然學生成績好好, 不過音樂感未必ok的(因為接觸既野太少了)
你可以同老師傾下(電話都可以呀), 老師可能有佢既想法, 唔去考琴亦未必係壞事, 最緊要小朋友ready同有心學落去, 至係最緊要

原帖由 BBR 於 08-8-13 01:05 PM 發表
考試通常要停哂宜家學緊D歌,淨係預備考試歌起碼要練3,4個月,入到去考得一個人又唔可以彈錯,太大壓力,得2,3級考都無用,宜家個個6,7歲小朋友都識彈到2,3級,等佢再大D先啦

...

smallbird07

我個女都學咗三年幾la，佢個老師叫佢下年先考二級。平時佢又唔專心練琴，每日祗係叫佢練一個鐘，佢都唔願意。請問各位媽媽妳哋有乜辦法令到小朋友去專心練琴呢？

BBR

唔會la,我都無諗住比佢考,考黎做咩鬼,我係因為佢鍾意彈所以比佢學,唔係因為考試比人睇想拎張cert而學,我唔想佢連興趣都覺得有壓力,彈琴應該開心,考左又點喎,等佢自己第時大個D佢自己決定考唔考. 個個老師都會叫你考試,我老師叫我個女去比賽tim,不過我話唔好 佢又唔係彈得好,費事迫佢成日為比賽練琴,我每次見佢好開心彈琴我已經好滿足 ,讀書已經好大壓力,連興趣都將佢變成壓力我唔想

原帖由 Charlotte_mom 於 08-9-6 14:36 發表
我女舊年考2級(學左3年幾)
平時我無要求我女練熟的, 不嬲要求都係, 彈到, 下次學到新歌, 就ok了, 我覺得隻隻歌都迫佢練熟, 佢會失興趣的, 反正學得深左, 再彈返d淺歌自然得心應手
舊年老師話考, 咁咪考lor, 都幾多野 ...

BBR

其實你應該問下佢想唔想學,我都成日問個女,因為我想佢真係鍾意為自己而彈,唔想佢因為我想佢學而彈,所以佢無咩壓力下學,佢次次練琴都成個幾兩個鍾,我無理佢,叫佢唔識至問我,佢一路彈會一路問我好唔好聽,我會話好好聽,我成日都會讚佢彈得好(當然唔係真係咁好)讚完佢後如果有地方彈得唔好我就會話如果咁咁咁就重好D,咁佢就會再彈好D,有時我又會同佢一起合奏,或佢彈我唱,所以佢好enjoy,其實如果佢唔願意練琴你更唔應該要佢考琴,到時佢只會更唔鍾意彈琴,我真係唔係好認同咁快要小朋友考琴,等佢地大D自己決定考唔考,我細妹個女學左幾年,到小學5年級至決定自己想考琴,同比阿媽迫考而考D小朋友好大分別,自己自動自覺練琴pass左

原帖由 smallbird07 於 08-9-6 16:44 發表
我個女都學咗三年幾la，佢個老師叫佢下年先考二級。平時佢又唔專心練琴，每日祗係叫佢練一個鐘，佢都唔願意。請問各位媽媽妳哋有乜辦法令到小朋友去專心練琴呢？ ...

Charlotte_mom

比賽又ok wor, 練一隻之嘛! 等小朋友知道下咩叫"有要求"都好既! 唔好以為識睇譜識彈就收工 (平時我都唔理佢架喇!)
仲有比賽經驗呢! 好多小朋友, 出去比賽至係第一次見咁大個三角琴, 莫講話grand concert! 平時邊有機會摸! 細膽d真係手都震埋架............比賽唔一定為得獎, 而係比賽本身已經係一樣體驗呀

原帖由 BBR 於 08-9-6 11:19 PM 發表
唔會la,我都無諗住比佢考,考黎做咩鬼,我係因為佢鍾意彈所以比佢學,唔係因為考試比人睇想拎張cert而學,我唔想佢連興趣都覺得有壓力,彈琴應該開心,考左又點喎,等佢自己第時大個D佢自己決定考唔考. 個個老師都會叫你考 ...

BBR

因為我唔想將一樣興趣變為一種壓力,始終佢咁細個,等佢上到小學知道咩一會事而佢自己又想至做,讀書已經有壓力,我想佢可以開心做自己有興趣既野而唔係因為我叫但佢都唔知咩一回事而去做,比得賽就一定有其望,唔希望有獎你都會希望佢唔好彈錯,咁無形中已經存在壓力,我真係唔想

原帖由 Charlotte_mom 於 08-9-7 18:47 發表
比賽又ok wor, 練一隻之嘛! 等小朋友知道下咩叫"有要求"都好既! 唔好以為識睇譜識彈就收工 (平時我都唔理佢架喇!)
仲有比賽經驗呢! 好多小朋友, 出去比賽至係第一次見咁大個三角琴, 莫講話grand concert! 平時邊有機 ...