"官塘基督教服務處幼兒園" 集中營 !!!

峰仔媽咪

各位媽咪 :

有見咁多媽咪都對這間幼兒園印象幾好，而且，亦都有咁多小朋友讀這間學校，所以，我想正式開一個topic，比大家傾下計，但係我想不如大家，報告下8月份小朋友將會入讀既班好唔好呢 ???

峰峰 : c 班  

峰仔媽咪

C 班
1. 峰峰 (峰仔媽咪)
2. 湋衡 (文迪)

D 班
1. Billy (billyyanst)
2. 楹楹 (dleelm)
3. 維維 (tungwai)
4. 恆恆 (芸迪)


文迪 :

放暑假你點安排湊仔仔呀 ?? 我已經搵左公司附近既幼兒園做暫托，原本讀緊既幼兒園只係放一星期27-7開始，現在基督教要放兩星期，實在太長，自己大假又用完，到時適應期我都只可以請兩日假陪仔仔返學校，所以，暑假一定要暫托，轉左社區這間，對我來講係假期多左少少，亦都係我頭痛既問題，不過，都決定轉校，就要自己安排，所以，未來既長假期，自己有假就緊係陪仔仔啦，否則都係要暫托。

峰仔媽咪

請問你地有校服

峰仔媽咪

學校都未通知我有校服

峰仔媽咪

bebe_c  :

正式幾號開始唔知，不過就問左係放兩個星期，大約26/7 ~ 7/8，(9/8開學)。

峰仔媽咪

我都收左e-mail通知取校服。

芸迪 :
嘜可以返兩個鐘暫託架 ??? 雖然仔仔都返開學，不過，我都有o的驚佢唔習慣，因為，仔仔比較適應能力低，我都有諗過好唔好比仔仔暫託o下，適應新環境，等我星期一問下副主任先。
之前仔仔返育嬰園都無比利是仔仔，今次開學一定要比，希望佢有個好開始。

峰仔媽咪

我都會每朝比仔仔飲一支奶先返學，因為，佢都習慣左。

時間過得好快，返多一星期學就要準備返新學校，須然仔仔已經返慣學，但係要佢重新適應新環境都等同初初返學既小朋友，我心情都有點緊張，唔知仔仔無喊幾耐，唔知你地準備好返學既野未呀 ??? 到時開左學之後，大家上來報告下小朋友既情況啦。
話時話你地有無諗過生多個小朋友呀 ??? 本應生多個係好o的既，有照應，不過，我自己就有好多憂慮，唔知你地點諗呢 ???

峰仔媽咪

IrisCheng :
好多謝你既祝福呀 !!! 不過，我諗日後都會有機會見既，因為，我搭既小巴就係趣樂門口，雖然 tsin tsin 細個峰峰，但係大家放左學一班媽咪傾下計都好開心，我都祝福tsin tsin 開開心心身升班啦。

峰仔媽咪

話說星期二開始，仔仔要放暑假兩個星期，由於我已經無大假，所以，要仔仔去我返工個區幼兒園返暫託，
第一日 : 可能有新鮮感，完全無喊。
第二日 : 唔想返，喊到發癲，要老師抱入課室。
第三日 : 佢話"我唔喊" ，到門口眼濕濕話"我唔喊"，入到去
就忍唔住喊出眼淚，但係比第二日好好多，老師安慰一陣已經ok，我走之前望倒佢已經唔喊。
今日 : 一早仔仔走去廁所門口同我講，我返暫託幼稚園，我唔喊，自己入課室。未到學校都有咁講，返到學校完全無喊，自己入廁所，自己

峰仔媽咪

dleelm :

我已經請左兩天既早上半日，諗住頭兩日都陪仔仔返半日，一來我又可以了解下學校既日常既程序，今日仔仔返暫託已經無喊，今日佢一入到學校，都未同我bye bye ，就一枝箭咁入課室搵老師，我又唔入得課室，所以，我自己走囉，都好既，起碼佢已經習慣左間學校，相信開學去到新學校都會好快適應。

峰仔媽咪

各位媽咪 :
好快就開學啦，到時記得比封利是小朋友返學呀。
我都未洗校服漆，今晚一定要記得啦。我無買黑鞋呀，只係買
左對白波鞋，著波鞋舒服好多，我想問你地去邊到做o的名架 ???
我請左人幫我清潔屋企、煮晚飯啦，以後我唔洗到夜晚12點
朗衫，到11點幾先食晚飯(其實似食消夜多)，仔仔又可以返屋企食晚飯，
最緊要係我可以多o的時間陪仔仔。

峰仔媽咪

各位媽咪 :

峰峰星期三已經開始返全日(朝8晚7)，大至上都ok，返學時都好開心，係返到學校分離時有少少唔想啦，老師話佢上堂都好投入，不過，比較跟熟悉既陳老師，其他就唔係好跟。

峰仔媽咪

文迪，永謙媽咪 :
我仔仔叫慶峰呀 !!! 都算大隻b啦，陸軍裝頭，現在每晚都7點放學，我都好趕架，由葵涌返到官塘剛剛好時間，所以一到6:00就要收工，遲左少少走，返到官塘要跑上去。

峰仔媽咪

文迪 :
可能仔仔係新生，所以，舊生既活動都未正左開始join，好似游水堂都未比仔仔開始。
返左個幾星期學，大至上都無大問題，除左真係無電梯(因為條樓梯好熱又無風扇呢)，校服都比較谷身，所以，我都係返到學校先幫仔仔穿上身。

峰仔媽咪

各位媽咪，好嗎 ??? 我都好耐無上這個topic 傾計，你地既小朋友返學習慣未呀，我仔仔都ok，都鍾意返這間學校多過以前個間，不過，佢日日返學都扭扭地，好嗲，唔肯比我走，我初時都以為佢唔鍾意返學，但係我次次問佢，佢都係話 : 因為我好掛住你呀!!!，咁都知道唔係間學校問題，而係我仔仔比較嗲。

學校最近有手足口病，游水都停左，你地要留意下小朋友呀，我仔仔上年都係舊學校有手足口，雖然，佢唔係好辛苦，但係都要請一個星期假倍佢，大家都辛苦。

請問你地會唔會幫小朋友打流感針呀 ??? 我想想地呀!!!

請問係唔係間間診所，都係同一種針呢 ???

峰仔媽咪

其實，打左流感針，係唔係好好多呢 ??? 打完會唔會發燒之類 ???

峰仔媽咪

我都好耐無上來傾計啦，不經不覺仔仔都返左3個幾月，大至上都幾好，D老師都 OK，覺得佢地都有留意個小朋友既，早前老師都約見左我地D新生家長，講番個小朋友係適應期有無問題，而老師都同我講左個問題。

其實，你地明年會唔會轉去其他幼稚園呢 ??? 我就唔諗啦，亦都唔倒我諗，我又無其他人可以幫我湊，如果出去讀個D幼稚園，一係半日，就算返全日個D都要4點幾放學，假期又多呢 ??? 根本我就無得選擇咁多，唉....有時都覺得仔仔好慘咁，好似個看更咁朝八晚八，我都知出面既幼稚園課程會深過幼兒園，對選小學係會好似比人差D，唯有自己額外比D其他補充佢做下啦。

峰仔媽咪

我都係咁諗咋，仔仔近來多左問點解，咁有晚臨訓，仔仔問我，係唔係日日都要廷展架??? 又問我點解，我解釋比佢聽原因，須然佢無嘜點，只係答"係呀" ，但係自己就有少少唔知點咁，好似自己好少時間倍佢咁。

峰仔媽咪

你地唔好因為小朋友返學多病左，而放棄比佢地返學，我係
過來人，小朋友成日病做媽媽一定心痛，峰峰一歲開始返育
嬰園，相信你地都話細，記得初初入學，真係病到我都喊，
又心痛又要成日請假，當中餵藥，睇醫生費，無得訓，個種
辛苦只有自己知，當時都有少少悔意比峰仔咁細返學，因為
，仔仔之前係保母湊既，湊左一年湊得唔好，先比仔仔返學
，當時我都比老爺煩死架(同住)，佢幫唔倒我，都無問題，但係又成日講o的野煩我，好似仔仔肚痌，佢可以話學校比左隻烏營仔仔食，我都係接左仔仔返來屋企之後同佢無計傾咋，當然最後都無放棄比峰仔返學啦，而且，當時我真係無人幫倒我湊，不經不覺已經返左咁耐，峰峰既身體算比以前好左，這間幼兒園環境都算好啦，每日又有得上天台戶外活動，比起一o的密封冷氣課室已經好好，好似明愛事件，幼兒園已經開始探番熱，須然唔係好大作用，但係起碼佢地都係有警覺，我都希望佢地可以 keep住。小朋友初初入學係比佢地種菌架，我覺得最緊要係學校要衛生，空氣流通，唔好有咁多傳染病爆發(手足口之類)小朋友唔係經常有大病咁就OK。

大家努力啦 !!!

峰仔媽咪

聯歡會當日，我都好擔心峰峰扭計，因為，如果改變左佢平日既返學程序，佢會扭計唔返學，我已經好早比左心理準備佢，結果當日返到學校樓下，佢見倒禮堂好多人，佢就驚起來，我同佢解釋一大輪，