剛收到通知, 兼收有位, 唔知讀唔讀 (急急)

wksin

社工通知我, 藍田的德田幼兒園有位比我個細仔, 他是有語言遲緩9個月到, 我剛剛才安排佢去做private training, 原本社工話今年的兼收名額已滿, 最快都要出年先至有得讀, 所以我安排佢今年在正常幼稚園讀, 看跟唔跟得上再算, 現在突然話有位都唔知掂算好,請問有經驗的媽媽比d意見, 讀兼收位是否真係好有幫助, 佢地全日在幼兒園是做什麼的?謝謝

Ringo-mom

以我既經驗就應該比佢讀，我仔

bandband

梗係俾佢讀啦!我個仔依家都係讀緊兼收位既全日制幼兒園,真係進步咗好多,同埋嗰度有受過特殊訓練既老師去幫佢,又有定期言語治療師,職業治療師同心理學家去幫佢,我覺得好好囉!我個仔未讀兼收位之前都前後讀過兩間普通幼稚園,但因為嗰啲老師無經驗,一見到個仔唔識得講嘢又唔睬人,仲要有情緒問題(打人),真係搞到老師又辛苦,我地又辛苦,個小朋友更加受苦囉!查實兼收位既學校同出面既學校都一樣,只係額外多咗好多資源去幫個小朋友,咁仲好啦!學到咁多嘢,你又唔駛咁擔心,所以,你放心俾佢入去讀啦!

diaryman

去啦，兼收位同普通位感覺差唔多，又有特別訓練導師，好機會呀。

hoeve

當然去啦，有導師會轉門照顧你個小朋友架，而且同一般幼稚園差唔多，亦唔會應享將來升小學，都無乜唔好處！不過個小朋友都要繼續去做言語治療呀，希望佢會快d進步，咁同其他小朋友溝通得好d，社交都會好d啦

wksin

咁請問是否間間兼收位都係差唔多, 有無大分別?

Jessica

咁排到就梗係去讀啦, 自己去搵私人訓練都幾貴架, 而且又成日要專登帶佢去上常喎, 而兼收位係返全日既幼兒中心, 其實都係同幼稚園一樣, 都係同班同學仔一齊上堂學嘢, 不過另外每日都會抽部份時間, 由一位兼收導師單對單咁同個兼收位小朋友做訓練, 既然你個仔語言慢, 反而讀幼兒中心好過讀幼稚園, 語言刺激都會多D架.

hoeve

wksin
其實間間安排都唔會差得遠，但都係要睇下好唔好彩遇到個好導師。

wksin

我今日去過德田幼兒園, 間學校好似就黎摺埋敢, 全校得79個學生, 每級得一班, 設施又簡陋, 不過就有12個兼收位, 除開這12個位, 即是只有67個小朋友在這間幼兒園讀, 真想像唔到要仔仔在這間學校讀, 只怪自己當初揀學校時沒有睇過就填, 個陣時想未必敢快有位及未必需要讀, 所以就求其了事, 現在有可能讀, 去睇過先至知後悔, 最慘係無校車服務. 要自己接送, 由九龍灣德福去德田, 日日自己接送都幾係野, 所以真想再揀過,排多一年隊明年有位再讀, 大家意見如何?

ss1008

其實兼收位是安排小朋友於幼兒園內進行融合教育，一般幼兒於園內會與其他小朋友一起上課、進行體能活動及音樂活動等...
而兼收幼兒工作員即會因應兼收幼兒的個別需要，再安排特別的教學安排，例如你的小朋友需要進行語言訓練等。
其實全日制的幼兒園，真的比半日制的幼稚園更適合你的小朋友，因為全日的生活能讓幼兒的社交及語言能力得以提升。
你好好考慮一下吧！

st

wksin,

How old is your boy?? Better take this.  and then checked all the 兼收kinder, and make a choice then tell the social worker, as least your boy got 1 year training. And wait for the ideal kinder.

My girl got the seat(SCC) last Nov, but i gave up, because the school is very old. My girl need to wait 1 year unitl this Aug/  Because I am a full time mum, so I took her to have private training and have many time to train her.

School bus, get in touch with nearby kinder, and see whether they can arrange school bus, I knew some school do.

ST

wksin

我個細仔現在2yr11m, 如讀兼收位, 今年8月入學讀N2, 我都係心大心細, 好想盡快比training佢, 但看見間學校這樣又好像沒有什麼信心, 不知如何是好。

原本我個細仔因為哥哥的原因, 本來今年入讀培正幼稚園, 現在考慮give up, 但就估唔到政府派的兼收位質素係敢, 所以唔知點揀好, 不過正如其他有經驗的媽咪話, 應該盡早比佢接受治療, 這樣才是對佢最好, 所以現在是我同老公要盡量接受這間學校才成。

係呢, 你個女是否排多一年就可以排到合心意的幼稚園, 今年8月開學? 佢之前是否在普通幼稚園讀? 是否很難適應?

真係多謝大家的意見及分享。

ALAL

I suggest you accept the seat first, and then queue up for ' early training' or seat of other nursery of your choice.

If the nursery has fewer children, theoretically it means more time to care of children. No need to worry too much.

My son is studying in 兼收位 nursery. The nursery service is acceptable, but not very good. Don't blame yourself in choosing nursery. Mother like us has a lot of problems to handle and is extremely busy.

wksin

ALAL,

你講的對, 現在做媽咪真係很辛苦, 好像有好多責任, 我係公務員, 絕對準時放工, 但返到屋企要跟大仔的功課, 又要顧細仔的training, 遇到問又要上BK分享, 一個晚上好快就過, 都無自己時間, 生仔前真係無唸過係咁, 唔怪得咁多人唔生。

不過看到兩個仔, 亦都真係好開心, 現在才真係明白母愛的偉大。

Jessica

wksin

老實講, 雖然間學校舊d, 但呢d都只係好表面既野黎之麻, 最重要係睇下間學校幫唔幫到個小朋友, 人數少亦都係一個好處, 至少師生比例少d, 老師更加能照顧到每一位小朋友, 幼稚園係1:30, 但幼兒園係1:15, 若果一班超過15人都必定會有2位教師, 我個仔讀緊個班得23個學生, 都一樣有2個老師照顧, 平均計師生比例係1:12個.

我個仔2歲時係幼稚園讀N1, 跟住原校升讀K1, 間學校係正屋企樓下計埋搭lift時間唔使5分鍾就返到, 2層獨立校舍, 只係開辦左4年, 而且仲有戶外遊樂場、花園、自耕農莊, 真係一間理想既幼稚園, 但係 .... 我個仔佢太活躍, 語言能力好差, 尤其是係表達能力, 我發覺佢係學校好似完全學唔到咩野咁, 因為幼稚園只係返個3粒鍾, 排下隊洗下手食左茶點都用左唔少時間, 做下運動唱下歌仔, 唔係好多時間剩落黎俾佢同d同學仔傾計交流, 什至符佢曳老師都唔得閒教佢.

到K1下學期時, 開始發覺個仔越來越有問題, 雖然佢肯返學, 但老師經常話佢上堂唔守規矩, 亦都唔肯合作, 對同學過份熱情, 又容易發脾氣, 同埋唔肯唸兒歌. 於是同佢去做評估, 佢語言能力、專注力、社交能力較差, 而且有發展遲緩, 當時社工幫我排左早期訓練同兼收位, 後來同佢轉去幼兒中心讀N3(轉到先前所選既兼收學校, 因為我只係選擇左呢一間, 心想若果第二時派到兼收位可以唔使轉校), 亦都同時開始接受早期訓練, 係呢大半年間佢有好明顯既進步, 本來發展遲緩都已經追番到佢智齡, 係學校老師亦都好有心機幫佢同教佢, 記得佢初初轉去讀時, 佢發脾氣咁老師就要佢坐係一邊冷靜, 等佢冷靜完老師就坐埋去同佢傾計講道理, 久而久之佢既行為問題(唔守規矩、發脾氣...)都漸漸少左; 另外由於返全日可以同d同學仔多d時間接觸, 聽得多傾得多而家想佢把口收都幾難 , 話時話...佢而家讀緊個間幼兒中心唔近屋企, 每日都要搭程車先返到學, 而且真係好細間, 創校15年規模明顯較舊式, 每級一班, 得3個課室但要開4班, 平均每班唔超過28人, 總之同先前讀個間簡直係一個天一個地, 絶對係好大分別, 但而家明白到靚校舍新玩具對我個仔冇幫助, 最重要係d老師好有愛心同耐性, 佢係學校同同學仔相處時間多, 一齊食飯一齊訓覺, 每日放學都要求我遲d先好接佢, 因為4:30夠鍾放學, 至6:00前等接放學時間係自由活動, 佢地可以一齊玩, 個仔真係讀得好開心, 對學校好有歸屬感.

黎緊9月我個仔都開始讀兼收位, 因為我個仔早一年就已經轉定校, 對佢黎講冇咩分別, 但對我黎講就輕鬆得多, 因為唔使每個星期都要同佢去做早期訓練.

以過來人黎講, 我當然建議你接受兼收位啦, 始終訓練愈早做就愈好, 因我都後悔遲左同個仔去做評估, 如果早一個月同佢做評估, 早一個月排兼收位, 佢而家都讀緊兼收位lu.

JOANNA722

各位Mummy Hello
仔仔下月初見Dr. & 社工, 好緊張....... 請問如果社工有什麼什麼安排, 我要點好?  有什麼要問 . 要注意?  THANKS!
仔仔現在二歲,讀緊Pre-Nursery. :

Hei媽

hello Joanna and 各位媽咪

Joanna:

評估中心已經通知我在5/7見醫生,社工及眼科醫生, 我也很緊張, 如果妳是在5號之後見, 我可以話俾妳聽一點資料, 如果妳最過我, 可否又報料給我聽呢? 請收PM

其實知道要做評估時, 好好害怕, 擔心結果比自已想的更差. 但老公反而從容面對, 不知是不想令我再擔心還是男士始終強一點.

我BB 下月2日就21個月. 亦報了Nursery,今年10月(足2歲)或11月上學, 那間幼兒園都是有兼收位的(香港基督教服務處官塘幼兒園), 但報讀前沒有說明等待評估, 是否入學前要inform他們, 又若評估後要排兼收位, 是否以該校為首選?
有無媽咪對這間學校有認識. (而我報讀此間學校都是朋友的教會姊妹介紹, 她自己明年也會幫她的仔仔報讀).

wksin

Hei 媽,

官塘的基督教服務處幼兒園是一間唔錯的學校, 環境幾好, 是活動教學, 我唸你照返住先, 如要排兼收位就揀番呢間啦, 佢唔駛轉學校重新適應。

至於做評估, 就按平常心啦, 因小朋友當時的表現你係控制唔到, 好似我個仔咁, 當日都無心機應對, 成日話要走, 但個醫生都會問番我佢既表現同平時有否出入而下結論, 其實我地去得做評估都知佢係發展慢, 不過只係想知係慢幾多同希望可以排到位做治療, 所以不用太擔心, 比小朋友有好的精神去做評估就得啦。

kae

想問咁多位家長，係唔係等到小朋友返左nursery先知佢有語言遲緩呢？

justjust

Hei 媽,

My girl is receiving her private ST sessions at 香港基督教服務處官塘幼兒園.  The ST is arranged by 香港基督教服務處 and we just borrow the classroom of the 幼兒園.  

The environment is quite good.  Every time we meet the teachers there they always smile to us even though they don't know who we are.  The classrooms are divided into different corners with different teaching materials/educational toys on individual trays nicely put into low shelves.  There were also computers.  My girl loves to play with them all.  Sometimes when we were early we saw the student having their classes.  They actively participated in the class and were totally absorbed.

I can't comment on the quality of the teachers and students but I would say the school offers a good learning/studying environment and atmosphere.