小一考試想借個位呻下

必必

見都大家的情況, 真係有同病相憐的感覺. 我個女讀緊一年班, 現在考緊試, 到下星期一才考完, 中, 英, 數都未開始考, 只係考緊默書. 我個女唔係唔乖, 最慘係做樣樣都好慢. 7點15分出門口返學, 搭校車放學返到家都5:00, 肚餓要食下午茶, 跟著做功課, 功課唔算多, 但係佢做得好慢, 做下玩下. 做得來到食晚餐, 佢食得好慢, 差唔多8點幾9點才食完, 溫一陣書. 10點左右就要上床, 所以發覺返小學之後個女真係幾辛苦, 好似好少見到個女, 見到佢都係要佢溫書, 做功課.....,

佢考試就好似自己考試, 陪佢溫書, 同佢串字, 有時佢串來串去都唔識, 我真係會好嬲, 個人都好暴躁...同好惡..都唔知佢點教佢至識....真係仲辛苦過自己考. 我老公都係無理過個女, 前2日才第一次看到阿女本中文書, 仲話....原來現在的教科書是這樣的 ....

ling媽

Edma，唔好咁灰心啦！d maid係要睇得緊d，時不時要訓

gongonma

GIGI , wwyee, rabbit pink, Twinmama, 必必 & others mama,

見到你地覺得大家都好慘!  小小年紀連休息、遊戲都無, 媽媽日日智力、耐力、EQ大作戰.... 大家就在此呻下及互相鼓勵啦！
好在我一早選了活動教育的學校，大家都P1現時還未有此痛苦！其實大家花在小朋友身上的時間差不多，不過你們在抄默寫時間上多了！我們在找資料、上網、手工....
大家不妨試

Rabbit^Pink

gongonma,

吾好怪我直言, 我囡囡一直讀活動教學幼稚園,  無可厚非, 佢個腦轉得好快,   觀察力好強, 但.....  學術科就久奉, 要佢坐定定學野都幾難,  所以一定要因應個小朋友黎揀活動教學, 囡囡好活躍, 唸住好適合佢呢種性格,  點知佢所識既字, 都係由我從平時用有趣方法教識, 至於新學既生字......., 唯有等佢阿媽得閒同佢溫習,  我個

有個讀活動教學(有名小學)家長同我講,  都係因為活動得濟,  要同小學校長傾傾,  怎樣活動同學術取得平衡.

活動教學吾係個個小朋友都激發起讀書興趣, 再講我寧願攤開辛苦,  好過中學先黎辛苦, 始終都係要應付會考.

多謝你分享你既教仔心得, 我會試下.

  

Rabbit^Pink

Edma,

Please don't be too worried.  Open yourself to enjoy every precious moment.  

學校吾滿意成績都無辦法,  唯有睇下佢跟住既測驗成績,  係時候要對tutor and maid 有要求, 你既肉緊分分鐘扭轉你對佢地既不滿, 唔係換過個,  個maid好似2年包換.

ling媽

我囡都係讀緊活動教學

WChan

各位苦心既媽咪,

其實我覺得除了要解決小朋友的心理問題外同時亦需要解決父母的心理問題.  我經常於星期日早上11時聽新城電台的"爸爸媽坐下來", 節目裡有專業兒童心理學家去解答父母既難題.  你們在此討論的問題以前在他們的節目裡都曾經有家長問過, 他們會好有系統咁教你如何處理, 各位不妨去聽聽, 睇下有無幫助.

Zoey

wwyee,

其實每個小朋友如何去準備考試, 同最適合既時間去準備都會唔同, 所以有時看到別人既分享, 也不要過份擔心, 怕自己有安排不確, 不足夠, 咁就會令自己增添壓力同緊張!  好似我女但凡考試測驗, 一定只會一星期前才去準備 (之前都會預些少時間去 prepare test papers 比佢), 因為好老實講, 我女記性痳痳, 太早去準備都係枉然!  做 papers 唔駛多, 只要針對性向較弱方面去做就足夠, 而且亦可在愉快像在玩遊戲的氣氛下進行效果其實會更好          .

Edma

Dear Rabbit^pink & ling Ma,

Thanks for your asking.  I am really getting mad !Because my husband can't contribute anytime to help my children and my son is going to join the
lucky Draw of P1 in the coming Sept.  So I have to
decide which school is best for him and my son can't get into my daughter's school because it is a girl's school.  

Anyway, there are so many things that I have to consider or may be this is the point that make me
feel very up-sad at the moment.

Thanks again

ink

睇見咁多媽咪發表意見，我開始擔心小女嚟迎九月入小一的情況，真係不敢想像，電視成日話"求學不是求分數"，真係講都無人信啦，幼稚園升小學就睇家庭背景、父母職業，到小學升中學情況更加嚴重，唔睇分數可以睇什麼呀?學校唔睇分數點分班呀? 點搵尖子呀? 學校睇分數，做家長的，自然是要睇分數啦。  唉！唔好意思，講講下唔知講咗D嘜。

hhma

wwyee
真係唔知講咩好...不過甘, 我地都係想佢地好, 希望佢地行條比我地順小小既路o者.  你唔好甘唔開心啦.     
gigi都講我岩架, 你地係full timｅ媽，好ｄ架啦．我都想好似你地甘呀，不過無＄＄＄＄＄．

我都係聽日開始考試呀.  呀仔做d paper 唔係錯呢樣, 就錯個樣.  都唔知佢邊d係"較弱"既地方.  真激死呀.     

GIGI
我好似ｗｗｙｅｅ甘，上下學期都差不多，唔會話多左好多野．你都唔好甘擔心啦，我唸你女女上二年級會好ｄ架啦．

必必
你老公都"前2日才第一次看到阿女本中文書", 我肯定我老公一次都未睇過.  我唸佢睇左, 嚇死佢都似.  不過甘, 我同佢分工合作, 佢做家務, 清潔個d, 我就係家庭教師lor.　我仔串字，我會叫佢羅張ｃａｒｄ，遮住個字既１�４，串出黎．緊住遮住２�４，又串．如此類推，到遮晒時，佢應該識串架啦．你試下呀．

Twins媽咪
我都係好似你甘，老師叫抄默書範圍，我就叫呀仔唔好抄，我幫佢默．甘我仔反而比心機ｄ記住ｄ字．
兩年之後，我地細個個返埋小一，都唔知點算好呀．

各位媽媽，　
我都覺得ｅ＋ｄ小學生，無９０幾分，老師都會話佢未做得好呀．點解ｅ＋ｄ人甘叻既？？？

至於老公，我從來都無唸過要佢幫我睇大仔ｄ功課．我呢個決定我相信係無錯既，因為佢連睇細佬ｄ功課都無心機．所以我都係assign第二ｄ野比佢做好ｄ．安心ｄ．我怕佢教呀仔，呀仔連小小心機都無埋呀     

Blythemia

大家唔好太緊張,其實小一只係銜接幼稚園既一條橋,上到小二,功課會深左,老師既要求亦會高左.如果而家唔練定大人同細路既EQ,明年重大件事.

小朋友既壓力,好多係來自家長.爸媽點樣緊張佢既分數,佢一定知道,而且會反映係佢既學習上面.欲速不達,因加得減,可能大家唔好磞得咁緊,效果反而重會好D.

無錯,唔知而家D人點解咁叻.我女(小二)已考完試,.今日對中文卷,佢身邊已經有兩個同學仔滿分.當然,係咁既情況下,就算有九字頭,都可能只係排中上,做唔到人上人.但係小朋友如果學到野,名次又係咪真係咁重要?追求排名係一個永遠既包袱,唔好將自己同小朋友既快樂建築係呢樣唔可以由自己控制既樣上面.

wwyee

各位媽媽
其實家有小一生,必有我咁嘅問題,大家都係為小朋友好,但而家D小朋友真係好多才能,學業上又好鬼叻呀!

我都會覺得名次真係一個包袱,比上一次多一分,我都會覺得佢係進步,我都但願呀仔,唔好做大意嘅人,可能大多男仔都係咁啦!

我都唔係太過唔開心,衹係覺得以"足不出門"嘅全職媽媽(即係我),好似有D孤軍作戰咁,有壓力唔知點釋放,其實有咁多媽媽傾下講下,真係得著唔小,

咁多位媽媽真係要多保持亙勵互勉  ,感謝你地嘅分享,我估大多家長都好需要呢種鼓勵呀!

大家共加油!!

Noddy-mammy

Some times the pressure is from the teachers. Touch wood! My daugher always get around 90 marks in the past three exams. I think she is doing well as she already can do all the revision by herself during last exam.
The final exam comes. Today she have the English Dict. While I come home from work, I just saw her sittingon the sofa revising the Chinese Dict. will a pale face. I think or she have a bad result in the English Dict. but she told me that she only miss one word.
Then I try do found out why she is so pale. Lastly she told me that she missed 3 Chinese words during revision with the class. What's more is that the teacher told her that she already prepared 36 gifts for the class as she thinks that all of them will get 100 marks in Chinese Dict. It's so threatening! Not only to my daughter and also me. What stupid word she said! It's only two days before the exam. How great is the pressure of these words to the 6-7yrs old kids.
I can just try to calm my daughter that the teacher is only want them to work hard for the Dict..  However, she told me that her teacher said  that all of them can do it!         
I can just pray that she can get 100 marks! -- even with the unseen Dict..  :-x  :-x  :-x

hhma

wwyee
你都講得岩架.  除左呢度可以同你地呻下, 我係公司又可以聽日呻下, 大家分享吓,好好多.  你唔想"足不出門", 暑假搵日出黎wet下啦.      沙田單車岩唔岩呀?

Noddy-mammy
老師甘講真係令人好大壓力呀   

JenniferMa

wwyee, 其他小一媽咪,

我好明白妳地心情呀, 回想呀女小一時一樣緊張萬分, 自己要返工, 老公又幫唔到, 學校競爭大, 九十分已是中下分數, 日日返學的時間好似打仗咁, 成日哦呀女點解唔快啲, 點解唔小心啲, 點解唔...... .  到考試時更是足不出戶溫習, 我記得小一下學期考中文, 溫完書後個心又係好唔安樂, 心想: 小一咋噃, 咁捱法點捱落去呀?  後來同啲高年班啲家長分享, 發覺呢種'小一媽媽焦慮症' 好普遍, 但隨著小朋友長大, 加上自己睇開啲, 真係一年比一年好啲.  小一小朋友的唔小心, 對他們來說就不是唔小心, 其實係能力未够, 所以大人都唔可以太責怪佢.  當你接受他的能力, 就會接受他的成績.  從這個起點鼓勵他再進步, 要令他知道他的分數是你接受的, 他自然會放鬆啲, 冇咁緊張.  有時自以為自己沒給小朋友壓力, 但他們是很senstive 的, 所以首先自己要放鬆啲.  有的小朋友天性較緊張, 就趁暑假幫佢'洗洗腦', 試下改變下佢, 唔好等佢諗埋一邊.

以我來說, 小二比小一好啲, 小三又比小二好啲.  我指好啲不是分數, 分數逐年趺是很正常, 因為難度一年一年高,  我指是呀女的學習興趣及自理能力, 包括自己的EQ, 是在進步中.  你要給小朋友信心, 他可以做得更好, 自己卻要安慰自己, 明天會更好.  

時間控制方面, 我會等呀女放學後, 叫maid 把功課種類告訴我, 我即時制定時限, 要maid 做監工, 但不要在場, 那份用多了時間要記下, 我回家後便一目了然.  當然在培養習慣方面可能要用到獎與罰啦.  到現在已不用maid 幫手, 呀女會自己報告, 還懂得預時間自己定時間表.  呢幾日考試, 她反而比平時更早睡, 以前我一定要她溫到最後一分鐘.

大家努力吧!

Blythemia

Noddy-mammy小朋友個位老師,正正係話俾各位同學聽:求學等如求分數.

mayc

聽大家講"甘"多,我也講少少,我個仔也是小一,最近也是幫他溫書,平日返全日,4:30回到家,休息半小時便半推半就去做功課,有時做到6:30,有時7:00多,沖涼,吃飯便8:00,休息一會兒便溫下默書,9時多便要刷牙洗面講故事,所以平日基本上做完功課對他來說巳經很偉大,最近溫書才發覺他樣樣都好似唔多掂,越溫越差,尤其科數,加減數都會錯,文字題就將兩個數加埋或相減便算,都無睇清楚題目問"mud",2個一數,5個一數講極都唔明,仲蠢到續個數,教到我發晒火,但佢又好鍾意數學,問親佢做邊樣功課先,他一定會話數學,英文識講唔識寫,個個字都話唔記得點串,題目又話唔知問"mud",都唔知點算?我這兩日都在想,讀幼稚園時好似樣樣都幾叻,成日可以讚佢,而家好似樣樣都唔掂,成日話佢,我怕攪到他對自己無晒信心,但似又讚唔出口,無"mud"可讚.
我d舊朋友見親我,都話我瘦晒,我都話多得我個仔升了小一,不過這個暑假都要好好修補下我們的關係了,寄望小二會好些!

Jmum

wwyee,

其實大部份小一媽咪都會好緊張，因為唔係好清楚學校嘅程度同要求係點，到過埋今年適應咗，出年就會輕鬆好多架啦。

小一嘅課程都唔係好深，小朋友通常錯埋 d 唔小心嘢 or 大意咁樣，所以亦令到阿媽份外勞氣。其實睇番份券 d 錯處，就知道小朋友究竟係唔識 or 唔小心，如果好多都係唔小心，咁就唔使咁担心啦！因為佢都會覺得唔抵架嘛，咁下次 or 再下次就會小心 d 架啦。

其實阿仔每次派卷，我先會睇吓佢錯 d 乜，有邊 part 佢唔係好明白 or 唔識，就同佢講返。如果凈係唔小心，就叫佢下次小心 d law！

你梗係唔會"孤軍作戰"啦，呢樹咁多媽咪，大家上嚟傾吓呻吓，好快又充滿力量架啦！

wwyee

hhma ,JenniferMa ,Blythemia,mayc,Jmum

嘩!真係眼有淚光呀!
有咁多媽媽係度亙作鼓勵,真係好感動呀!
呢一代嘅小朋友,真係好要呀媽去勞心勞力呀!

剛過去的小一派位,先作一番苦惱,現在又要........
其實我地都過左最緊張時期,(小一派位)回望返轉頭,真係覺得好好笑,仲會識得安慰返人,叫人唔好咁寄望要到名校,

我估準小一嘅媽媽,睇完我地呢番討論,真係好似有d嚇怕左,又會好似我咁,一早操定,咁到時咪無有怕囉!
咁就真係幣喇!