遲說話的資優生?

Reiki

我想問問大家,你們的孩子有沒有是資優生但是遲說話的?

起碼二歲後才開始說單字。

701003

原文章由 Reiki 於 08-7-1 00:38 發表
我想問問大家,你們的孩子有沒有是資優生但是遲說話的?

起碼二歲後才開始說單字。

我仔係"潛在資優"，佢三歲才開始講外星話，四歲才說簡單句子，高班之後才"正常"不過，佢K2果年我已經帶佢去check是否有言語障礙la

[ 本文章最後由 701003 於 08-7-1 21:28 編輯 ]

Reiki

什麼叫潛在資優? 他現在有幾歲?
他係咪除了遲講野, 無其他問題? 如情緒。
係咪歲幾兩歲已經在其他方面都顯得很聰明?

我看了一本書,有些小孩遲說話但很聰明。

701003

原文章由 Reiki 於 08-7-2 00:07 發表
什麼叫潛在資優? 他現在有幾歲?
他係咪除了遲講野, 無其他問題? 如情緒。
係咪歲幾兩歲已經在其他方面都顯得很聰明?

我看了一本書,有些小孩遲說話但很聰明。 ...

未必所有遲講嘢ge小朋友都很聰明，嬰幼兒時期，發育快慢因人而異，太快亦非好事，有懷疑就要揾專業人士check 下啦！我仔幼兒時期做評估，佢當時一句說話都無講，係嫲嫲同印姐陪佢去，因為醫生要求平時照顧佢ge人陪同，我想去但請唔到假 結果係有潛能，但未發展ge潛在資優！我知道咗都唔係好明，但比起當初以為佢"自閉"已經好好啦！但唔覺佢聰明！除咗唔講嘢、唔睬人、唔肯戒片戒奶咀、唔受教，仲好少cry，同一舊飯咁上下小學開始變書蟲(課外書)，唔交功課，成績唔好，成日食旦！9歲到啦，潛能就有明顯浦面現象，口多多，上堂除咗發夢之外就係畫公仔，唔怕罰企罰留堂，返5日學見3-4次家長，但考到全班第一，全級第7！依家11歲啦，09升中，大個仔對潛在能力ge運用，掌控得比較好啦，文字表達方面暫時佔優，言語表達進步中！無再進一步評估lor，因為佢一見專家即封咀 唔肯合作！一句講晒~~難搞！

ernestchow

My uncle's son was talk in 4 years old, but
he is as a doctor right now. He is 28 years old now. HKCEE 30 marks and go to HKU.

12312

我朋友的朋友女兒, 是自閉"資優生" , 由2y幾 check 到 5y幾先正式由臨床心理學家 評為"自閉+資優" ,但幾多分我就吾清楚< 由細到大都未受過任何訓練< 由政府dr 一路check 都合格. 只是不說話. 現在已經上小學, 而且成績好, 全級頭果幾名. 但情緒在家就"時好時壞" 在學校就好好, 因要做叻學生.(當然現在會說話, 但說話始終吾算太主動)
當然付出最大的是 "阿媽" 的幫助.

TINGMUM

reki,

我相信每個小朋友都有較出色資優的一面，無論是否遲說話．做為父母是最了解自己的孩子，無論是否資優，找出了優點，就培養他發揮出來，平凡兒亦一樣可以有資優的一面．

說說我仔仔，仔仔兩歲幾都不說話,　不懂叫媽媽， 成碌木, 明白我說話指示, 但又不說話回應,我告訴老師很擔心, 老師說會幫我引導他說話. 數星期後, 老師說她在喝熱咖啡, 仔仔叫了一句" watch out! It's hot."　在家裹沒有說過這麼長的句子．

再過了一段時間，老師和園長說他是資優，可以用兩對手同時砌拼圖，我覺得沒有什麼特別．香港孩子資源豐富，幼時發展會較外國孩子優先亦正常．後來又說仔仔懂得閱讀任何字，即場叫仔仔讀在園內的校規．仔仔讀了１０幾條．當時仔仔不到２歲半，從來沒有叫過媽媽，　好似不懂說話似的，　不知為何可以讀出這麼長的校規．回到家裹，我拿出”牛津英語４０００生字”的書叫仔仔讀，我指出的，他全可以讀出，懂得的比５歲的家姐還多．我驚嘆萬分，真不明白，我天天教家姐，他只是自己玩玩具，原來吸收了．學校給了很多資優方面的資料，班中老師亦去ＳＹＤＮＥＹ　ＵＮＩＶＥＲＳＩＴＹ讀教資優孩的課程ＳＵＰＰＯＲＴ仔仔．　

回港讀書，老師叫我同佢ＣＨＥＣＫ下有冇問題，因他不說話，　又沒有回應，又不合群，常常哭．說他考試連基本英文單字認讀都不懂．真不明白為何他不把能力表達出來．其實這是一間不錯的中文幼稚園，老師雖嚴但都有愛心．到了４歲還是比較安靜，沒有單字階段，一開口己是句子．語言表現力奇差，有口吃．之後我發現是自信心問題，他對傳統學校的方式抗拒，用情緒表達．　

轉了英文學校，他明顯生猛了．現在六歲，喜刨英文小說，兒童百科全書，對自己有興趣的ｔｏｐｉｃ會主動要求去圖書館和上網找資料，分析．老師說他對這些ｔｏｐｉｃ認識己達中學生水平．叫我同佢ｃｈｅｃｋ下資優，不要浪費他的天分．　我和毛老公都認為其實他是很平凡的一個小孩，并不是什麼資優，只是因為父母有了解他的喜好需要，給予機會讓他發揮而已．

aryee

原帖由 TINGMUM 於 08-7-18 11:42 發表
reki,

我相信每個小朋友都有較出色資優的一面，無論是否遲說話．做為父母是最了解自己的孩子，無論是否資優，找出了優點，就培養他發揮出來，平凡兒亦一樣可以有資優的一面．

說說我仔仔，仔仔兩歲幾都不說話,　不懂叫媽媽， 成碌木, ...

咁奇怪，一陣又唔識講野，一陣又讀字典﹖
不過最重要都係你搵到適合佢既學校，對佢幫助好大

Chris852

傳聞愛因斯坦六歲才開始說話, 因為右腦太發達, 影響左腦發展...

aryee

原帖由 Chris852 於 10-4-1 23:24 發表
傳聞愛因斯坦六歲才開始說話, 因為右腦太發達, 影響左腦發展...

但六歲先講野既，唔知有幾多個係愛恩斯坦呢﹖

我知道有時遲說話可能係天才既一種特殊表現，但呢d理論害死人，有d父母，就係咁，自為小朋友遲語唔需要理會，結果害左小朋友。我相信，如果愛恩斯坦接受訓練，提前響3y學懂說話，唔會防礙佢成為天材。

方麗娟

原帖由 aryee 於 10-4-7 10:29 發表


但六歲先講野既，唔知有幾多個係愛恩斯坦呢﹖

我知道有時遲說話可能係天才既一種特殊表現，但呢d理論害死人，有d父母，就係咁，自為小朋友遲語唔需要理會，結果害左小朋友。我相信，如果愛恩斯坦接受訓練，提前響3y學懂說話，唔會防礙 ...

[ 本帖最後由 方麗娟 於 10-4-8 05:40 編輯 ]

kmmum

我囡囡一歲10個月,仲未講媽媽. 仍然單字' dad ,食,姐, dog cat' , 唯一安慰係佢識俾反應. 叫佢hands up ,識聽.
有導師話,家中又英又中. 所以,小朋友遲講野.
囡囡有丁丁聰明, 玩遊戲,望一兩次,便懂. 好多東西,但,脾氣不太好. 人又心急.

kmmum

咁你姑姐個仔.幾多歲先識講野 ?

原帖由 amandafong58 於 10-5-17 10:18 發表
我姑姐個仔就係li 喇..好遲先識得講野
之前仲驚佢有咩事係唔識講野既tim..
但佢其實好聰明又仲意睇書..
仲有既係以前驚佢唔識講野..依家叫佢唔好講野都難吖 ...

PriscillaY

我覺得一切順其自然,勿太擔心,我囡囡二十個月,只會說一些單字,同年紀的有些已會講句子了.我身邊有不少人都是好遲說話,但大個左好叻,我堂阿哥個仔成三歲先叫媽媽,但家陣十五歲已取得美國耶魯大學的取錄了,我叔仔又係咁,佢a-level都取得4個a,而且人際關係好好呢!

mybabynbaby

我都希望我個女叻, 不過我唔希望佢唔講野, 岩岩3歲先開始表達自己要咩,  有問題應該帶佢做TRAINING, 我個女都做左幾個月言語治療, 真係有進步!!

[ 本帖最後由 mybabynbaby 於 10-9-14 02:19 編輯 ]

kmmum

我囡囡 25個月, 都係單字. (廿個字左右)
下星期去見醫生.

原帖由 mybabynbaby 於 10-9-13 23:02 發表
我都希望我個女叻, 不過我唔希望佢唔講野, 岩岩3歲先開始表達自己要咩,  有問題應該帶佢做TRAINING, 我個女都做左幾個月言語治療, 真係有進步!!

spyplay

有理由　我個仔都係３嵗先講野　但３嵗前大人講咩他都明的　現１１嵗　ＩＱ１２５

wawa

小朋友一上幼稚園下學期完全會好似另外一個人, 不用擔心, 到時你會煩佢講太多.

kmmum

現在囡囡兩歲＋　４個月，　返了兩個月ＮＵＲＳＥＲＹ
講多左很多字。。仍然係單字。　Ａ　ＴＯ　Ｚ，　１　ＴＯ　１０。

現在返緊全英ＮＵＲＳＥＲＹ，　其他同學，整首英文歌都識唱。。。　囡囡只啪。　Ａ，　Ｂ。然後跳舞，什麼都不唱。。　我仍舊有點擔心。