【細時唔谷, 大時食穀】

SandyWu

原文章由 rat 於 08-6-30 02:18 發表


我覺得佢地係有料，這樣唔係叫谷，因為佢地受到，但如果佢地唔係，這樣谷，我怕唔係食穀，係提早去買鹹鴨蛋，妳到無睇報紙，時不時有學生受不了讀書壓力自殺，上年連續幾單仲係小學生..........谷谷下連個小朋友都無....仲世乜憂佢大 ...

I totally agree, parents should know the ability of their
children

mymelody2003

小朋友的資質真係好緊要, 簡單地從幼稚園開始, 點解冇測驗及考試老師都可以選出比較優秀既學生呢? 就係從一群學生中觀察出來.

一些唔可以"谷"既小朋友真係點谷都冇用,  父母真係無從入手, 所以我認為唔可以常常同其它小朋友比較, 因為每個小朋友都是獨特的

ysnmama

我也認為不試不知. 可能他們是有潛力的. 但若谷過, 發現不受就不要勉強. 及早回頭. 在幼稚園時可以試及聽老師意見. 老師一定瞭解學生的資質.

rat

其實我都係過來人，點解會想佢開心d，因為佢所讀的幼稚園上年仲未降低水平，今年轉非牟利，所以唔可以默書等，上年k2時一個星期要默中英(每次6個生字詞)，仲要計埋數，每逢到默書前，做父母的我，必然同佢溫書，唔識都要溫，由8點溫到11 點都未記得，咁點唯有再同佢溫，佢仲要喊住溫到半夜12點半，到訓著都仲掛住兩行眼淚，不停發惡夢喊醒，看見都心痛，而且他上堂表現得很驚青，老師亦講，只要講明係默書等，佢就驚到震........咁係未重要谷.....，現在k3，跟教統局水平做事了，由每星期三次默書變成一次(唔係像以前老師讀小朋友默，係比張工作紙比佢自己填)，有充足時間比佢慢慢每日記一些，相反佢每次成績都唔錯，我亦令佢明白，佢盡力就ok，唔係一定要100分，當然佢唔讀係另一回事，咁我亦實行講明白只要佢有溫，拎返來的成績係點，我唔點話佢，相反我都會讚佢，如果係有錯，會好小心咁同佢講係未佢唔小心等，仲要唔好惡...現在佢就無抗拒溫書，就算上次revision 時默one 至twelve 佢都係自動自覺每日溫少少，雖然都有喊，因為記唔到咁多，但佢係有盡力，我都一樣照讚賞佢，話佢好叻自己係溫書，有錯的字要記住了。如果像以前隔日就溫書默書，做完幾樣功課又溫書都要幾個鐘，那時搞到佢日日發惡夢好嗎...明知佢唔可以這樣，都要谷嗎？

Kittymummy

我就覺得1~2年級應該係愉快學習, 要step by step. 我見個fd個囡囡, 1年級已經要學enviroment, air pollution 等等的字眼. 但係佢只係1個6 years 小朋友.....唔係個個小朋友都受"谷", push 太hard 反而會反效果. 讀書係1個長跑, 小學1~3年級只係1個起跑階段, 要谷我自己覺得唔係時候 !!

鳳梨

中橙搬入去唔代表一定讀番區內架,
好多只讀區內直資or係區外讀

原文章由 ha8mo 於 08-6-30 11:35 發表
其實TKO近年多左自命中橙者搬入去
儲儲下應能多幾間地區名校

香港大西北個名都臭左好多年
但屯門都有幾間不錯的名校丫

701003

信奉"細時唔谷，大時食穀"呢句"甘"句ge信衆，襯細細個BB就要"谷"恆佢啦 大個咗你再"谷"仔女，盞谷氣

TomDog

rat,
我自己都有少少體會, 想像得到你當時也很難過, 還好是在揀小學之前已經歷到, 希望小孩子沒有留下陰影。

原文章由 rat 於 08-6-30 11:27 發表
其實我都係過來人，點解會想佢開心d，因為佢所讀的幼稚園上年仲未降低水平，今年轉非牟利，所以唔可以默書等，上年k2時一個星期要默中英(每次6個生字詞)，仲要計埋數，每逢到默書前，做父母的我，必然同佢溫書，唔識都要溫，由8點溫到11 點 ...

乳猪媽媽

我唔知乜野叫"谷", 只覺得多讓小朋友體會解決困難後的喜悅是最好的. 我們當年也是這樣走過來.

vickichan

個底打得唔好, 比你入到英中都跟唔上人地, 個細路咪仲慘

LingChiBaBa

想知大家對"谷"嘅定義。
- 課程較深
- 功課較多
- 測考較多
- 是否名校
？？

mamawaga

我有個小學時代o既老友，佢個爸爸從佢好細個就係勁谷佢讀書，學校無要求到ｏ既佢老豆都要佢做：例如任何科目ｏ既教科書（社會呀，健教呀）都要背熟晒，唔係就縢條侍候．

無錯我呢位老友小學時期唔係考第一就係第二，之不過上到中學就無晒影，差啲上唔到中六，之後入咗嶺南再轉入城大先至讀完1st Degree．

學習路要跑長途，千萬唔好從小就谷小朋友谷到佢無晒人生樂趣，谷到佢無晒方向感，唔係後果自負．

rat

原文章由 vickichan 於 08-7-1 00:59 發表
個底打得唔好, 比你入到英中都跟唔上人地, 個細路咪仲慘

其實這個道理任何人都知，咁我地都走過，咁當中係未個個都係最top...當然唔係，我只好開心，我父母知我係乜係，唔世留級，品德唔錯佢地就安心，出來做事雖然唔係大經理，總算有份安穩工，雖然係難走一點，但誰保成績好條一定好走。如果係為出路，就算佢大學出來又點，佢唔做野，睇唔起那些萬元以下的工，唔係經理唔做，日日坐係家，一係就吃渴玩樂，父母繼續養佢.....我地唔係話唔同個小朋友打底，係想按照佢資質，唔係拔苗助長。唔通佢唔得，妳安排佢補習3個鐘，成績都唔好，就補習5個鐘，唔得就連星期六、日都補5個鐘，一定要佢上英中才得。咁每個父母都要希望個小朋友科科a，最好就入埋哈佛大學，劍橋......咁就有大好前途，如果佢唔得係未唔要佢...........

dad1234

(細時唔谷, 大時食穀)
我從來唔信這些(順口流)

CL2008

請問大家是否認為所有都順其自然?
讀到就讀.............................

rat

原文章由 CL2008 於 08-7-1 22:47 發表
請問大家是否認為所有都順其自然?
讀到就讀.............................

都唔係咁講，唔係話唔理佢，或者讀到就讀，像我仔英文咁，係試好多方法幫佢，咁連老師同坊間的人事都搞佢唔點，所以我地順其自然，因為試過報唱遊班等佢都好抗拒，去到門口都唔肯入，而且仲係因為這個英文唱遊班，令佢十分抗拒所有有關英文的活動，妳話同佢報劍穚英文，佢第一搖晒頭打死都話唔去，咁妳會點做，我地兩公婆就唔會勉強迫佢返，咁人地就可能唔理送到門口，你入唔入，係未要打要閙......我地會慢慢照佢程度去幫佢，好似現在佢d同學可能個個都要90至100分，咁相對來說佢有80分，我都ok，係未知道佢係弱。咁係未要迫佢追上同學一樣要100分，明知佢現在係上唔到，咁妳點做，我覺得這些係唔迫得，慢慢比多d有趣英文佢玩下，咁佢無咗那時的壓力(我都好似其他媽咪咁諗，死啦，你英文唔得，第二時點算，未就像我上面那說，不停迫佢讀.....)，現在我地用咗半年時間令佢唔再抗拒英文，佢會自己慢慢溫，就算我同溫時佢係全對，但到默時有一兩個錯，我都唔會話佢，只係同佢傾下，點解默時唔識，之後自己再教佢小心d 等，咁我唔知其他媽咪點諗，係未有80分，就要佢下次90分，下下次就要100分，之後就次次要keep 住100分。係佢現在只要佢成績有中上我就ok，唔強求佢跟人地一樣滿分。

[ 本文章最後由 rat 於 08-7-1 23:52 編輯 ]

TomDog

囡囡最近上一d學科的興趣班, 學習過程很愉快, 興趣、自信心和成績方面也看到有進步, 但每天都要做頗多功課呢。 所以我領悟到, 愉快學習不等於不操練。
我並不反對操練, 但就反對"谷","谷"呢個字含有勉強/逼迫的意思嘛。