今日去完面試

rigang

今日去完面試,我覺得家長面試的題目唔係好難,都是我預備了的問題 如囝囝的學校生活,學校那方面最吸引你報讀,點睇家校合作?

但是囝囝in完出嚟就粒聲唔出,唔知佢in成點.你哋小朋友考完出嚟開唔開心?有冇話俾你哋聽考咗乜?

queensroad

我呀仔就聽呀!!
聽啲家長話同icqm差不多.
如果差不多就可能都係唱吓歌仔,畫吓圖書仔咁.

mother904

我問極呀女都唔肯講考左d乜，淨係話畫左張心意咭送俾老師，中、英、數樣樣都有，最後砌圖完之後就考完。

我又答得一般，始終係第一間面試既學校，搞到我心情都麻麻地。

軍魁星

原文章由 mother904 於 08-6-29 10:16 發表
我問極呀女都唔肯講考左d乜，淨係話畫左張心意咭送俾老師，中、英、數樣樣都有，最後砌圖完之後就考完。

我又答得一般，始終係第一間面試既學校，搞到我心情都麻麻地。 ...

已經in完, 平常心啦, 呢d幻得幻失的心情我都經歷過, 小朋友表現得好唔好有時真係好難講.  話唔定佢自已果part摞滿分呢?

KnN

我地今日都in 完, 仔仔話中英數既問題都有, 仲有玩爭凳仔, 認形狀, 畫畫, 我仔仔就話玩得好開心, 有舉左5次手答問題, 仲幫妹妹摞埋糖糖, 無論結果係點, 我都覺得佢做得好好嫁喇.
in完安落晒

YiChingMaMi

終於都in完喇! 好似即刻放鬆晒, 之後去咗嫲嫲屋企, 仲俾人問:你哋今晚去飲呀? 可想而知我哋著得幾 ....
家長問題同application form 嘅一樣, 但老師的節奏好快, 好多嘢想答都無講到 (唔好意思阻住晒)
阿女就好似好秘密咁, 續少講d, 有musical chair, 寫中文, 講英文, 反而無考佢最強嘅畫晝同跳舞. 佢仲話7題有3題唔識答tim! 唉! 都幾擔心
但in完至今, 佢勁愛呢間學校, 勁想讀, 因為佢覺得校長好好人又攪笑, 好似大哥哥咁 (因考之前校長帶領全部小朋友玩咗個小遊戲) 而佢死穴就係對住温柔嘅老師, 對住呢類老師佢會勁聽話.  
最後值得一讚嘅就係全個流程嘅安排, 做得好好, 充份用盡時間, 唔需要呆等, 呢2日天氣咁差又焗，真係辛苦晒校長, 各老師及工作人員, 我們在此向你們致敬

吉祥三寶

原文章由 YiChingMaMi 於 08-6-29 19:25 發表
終於都in完喇! 好似即刻放鬆晒, 之後去咗嫲嫲屋企, 仲俾人問:你哋今晚去飲呀? 可想而知我哋著得幾 ....
家長問題同application form 嘅一樣, 但老師的節奏好快, 好多嘢想答都無講到 (唔好意思阻住晒):hap ...

睇完波, 德國輸波瞓唔著添!!

完全同意 YiChingMaMi的講法, 我覺得比三年前阿囝in時個流程仲好, 一個鐘唔駛就in完返到屋企(等咗5分鐘的士, 車程大概10分鐘).  真係值得一讚.  記得阿囝3年前in咗3間直資學校, 其中一間呆等咗個幾鐘.  幾乎要3個鐘先走得.  所以都無考慮入讀. 其實in的時候, 優才已經收咗阿囝, 不過諗住比阿囝見識一下.

阿囡話有啲英文字唔識, 不過佢最初玩得好開心同主動.  最後仲擺咗佢最鐘意的公主簿返屋企.

今日淨係見到陳校長同兩位副校長, 唔見李教授同曹校長.

吉祥三寶

Xenc

仔話英文考左動作題：close your eyes / turn around / 仲有一題唔識
中文認字：羊、花…咁上緊
畫圖，一幅自由題；仲有一幅係考補畫：蝴蝶
問問題，呢條驚人la，人地問佢呢間學校叫咩名，佢話………唔記得

edea

原文章由 Xenc 於 08-6-30 09:55 發表
仔話英文考左動作題：close your eyes / turn around / 仲有一題唔識
中文認字：羊、花…咁上緊
畫圖，一幅自由題；仲有一幅係考補畫：蝴蝶
問問題，呢條驚人la，人地問佢呢間學校叫咩名，佢話………唔記得 ...

相信係太緊張答錯o者, 老師都會明白.

我姑奶既仔仔都in左, 佢話老師要佢寫d中文字佢唔識, 有畫畫,有玩musical chair.

軍魁星

大家講晒d題目出來, round 2 既家長一定好開心喇.

edea

原文章由 軍魁星 於 08-6-30 12:53 發表
大家講晒d題目出來, round 2 既家長一定好開心喇.

  

IYYY

你地仔女有無講玩爭凳仔遊戲時輸左要罰唱歌呀?
我阿仔話佢爭輸左, 但佢唔肯唱歌呀, 唔開心咁企埋一邊等其他小朋友繼續玩完個遊戲先走.
我問佢點解唔唱歌比老師聽? 佢話佢唔鐘意比人罰喎 希望唔會扣好多分啦!
其他嘢都係同你地所講既差不多, 過程亦好順利, 阿仔又好合作好乖, in完忍唔住 左佢好多啖

edea

原文章由 IYYY 於 08-6-30 15:01 發表
你地仔女有無講玩爭凳仔遊戲時輸左要罰唱歌呀?
我阿仔話佢爭輸左, 但佢唔肯唱歌呀, 唔開心咁企埋一邊等其他小朋友繼續玩完個遊戲先走.
我問佢點解唔唱歌比老師聽? 佢話佢唔鐘意比人罰喎 希望唔會扣好多分啦!
...

小朋友乖乖面試完真係要錫下, 佢地都係表現最真既一面, 冇相干啦! 壓力留番俾我地大人承受好啦, 佢地盡左力已經ok啦

YiChingMaMi

吉祥三寶: 果然英雄所見略同! 希望你囡囡同我囡囡都順利被取錄, 一齊做對friend friend 同學仔啦! 祝 成功   

原文章由 吉祥三寶 於 08-6-30 07:17 AM 發表


睇完波, 德國輸波瞓唔著添!!

完全同意 YiChingMaMi的講法, 我覺得比三年前阿囝in時個流程仲好, 一個鐘唔駛就in完返到屋企(等咗5分鐘的士, 車程大概10分鐘).  真 ...

吉祥三寶

原文章由 YiChingMaMi 於 08-7-1 00:31 發表
吉祥三寶: 果然英雄所見略同! 希望你囡囡同我囡囡都順利被取錄, 一齊做對friend friend 同學仔啦! 祝 成功   

YiChingMaMi,

大家咁話!!09年gt見!

吉祥三寶

babydoris

IYYY,

我阿仔都有話爭凳仔罰唱歌遊戲時輸左要罰唱歌呀, 我問他唱什麼歌, 怎知他說他問老師可不可以唱 ”豈有此理”廣告歌, 老師話可以, 他就做了個動作 (好似拿著結他)唱了”豈有此理”四個字, 老師同小朋友都笑. 我就不知好嬲定好笑.


另認三個中文字, 他話識二個, “太陽”他識, 另一個字他都識, 但記不起了. 另一個字他不識讀, 我叫他嘗試寫出來, 他寫了個”紅”字, 我說之前上堂教過的, 可能妳忘記了, 他反說話”紅”字不是這樣寫, 他立刻寫給我看, 說“虹”字是這樣寫的, 原來是”彩虹”的虹. ???

原文章由 IYYY 於 08-6-30 15:01 發表
你地仔女有無講玩爭凳仔遊戲時輸左要罰唱歌呀?
我阿仔話佢爭輸左, 但佢唔肯唱歌呀, 唔開心咁企埋一邊等其他小朋友繼續玩完個遊戲先走.
我問佢點解唔唱歌比老師聽? 佢話佢唔鐘意比人罰喎 希望唔會扣好多分啦!
...

IYYY

睇黎lee個"豈有此理"廣告都好成功
我個仔係屋企又係成日唱著lee四個字, 唱到好煩好討厭, 越叫唔好唱佢就越特登唱:;pppp: 我嚇鬼佢話:如果去小學到interview時唱親就無學校會收你讀書   

原文章由 babydoris 於 08-7-3 16:06 發表
IYYY,

我阿仔都有話爭凳仔罰唱歌遊戲時輸左要罰唱歌呀, 我問他唱什麼歌, 怎知他說他問老師可不可以唱 ”豈有此理”廣告歌, 老師話可以, 他就做了個動作 (好似拿著結他)唱了”豈有此理”四個字, 老師同小朋友都笑. ...

[ 本文章最後由 IYYY 於 08-7-4 01:30 編輯 ]

whywhite22

看完你地既interview,真是又緊張又刺激,兩年後就輪到我啦,我依家已經開始緊張,因為我真是好想囡囡入到呢間學校.