#激死我喇~~叫我點好!?#

Vin

我上個星期已經親筆寫咗封信俾我女女學校校長申請一封推薦信~點知我今日問佢啲先生,話最快都要下星期至俾到我喎!! :-x 咁聽日都放榜啦~~如果真係派唔到第一志願~~咁我重寫唔寫自薦信好呢????唔通我等到下個星期先交自薦信去人哋學校咩!!??真係激死人~~~~!!!!! :-x

sisima

早幾日我已寄信去心儀學校,我係無給幼稚園個封推薦信架!因我寄信前問過間小學,話我未有推薦信,佢地覆唔更要,先比小朋友既成績表,自薦信等等,因最更要係先睇左呢d,到有表派時,就連同推薦信交便可,所以先問下間小學可否接受?因我知道有些幼稚園只係寫一封信,所以有表係手,先一併交,唔知你個間得唔得?

Vin

我之前打過電話去嗰間小學問過,嗰個職員啲態度都幾冷漠,只係話俾我聽佢哋學校冇表派嘅,叫我自己寄封信去囉.

sisima

你間幼稚園係唔係只寫一封信架?如果在未有把握取表,而寄左去,便浪費左封信,(而且你間幼稚園都唔太積極)不如今天再問間小學要不要啦!

Vin

我已經決定咗照樣自己寫一封自薦信先,如果聽日派唔到就即時交去嗰間小學,如果咁好彩有得面試嗰時先補番張幼稚園推薦信喇~~
不過而家又煩惱緊另一樣嘢,就係寫自薦信應該係寫英文好啲,但奈何我啲英文又唔掂,都唔知會唔會到時就係因為我封自薦信唔係英文而令個女失咗而面試機會.

sisima

間學校係唔係主力英文交教學架,如係就要叫人幫手寫啦!有個topic都講更架!入去問下啦!
如果唔係英文主力,其實中文信寫得大體都可以架啦!最更要係信中內容夠誠意!

明天,希望你同我,重有其他家長,可以派到心儀學校啦!

Vin

我到而家都仲未瞓~~太緊張喇~~
我都祝你好運先~~