Super 教育乜都 talk!!

+MaMiAKiRA+

Babe十個月o個陣.... 我先開始比佢睇. (幾日/一星期
睇一次), 佢o係一歲兩個月o個陣就開始指住地下o的
膠"ABC Mat", 指住佢識o個幾個... 例如 b, 佢就猛咁
發出"ba ba"聲, f 就猛咁 "fu fu"...........

咁樣都唔算開心, (佢已經16個月大)"琴"晚佢拎起地
下個 "d" 字, 自己坐o係度 "da da" 聲, 再將個 d 字
上下倒轉變成"p" .... 再猛咁 "pa pa"!! 跟住又倒轉變
"b" , 讀完又再倒轉讀 "q"..................  
我同我蝦子餅見到都笑到停唔到, 估唔到原來o的BB
人仔細細, 都知道倒轉係第二個字!!

雖然o感樣都唔算o的咩, 但令我覺得好欣慰. 所以想
同大家分享我o既喜悅!! 原來我o地o既心機真係唔會
白費.  

danniewo

話，你開心得幾誇播，你套phonics kids, 同唔同我用緊個套呀，係GC播。如果唔同，介紹下比我啊，好野唔怕買多樣，如過同講下你點用 ？教下路呀，唔該唔該。

Sindy

我都有比阿仔學phonics,阿仔都可以見到某些字發到音，不過我唔係主力比呢ｄ野佢，所以佢未識得晒，其實邊套教材都唔緊要的，最主要係有無教佢

Daphne^^

我好認同Sindy說法,教材並不重要,最主要都是家長的參與,小朋友最會模仿的, 只要家長用心,小朋友一定會學會, 如果只想依賴教材,只會事倍功半.

twokidsmum

+MaMiAKiRA+,

你BB好叻呀, 如果我個仔都有咁叻就好囉!

hinhinmummy

我都覺得係, 無論你買左mug野教材, 買左返屋企, 放係度不教佢, 都係浪費.

我自己整左d 字card同阿女玩, 早幾日阿女同我講老師教佢picture呢個生字, 全班得兩個小朋友識, 一個係佢, 我問佢, 你點解會識的? 佢話係我以前同佢玩過d字card裡邊的生子.  我自己都不記得.

一張card字, 搵d心機整d公仔&字落去, 都不係好多錢, 但係佢地的印象好深刻, 好過死背書.

hinhinmummy

+MaMiAKiRA+,

你個仔好叻呀! 我個仔都有看phonics kids(不知係不係同一套), 但係就只係識得g g, b b, f f 最叻就係candy.

佢已經兩歲半啦, 都不識講野, 不過我約左下兩個星期帶佢去看專科, 不知駛不駛見言語治療師呢?

wwc

我個囡都十分喜歡phonics kids.十四個月時,開始每天給她看兩三個字,現在十八個半月,她己經可以認到及講到所有大小階的字母,並當中的圖大部份都認得到,佢會自己拿起書自己看及讀.好開心...現在每天一起身就話要睇a.b.c
現在同佢出街,她對d字母好敏感.一見到就會a.a.a...

danniewo

+MaMiAKiRA+，同各位媽媽：

你地講僅係邊套？不過邊套都唔緊要，係平時點教會學到多的，唔好咁孤寒啦(講下笑)，我怕我老婆唔識得教，唔該唔該。

津津媽媽

hihi all mummy,

i have interest.........where i can buy ?

thx

wwc

真的邊套都唔緊要,因為只是一個工具,最緊要是有時間同佢玩.
因我個囡細,只是由認abc開始,因這套書有vcd,所以每次開電腦時都會抱著她一同看,其實佢是享受我抱著她一同看就真.
起初唔識一次過比佢看了很多個字母,所以她悶到走.後來'每天'比佢看兩個字母,在她悶之前就拜拜.下次佢就會叫你睇...
因為我自己另外做了圖咭,所以有不同的方法去玩英文字.並出街有機會見到字母就叫佢睇,又多d同佢chat..特登溜走d字,等佢自己講.都幾好玩...還有用沙紙做字咭給她trace........所以其實這真不是因為教材好與不是.是時間同父母的創意,我發現我創突然多了很多.

hinhinmummy

wwc

原來大家都一樣的, 我都有做字card的, 不過我個女就大d, 但係我想問點樣用沙紙比佢trace呀? 可不可教我呀?

+MaMiAKiRA+

Hello 各位媽咪,

好多媽咪都講得好o岩o架, 邊套教材都好, 最緊要你陪佢
一齊睇. (我自己都係用緊GC) 我每次同Babe睇o個陣....
我都會自己大聲跟住VCD一齊讀, 仲左搖右擺(懶enjoy)
o感~~   慢慢.... Babe就睇親都有o的節奏o感左右擺
動! 再過一段時間, 佢認得o個o的字母, 佢就會學我o感讀
出o黎~~

都係o個句, 唔好比佢睇太耐!! 睇太耐佢覺得悶就好難入
腦~~ 我依家都開始自己整o的字卡. (中文, 英文都有)
例如 clock. 我會比佢睇o左個字, 讀o左比佢聽.... 再
即時比實物比佢睇同摸. 有實物比佢摸過真係爭好遠o架!

無實物比佢睇過o既o野要教幾日先記得. 有次我突登買
幾枝花番屋企插比Babe睇!! 同Babe 講, 哩枝係花朵.
再用英文重覆. 跟住就比佢摸o下咩係花!! 我講o左兩次
佢就完全記得. 所以好多o野都比佢親身體會o下係
最好o架~~    

我出親街都好似傻婆o感, 指住架車話比佢知係汽車, 英文
係car. 見咩指咩!! (如果我識o既話, 我識o既英文有限)
可能慣o左, Babe次次見到o的車都會指住, 等待我話佢
知係咩~~ 有陣時就掉轉, 問番佢 "which is car / van /
taxi?? " 佢就會指番比我睇!!   
依家耐o左, 佢就會指住o的車, 猛咁發出"ca ca" 聲, 我
都覺得好欣慰!!  

不如大家都分享o下你o地o既心得o丫~~  


hinhinmummy,

我個Babe又係未識講o野, 又未識叫我o地!! 初初都好擔
心, 但有好多人話男仔好多都會遲o的先講o野! 兩三歲都
唔算遲喎!! 你都唔好咁擔心啦~~  

Sindy

+MaMiAKiRA+

唔只淨係得你呢個

wwc

哈哈!世上只有媽媽好,每個媽媽都甘願做傻婆,因為我都是這樣的.見到什麼都講.有時行街見到有趣的東西會停下來講給她看,其他人都唔知我做什麼..

hinhinmummy
其實用沙紙做字咭都要用d時間.我先印了d字出來,之後界通d字.然後再貼上沙上,如果唔用沙紙可以用絨紙做低,其實是給她有觸覺的訓練.

+MaMiAKiRA+

Ha Ha!! 我都知好多媽咪都用心良苦o架啦~~
出親街都"吟吟"沉沉o感教BB!! 不過有陣時同BB兩個
出街, 得自己一個o係度講o野..... 自覺好似傻婆o感!!

wwc,

你用好多心機同創意整字card!! 好佩服你!!

我依家都計劃緊整本關於屋企o既物件o既 Picture Dictionary!! 等佢對每件物件都了解多的, 而從中又
可以學多o的生字~~
不過又要影相, 又忙過不了~~~

MuelMuel

究竟Phonics Kids 係VCD 定書,還是兩者皆是?邊度有得賣?

+MaMiAKiRA+

MuelMuel,

係兩樣都有, 你可以去以下網址睇o下!!
http://www.gcgroup.com.hk/

其實 longman 都有phonics for kids --------------> http://www.ilongman.com/eng/search/product_detail2.asp?Temp_code=200165181614&Item=271&Field_1=ALL&Field_2=ALL&Keyword=Phonics%20for%20kids&intPage=1#6

你可以再比較一o下邊類型o岩你o既仔女, 其實我諗可能
仲會有好多同類型o既產品賣, 所以睇清楚先買會比較好!

bb517

+MaMiAKiRA+,
咁你係買邊套?係邊度可以買呀?我都想買呀!
Thank!

ZoeTse

bb517 :
GC GROUP有呀!!!
網址 : www.gcgroup.com.hk
內容幾好,價錢ok,有兩套phonics可選擇,而且"鄭太"(職員)好nice,售後服務好好,我也買了給囡囡.