急!急!急!!!九龍塘迦南/劍鳴/培恩都收左我個仔讀兩歲班(n1),我唔知點選好,你地可

花仔媽咪

急!急!急!!!
因九龍塘迦南/劍鳴/培恩都收左我個仔讀兩歲班(n1)(全部都係上午班,
而且3間都要下星期比錢註冊,我唔知點選好,有無人讀過?
你地可唔可以比d意見我?????
謝謝!!

yinbb

花仔媽咪　：

我個仔８月會入”培恩”讀N1, 其實响３月時佢地寄信比我話收我個仔，另於５月某日回校註冊及聽講座，當日我同個仔是最早到，但等到最後都只有３個家長到校（其實我見到佢地個LIST有１０個名左右），我當時都有Ｄ驚, 驚人小得滯開唔到班, 但我冇其他選擇所以都交左留位費($2200=頭一個月學費), 過左一個月左右我忍唔住打電話問佢地開唔開到班, 佢地話一定開到班, 但我見你下個星期都仲可以註冊, 所以驚驚地.   
當然, 我都想你棟"培恩"(唔係為夠人開班 ) 我覺得佢地校舍幾乾淨又大, 老師同校工都好nice(因阿仔個日响學校扭計, 校工都有氹佢仲抺乾淨車仔比佢玩), N1都有外藉老師教英文同普通話學(不過一星期得一堂), 同時個日佢地都有比升小一資料我睇, 好多學生都入到幾出名的小學, 最重要佢地學費較平冇其他雜費要交($2200包晒), 佢地唯一輸蝕既地方就係唔出名, 因好少人知有呢間幼稚園同冇宣傳(在幼稚園網站都找不到, 當初我都要上教育處個網先知有呢間學校), 如果你有時間, 再到呢幾間學校視察一下D學生是否返學返得開心, 再作決定, 或者睇吓有冇其他bk媽咪比意啦!   

ianmami

花仔媽咪, 好勁呀全部收包包上午班... 好野...

kaeli

我囡囡都係今年入讀n1，在九龍塘我考左3間nursery有迦南、劍鳴及基督教中心，3間都係收左阿女上午班，而培恩就無考因太少英文堂所以無考慮，但最後我想清楚3間都無註冊，選擇左間幾好又有得直上小學的nursery，但不是在九龍塘區，因我諗住比佢考的幼稚園全都是可以直上中小學的，這些學校全部都好難考的，到時佢真係考唔到或考唔到上午班，我重有間幾好口既執底嘛。

如一定要在迦南、km同培恩內選擇，我會揀1)km2)培恩3)迦南，因我覺得迦南程度深得黎對小朋友有d強迫性，及除了學費外日後會不段有另外的收費，真係連底衫褲都要幫襯佢，我去in 時見d老師上堂好似好公式化咁，有d重無物笑容。而培恩都講左啦，主要係英文堂太少，重唔知道有無國語堂添，不過肯定d老師會幾好，通常d教會學校老師都好好對眼唔會生係額頭到，如你只係想小朋友讀得開心不計較程度，培恩係個好選擇，其實基督教中心同培恩都好相似，不過論校舍應該培恩較優勝。而km程度都深同教學方法活d無咁死板，不過學費會貴d，其實3間都無物特別話會考到d物野小學，只不過km有個出名的校監及校長，d人咪人芸亦芸係咁講話會入到d名校，但咁來以來都唔見有家長真實告訴佢地考到邊間小學的資料。入去讀都真係博一博炸。

ireneaoc

yinbb,

我今個月尾會由沙田搬出九龍，囡囡都會報培恩N1，到時同你個仔仔就係同學喇！遲D見！

yinbb

ireneaoc :

咁你囡囡幾時返學呀?我仔仔在8月開始返學, 頭個3日適應期我會陪仔仔返學, 如果你都一樣, 到時我地就可以相認啦!      

yinbb

ireneaoc

yinbb,

囡囡要9月1號先夠兩歲，到時搵你啦！你喺邊頭住架？或者我地做咗朋友先做同學都得喎！Please pm.

ireneaoc

Rickymom

我的仔仔在培恩已讀了(N1)4個多月，我覺得這間學校的老師非常好，很有愛心。他們每個星期上一次英文堂，一次普通話堂，我仔仔現在已能認讀到不少中文字、講到不少英文及普通話短句。另外，我仔仔的班中亦有一位金頭髮的『鬼妹』同學和一位只會講普通話的同學仔，好像讀國際班一樣。
雖然仔仔只讀了4個多月，但已參予出外學習活動2次，他們的學習活動十分多樣化。如無意外，我會讓仔仔繼續在培恩就讀直至小一。