Pui Ching 2004 - K1 Chat Room

彥彥媽咪

AbbyTang:

No...培正小學係私校，要俾錢．．（以今年為例係$20000一年），響私校界別都算係平，可能德雅貴ｄ所以你個friend會咁講∼∼∼

另佢地都有獎學金之類個ｄ比ｄ優異生．．攞得到咪唔駛錢囉∼∼   

定係你朋友係公務員？因為舊制ｄ公務員係有子女教育津貼，高低級都有，所以我見好多公務員都好鍾意俾仔女讀私立小學架．．而培正學費唔貴，所以可以claim足．．係咪咁？   

heilai

Hi Jafer MaMa:
我大仔K1也是重讀了一年培正,因他是 9月 1995年出世 (現在是P.2) 其實要視符小朋友的發展 (因仔仔比較內向及慢熱)我和老公覺得他重讀也不是大問題。最重要學校好   
培正的老師很好及有經驗 (幼稚和小學也是) 我和老公都滿意。 (仔仔升P.1 時很多人說我們蠢, 不抽獎, 因家住KLN TONG 是41校網, 但讀培正原因是希望他 (她)能在同一校裏愉快成長及學習 共16年, 這是和老公的期望。)
而很多人也憂盧他是中文中學 (已我所知會考英文是考SYLLABUS B) 所以我不擔心 (我老公話中文更難學) 對仔仔來說也是的, 因他考試 英、數及其它科可以取 90分以上, 中文    得 70幾分！
    細女今年9月也讀培正. 希望能夠做同學仔啦！   

JaferMaMa

Hi Heilai,

Thanks for sharing your experience.  By the way, your daughter will be in am or pm class.  

JaferMaMa

Hi 彥彥媽咪,

You really know about my feeling and the thing I concerned.  Thanks very much for your help in solving on my problem.  I'm looking forward to your reply soon.

彥彥媽咪

Jafermama:

Here comes my response:

我想先講一點，以下嘅都係我大仔響培正一年嘅體會，可能未必可以代表到每一個家長的意見，但我諗都可以俾到一ｄ意見ｄ準培正家長，而且有當中有ｄ資料係我從一ｄ高年班家長所知再講綜合比你地聽嘅∼∼∼希望可以幫到你：

Are you satisfied with the learning process of your son and the teaching method of Pui Ching?
So far 我都好滿意仔仔ｄ進度，雖然佢地教嘅嘢唔可以同出面另一ｄ較深嘅幼稚園比，仔仔響K1都係以畫線為主，功課亦唔多，一日只有一板，但我好OK，因為我發覺佢起碼鍾意返學，同成日返嚟唱歌仔俾我聽

但我見過K2ｄ功課，到K2似乎係突然走快好多，有一日我見仔仔ｄ同車車友(K2)show ｄ習作俾我地睇，我見到佢地已經要寫”小朋友”，”?有火”(我唔記得個個字喇．．）之類ｄphrase，我地ｄ家長都覺得幾難，因為唔係寫單字喎，係一個phrase, 佢地點associate呢？當中有ｄ家長佢地係有大仔�大女讀緊小學都話依家佢地K2ｄ功課係比以前嘅K2深咗，由此可見，培正ｄsyllabus都唔係好似外人所睇比出面淺好多，一樣係有要求架．．依家就因為阿仔冇乜功課，又唔係成日有親子習作（簡中先一個兩個咁），所以就好得閒吓．．Jafermama，以你講仔仔係聰明的話，可能佢第一年會悶悶地都唔定．．不過我又咁睇．．等佢get more prepared先上深ｄ都冇問題丫．．．


Do you feel that the learning process for PC's kindergarten is comparative easier than other famous kindergarten?
其實要回應你嘅問題，我諗唔應該只從你concern the school's learning method開始，而係應該從係嘅objective著手，我記得唔知響邊度我睇過一個家長話：仔仔repeat K1 in PC，除咗係冇咗一年之外，我睇唔到有乜問題．．

我好認同呢位家長嘅講法，老實講，全世界ｄ幼稚園嘅方法都係大同小異，唔好理佢係project approach定係瑞吉歐，都係想arouse kids' interest in learning o者, 除非間學校係學店，否則我絕對相信間間學校都會好care about the kids∼∼即使係屋村學校亦如是∼∼

反而你最後俾仔仔讀邊間最重要係睇你送佢入嚟嘅目的，以我為例，我就係因為知仔仔唔係唔叻（個個阿媽都覺得自己個個最叻架喇 ），但亦唔係叻到光芒四射個種，中上啦（記性好，學嘢快，但專注力唔夠，易分心），咁呢ｄ人擺佢響太高程度嘅學校佢都會幾辛苦，仲會打殘佢嘅自信，而我自己又冇抽獎命，亦唔想因為揾學校嘅過程中俾壓力仔仔，所以就算係辛苦ｄ，我都寧願俾佢讀可以直升嘅私校，而呢個世界真係冇free lunch，因為學校係”自成一角”，自然會有their own set of syllabus which may mean NOT the same as other 一般幼稚園，亦即響人地眼中係淺ｄ呢樣．．咁我就諗：都冇問題丫．．只係學先學後嘅問題之嘛∼∼始終都學到咪得囉．．

我認為讀書就好比跑馬拉松，一日未跑完你都未知我係咪輸硬，我一日仲有條命係度，只要我肯跑，我都會跑得到，好過之前好勁，一跑到中間就冇氣，仲見人跑得快過佢就費事跑個ｄ，一開始有爆炸力個ｄ唔等於可以由頭帶到尾噃．．我唔主要concern小朋友最後跑到幾多，反而concern佢點做，佢嘅自發性同主動性係佢第日求生嘅最必要工具 - this is ATTITUDE, ATTITUDE is hard to change, and needs time to develop, yet KNOWLEDGE/SKILLS could definitely be trained up easily in future through frequent practice，而學校係亦能做到呢點(attitude training)，我唔想仔仔成日生存係”勝王敗寇”嘅環境，去ｄ深嘅學校就會係好注重成績，但依家我地眼見出面有幾多人嘅成功係真係因為佢考10A?? 仲有好多其他因素影響架嘛∼∼

睇見你仲係有hesitation，我都鄧你肉緊，我唔係想sell PC比你，而係從係字裡行間睇到你都幾留意人地點睇你同你仔仔（請勿見怪我咁直接，但係我打得咁多嘢比你，就知我係好sincere咁俾feedback你），所以希望阿仔可以更叻．．老實講，若你真係咁諗，我可以話你聽，我真係唔覺培正出咗好多猛人，就算你話謝志偉，王晶，陳敬創(DJ) 呢ｄ我都覺得好普通．．．就算係崔崎都係響PC讀咗幾年之嘛．．唔可以話一定全係學校勁之故噃∼∼佢自己嘅天份同毅力都好重要嘛！唔係話佢地唔叻，我係想講培正嘅叻一向唔在於只係成績，佢地ｄcert result, 從佢地早排派嘅校刊講，2003年HKCEE results, 最叻個個都係 7A 2B only...當然同Queen's College, DBS, DGS等仲有距離，但你覺得夠未丫？？在我我就已經好滿意喇．．．我睇中嘅正正就係佢地樣樣都平均（正如有家長講，佢地英文唔弱，而中文就更好，我一向都唔只在意小朋友英文，均衡嘅語言發展先係最重要，同埋肯去講個份信心仲緊要！），而佢地又有好多課外活動比ｄ小朋友（不過要到小學先會多ｄ），可以train到小朋友多ｄ見識，有助加強佢地嘅自信，對我嚟講，咁已經足夠∼∼∼而且我信小朋友將來係龍係虫，家長嘅角色先係最重要．．．老師只係催化劑∼∼

有個鄰居（佢初小係讀PC架，之後考咗去九華）早排同我提過有個舊slogan："真光豬, 嶺南牛, 培正馬騮頭"∼∼你知唔知點解？佢話馬騮頭-->馬騮仔係點架？．．醒目嘛！．．but naughty    ~~ so far有樣嘢我好開心係見到PCｄ家長個個都好理性，好斯文，亦好緊張自己子女，起碼唔似有ｄ屋村學校（我以前仔仔就係有讀nursery，呢間就真係好街坊，話就話返學返9am，但我眼見由9am-10:xxam都有人嚟返學(2:xxpm返學都有呀~) ，仲試過見有家長9:xxam仲同小朋友”歎”緊早餐．．唉．．．連做家長個個都唔care, who will care for you?? 咁我個仔又點會學識有紀律？？雖知間屋若鄰居唔好唔守規矩，我住響隔離都唔荒舒服得去邊喇．． ）依家起碼我見PC個個家長都好好，好關心子女，咁自然校風都好ｄ喇．．        

因此，我覺得你最好問吓你自己將來想仔仔係點．．？？係一個好有競爭力嘅人丫，定係唔駛最叻，但求有德行先？兩者都冇問題，若ｄ小朋友有好強鬥心的話，入拔萃呢類可能仲會激起佢嘅小宇宙添，之但係我就會選後者，以培正而言，我真係冇聽過一ｄ關於佢地學生嘅負面新聞∼∼

之不過若你真係睇到你仔仔有過人之處，而可以承受較大挑戰的話，咁又何必在意人地話”培正好難考架，考到直升不知幾好呀∼∼∼”之類嘅說話呢？家陣最了解你仔仔的莫過於係你，若仔仔真係得，我信佢將來都唔憂冇好學校收喇．．係冇？若你只係見佢係一條龍而揀，我諗你唔會開心，因為你只係因為佢嘅system而揀佢，而唔係因為你認同佢地教學方針，若是如此，何需被system去約束你自己？


Do you know the teachers' qualification and are they nice?
呢樣我真係冇太留意(qualifications)，不過有一點，就係有ｄ老師冇錯係平均年紀較大（我係以我仔仔以前間幼兒園嚟比較，個度ｄ老師真係成個靚妹咁架），我冇年齡岐視，教得到學生就係好老師，但無可否認，經驗真係要累積番嚟嘅．．．以我所見，因為仔仔係好反斗（唔好聽即係曳，我呢個做阿媽都唔幫佢，有時真係太過份），佢班主任都能包容佢，之前我真係好驚學校會好formal, so will 嫌佢煩，咁有一日我就親自去學校同佢班主任傾，了解情況，我好記得班主任同我講咗一句：”你放心喇．．我地係唔會放棄呢度每一個學生嘅！”我聽到之後真係好感動，亦好感謝佢地可以咁包容到我個仔，事實亦因為咁，呢兩個星期佢嘅行為真係改咗好多∼∼比以前乖咗喇．．換著以前我仔間幼兒園個ｄ，佢地嘅attention一早就去咗其他乖巧嘅學生度lu~~


Did the teachers willing to talk to you about your son?
老師絕對願意同家長講小朋友ｄ嘢，我聽我仔一個同學仔媽咪講，佢個仔就正好同我個仔相反，上堂成日粒聲唔出，呢樣又係死，而就呢樣嘢班主任都好主動成日打電話同呢位媽咪update佢仔仔ｄ近況∼∼

之但係培正始終係百年老校，在同家長溝通上難免較官僚（尤其係ｄ職員，唔係教師，講嘢一ｄ都唔helpful（e.g. 校車部) ，有時仲有ｄ負氣架，不過我都唔係成日接觸佢地，而且唔係佢地教小朋友，所以我可以容忍）∼∼呢樣係真，所以你唔好expect老師會日日打電話update你仔仔近況，佢地多數係唔好嘢先會打嚟架（除非你自己打去問），所以我一年都係收得個三，四個電話(收親都唔荒好∼∼   ），同響派學習報告時先可以同老師有接觸，所以我依家學識要多ｄ主動，我地做阿媽嘅唔緊真係冇人會幫我地緊架．．．

Now Jafermama, 講住咁多先∼∼∼sorry我係好長氣架∼∼..我打咗兩粒鐘架喇．．嘻嘻．．．希望真係可以solve到你嘅疑慮喇∼      

歡迎有嘢再問，大家研究研究∼∼∼   

彥彥媽咪

再答CCW:

所以我想出年囡囡兩歲幾時比佢報讀幼兒班,
習慣下群體生活先, 唔知道培正有無特別鐘意收邊D 學
校轉黎o既小朋友呢?
都冇一定，因為總結我地嘅”分析”，有ｄ家長個ｂｂ冇讀過幼兒班都收架喎，咁不過當然讀咗個人開氣ｄ印象份都會高ｄ喇．．因此我都會俾細仔讀nursery 嘅∼∼

仲有呢, 我八卦下想知道當年你除左幫仔仔報培正外, 仲
有選左邊d學校面試呢?
當年我報咗四間：培正，民生，禮賢，宣道，全部都係有直屬或連繫小學嘅∼∼當中禮賢同培正收，其他兩間唔得，只不過依家look番轉頭，我都係最鍾意培正同禮賢，個陣我同自己講，若培正唔得就去讀禮賢架喇．．


    

kelvin_ay

彥彥媽咪

Thank!
因為我囡囡都係9月讀k1-am,
您所講的,也是我所祈望的.

(家在牛池灣)

Candice1128

彥彥媽咪,

You are so nice to share your valuable experience to us (the new parents in PC). I hope my son can enjoy his school life in PC. Personally, I feel that PC is a very good quality school.

heilai

JAFERMAMA
女女今年 9月讀A.M.班

ALL 培正MAMA:

  彥彥媽所說的很有同感, 當年老公也說過, 就算仔仔有幸抽到喇沙, 他的性格和特質也末必能HANDLE, 所以真的要看小朋友的特性來決策。
  但培正的老師實在很好,有些小朋友真的很曳, 但老師不但沒有標櫼了他們, 還耐心地用她們的方法指導他們。我真的很佩服她們的耐性和愛心呢！(有時她們連午膳時間也犧牲了。)

JaferMaMa

Hi 彥彥媽咪,

Thanks very very very very much indeed for sharing your experience and the time spent on answering my questions, that's really useful for solving my hesitation (whether to choose PC).   Can you also advise me on how many times for the learning process assessment report would be issued each year?

彥彥媽咪

Jafermama:

I am happy to hear that my experience is useful to you in solving your problem...No matter you finally choose PC or not, I am sure you already did a lot to get the best for your lovely boy - he will appreciate that!!!!     

2 reports will be issued each year, 1st and 2nd semester la....

彥彥媽咪

Oh....also Ngau Chi Wan ?? Where?? I used to live in Rhythm Garden before ga...very close to NCW...

I wish your girl would enjoy her life in PC..

SUSANNA

彥彥媽咪
我想問下培正幼稚園的學生相背景是紅色還是藍色.

彥彥媽咪

Susanna:

Either one colour is OK ga...(I had both   )

kelvin_ay

thank!
怡富花園,
"威豪花園旁"

SUSANNA

thank you 彥彥媽咪

二當家

彥彥媽咪,

首先要多謝你上星期同我詳細分析大當(2001年12月出世)應讀N1或K1???我同老公傾左好耐,最後都讚成先讀N1,讓他學自理及開開氣,出年再為他選擇合適的K1....所以入左來睇PC-Chat Room.....原來又係你…….睇完之後對PC...心郁郁…….

N1
上星期一口氣睇左4間幼兒園(包括:張祝珊,黃繩曾(WTS中心),安強(鳳得)及聖母潔心(WTS社區中心).....暫時未有答案….要等星期六同大當見埋安強(鳳得)再決定!!!!!

K1
睇完你對PC的意見…….特別係~~~~slogan："真光豬……嶺南牛……培正馬騮頭…~~~~馬騮…..大當正正係一隻馬騮…..一隻唔太聰明而且坐唔定的馬騮!!!另有一些問題….
1)Interview係6個小朋友一齊in,無大人在場,如果小朋友無番過N1或未試過獨處,唔喊就有鬼!!!
2)另你對各牌幼稚園睇法如何????如:St. Katherine(大當的表姊及表哥讀緊)

agneschan

Susanna,

你好!我個女曉嵐(Agnes)都是今年九月入讀培正K1上午班!我們家住將軍澳,依家最擔心是校車問題, 據知,如果由將軍澳出發,便要在七點半上車,即是要六半起身, 你有冇擔心過BB會很辛苦?





SUSANNA 寫道:
hello

我住將軍澳, 囡囡九月讀培正上午班, 大家交個朋友吧[/quote]

agneschan

HI Jeremama,

從Chat room 留言版知道你的兒子正在培正上學, 請問他每朝早幾點搭校車(如果他是搭校車), 因為我女兒曉嵐將於今年九月入讀培正K1a.m.我擔心她太早上學會感到辛苦, 現在他在樓下上學, 我怕她不習慣搭校車.

彥彥媽咪

二當家：

嘩∼∼！！ 你真係犀利，咁都俾你係呢度發現到我添∼∼    又俾你見到我長氣嘅一面喇．．．

我嘅意見幫到你我都好開心呀∼∼事實上小朋友嘅教育係一條漫長嘅路，之前若唔能夠同佢揾到一條對佢合適嘅路將來要”收拾殘局”就好麻煩，亦唔一定有效．．．

N1
正如我響電話同你講，唔一定每個小朋友都要讀N1，但N1嘅好處係可以令小朋友較早熟習與人相處同學識自理，若你大當係較黐身又文靜的話，俾佢返吓都冇壞∼∼

你提到個幾間除咗張祝珊我有去interview之外，其他幾間我都唔熟，所以俾唔到好多意見你，我只能夠講係最好地方要夠寬敞，有多ｄ嘅open areas，又近屋企唔駛太舟車勞頓就OK ga la∼∼

K1
哈哈∼∼∼我家大彥都係一隻大馬騮，仲係一隻幾蠱惑嘅馬騮仔添∼∼ 所以真係要ｄ好有經驗嘅老師先搞得佢掂．．而PC  D 老師呢方面又真係好好...所以我都好建議你第日同大當試吓~~

回應你嘅問題:
(1) 係呀....PC interview係 group interview, 每次係5-6個小朋友一齊入房, 大人冇得入去架, 若小朋友唔夠"獨立"係會蝕底d 嘅~~所以依家你先俾大當佢去習慣吓"自立"都有d用架..

(2)  名牌幼稚園: 在我眼中, 名牌幼稚園只係一間有助幫我仔仔入名牌小學的捷徑, 因為按照以前的派位制度, 有d小學校長係會較prefer某d出名幼稚園嘅學生, 但依家校長呢10分冇咗, 我就覺得讀佢同唔讀佢冇乜大分別, 反正都係抽籤嘅話, 咁就算我個仔讀d屋村幼稚園都一樣有機會派到好學校~

我咁講當然唔係要抺煞佢地嘅教學優點, 只不過因為佢地為咗要令到佢地d 畢業生將來可以響同輩中有較高嘅競爭優勢, 少不免會催谷學生學得快d多d...咁呢樣就要睇個小朋友同家長接唔接受到喇...事實上有d學生的而且確可以響咁嘅情況下成績非凡, 但正如我講過:"勝王敗寇"嘅環境唔係個個人都頂得順, 所以真係好睇家長對小朋友嘅了解同期望再作決定~~~

不過當你要揀呢d學校時亦要問自己可以負擔幾多...我所指"負擔"係 both 財政上同時間上: 因為 (1)讀呢d幼稚園一向較出面貴 (e.g. Kentville $2xxx, St Cat : $3xxx) 對於一般家庭而言真係幾貴(唔好忘記你有兩個添噃...冇理由一個俾佢讀 St Cat ; 另一個讀屋村幼稚園啩~~) (2) 佢地d syllabus一般都比普通幼稚園深, 小朋友又咁細, 一定唔好旨意佢地太好耐性日日同你坐響度讀書寫字(咁當然有例外嘅, 有d小朋友真係好生性, 細細個就好有自發性, 不過呢d同我地想揾個好伙記一樣, 真係好偶然先有囉...) , 咁做父母嘅就要身教, 慢慢去感染佢 ---> 即係"陪太子讀書"喇, 而佢遇到有嘢唔識你就要去教佢...咁你就要問吓你自己有冇咁多時間先...老實講....讀書嘅嘢..真係一分耕耘一分收獲, 冇得靠彩數~~若我地做唔到, 小朋友又跟唔上咁佢就好有挫敗感架喇..(其實 the same case will apply to famous primary school too)

So, my conclusion is : if you wish your boy to go to famous primary school, and you are willing to pay both $$$ and time, then it will be good to study in these kindergartens~~     

至於有d人話去呢d 幼稚園會英文好d....唔...呢樣我就兩睇...無可否認, 一個Full of English 嘅 learning atmosphere係可以有助提升小朋友嘅英語能力, ,咁..呢樣就要睇家長揀幼稚園嘅criteria 喇...有d家長較著重學術成績, 有d 較著眼小朋友讀得開唔開心, 有d 就要樣樣都有...etc...所以真係好難講話呢d幼稚園係咪"好"囉...

至於我, 我就會以德育教育為主, 學術為次, 所以我揀咗C, 咁當然HK有好多幼稚園都可以做到嘅....呢樣就真係等於你問我蘋果好定橙好..我真係好難答...我自己就鍾意橙架喇...只不過你話橙唔夠好, 蘋果好d都冇話唔岩嘅...各人喜好不同之嘛~~~~