Pui Ching 2004 - K1 Chat Room

Kammy

彥彥媽咪,

原來我哋曾經住得好近喎！ 我現在住威豪花園, 校車有站, 問過只知道唔喺將軍澳線,  可能喺黃大仙線, 唔知喺咪尾站呢？ 我揾日問吓先！

彥彥媽咪

Kammy:

若唔係 TKO line 就一定係 WTS line la....而若你係黃大仙線就應係頭幾個站喇.....因為條線係由曉暉花園出發, 經彩雲, 彩虹(即你個頭), 再去黃大仙, 樂富, 九龍城先去培正架......咁即都會早上車架...不過就冇最頭站咁早~~about 8:05am la..I think~~  

helloruby

我有多兩本最新一期的培正校

w27

各位，

我去交書簿費時，唔記得去睇下校服樣，我想問是否係買校服店舖就可以買得到D校服及運動衫，有沒有校章呢?可否給我一點資料呢?

謝謝

W27

Candice1128

我想問問培正幼稚園的學生, 在天氣稍寒時, 是穿什麼色樣的外套呢?

班房開了冷氣時, 凍不凍? 平日要否需帶外套?

彥彥媽咪

Candice:

(1)  藍色或白色嘅冷外套 (or 背心)

(2)  有時都會涼涼地架, 我自己習慣就係唔係都將件冷外套放定響我仔個書包, 佢覺得凍就會自己攞出嚟著囉~~

彥彥媽咪

W27:

所有校服, 書簿等等都係去佢地個書局就買到架喇..

除左男仔冬天個條灰色長褲(佢地話只要係灰色就得嘛)同女仔個件校褸外(叫我地自己響出面買件西裝褸型校褸再"聯"個校章上去就得, 但男仔就因為係飛機褸, 所以較難響出面買, 書局就有得賣), 所有校服書局都有齊架喇..

男仔夏天: 白裇衫+白短褲(可以係橡筋頭)
女仔夏天: 白色一件頭校服裙

所有校服都己有校章, 但家長亦可選擇只係買個校章然後出去買件白裇衫然後自己"聯"上去就算..不過我就懶, 而且書局d校服價錢唔算貴, 所以我就咁買埋就算~~~

    

Candice1128

Thanks....彥彥媽咪.

CCW

各位媽咪 : 你地好, 冒昧入黎打搞曬~~因為我為左囡囡讀書問題真係好頭痛, 希望你地能夠幫助解答我o既問題。
培正係我心儀o既學校, 因為據聞培正o既學習風氣良好, 係平民名校, 仲出左個law諾貝爾o既猛人, 而且入左幼稚園後就好大機會可以直上小、中學, 所以我好希望囡囡可以入讀。
依家問題係 :
1.我家住馬鞍山, 如果我想囡囡有大 d 機會被取錄, 係咪要搬去培正o既校網呢﹖
2.如果真係要搭校車, 培正o既校車會經過什麼屋苑﹖有那幾個接載站﹖
3.我本人基本上是不想囡囡搭校車的, 因為怕小朋友自己搭校車有危險, 雖然有保母照顧, 但萬一有什麼事, 一個保母無法照顧那麼多學童~~而且我不想囡囡的休息及學習時間都花在車程上。如果要搬近培正, 我能支付的屋租是每月8000以下, 你們是否有建議的屋苑可提供呢﹖
P.S. 我囡囡係 2003年1月30日出生, 應該報讀 2006年9月K1 對嗎﹖即是我 2005年 10月要報名﹖

彥彥媽咪

CCW:

我大仔依家響培正讀緊K1, 細仔係2003年3月出世 (同你個女一屆喇.... ), 如無意外我都會俾佢跟大哥一齊入埋去....我嘅plan 係俾佢地由K1讀至 F.5 or F.7之後去外國讀 U....

就你嘅問題...我試吓睇吓可否解答到你...:

1.我家住馬鞍山, 如果我想囡囡有大 d 機會被取錄, 係咪要搬去培正o既校網呢﹖
唔駛, 培正幼稚園同小學係私校, 住邊都冇乜所謂, 中學依家就係直屬, 但小學校長講過話會遲d 同中學結龍, 轉成直資, 所以就唔會受校網限制

2.如果真係要搭校車, 培正o既校車會經過什麼屋苑﹖有那幾個接載站﹖
係有校車經馬鞍山嘅, 至於d 站設響邊就年年唔一定一樣, 校車部係會根據人數而定, e.g. 有得3, 4個小朋友響同一地點要校車咪會加個站比你囉...若相反佢地就會有機會要求你去"最近"嘅上車嘞~~~咁當然d大型屋苑都實有站嘅...因為培正都有好多學生嘛~~~校車部每年會出紙仔問明年d家長需要再重組路線嘅~~


3.我本人基本上是不想囡囡搭校車的, 因為怕小朋友自己搭校車有危險, 雖然有保母照顧, 但萬一有什麼事, 一個保母無法照顧那麼多學童~~而且我不想囡囡的休息及學習時間都花在車程上。如果要搬近培正, 我能支付的屋租是每月8000以下, 你們是否有建議的屋苑可提供呢﹖
我覺得呢個問題對你嚟講係言之尚早, 你可以先等囡囡考到先再決定都未遲, 好多嘢都變緊, 你係咪一定打算俾佢直升都係一個問題, 有朋友問我, 你咁快就決定俾兩個仔讀到中學會否太快?? 因為我地唔好忘記, 要俾小朋友讀私校, 費用真係唔平, (不過培正都已經係算平架喇), 以小學計, 一年$20000, 中學我計佢double, 即係$40000, 六年小學+五年中學(起碼) , 呢度已經講緊 $360,000, 未計通漲, 書簿費, 琴棋書畫, 所以好多媽咪都會struggle讀唔讀私校, 話哂阿公有9年 free education, 條數都幾"甘"架.....你仲話要租屋, 你諗吓....所以一讀私校就要有哂心理準備至得($$$)~~~, 你問我若一定有得俾我個仔考到喇沙(津貼, Band 1, 又唔駛錢), 你話我會唔會想讀私校丫~~~)

我之所以咁講係因為若我細仔都升埋培正我條數仲"容"呀~~~所以我都唔敢100%話俾佢地直升呀~~依家只係plan 咋~~~好話唔好聽, 我能夠keep 到我依家嘅 financial status 就話o者~~~唔得唔通叫佢讀到一半轉校呀~~ 我其實想講，若你未100% sure 一定會響培正讀好耐，我就覺得唔搬都冇乜所謂囉∼∼

嘻嘻...好似"差"遠咗~~講返搬屋, 我已經問過架喇(因為我都有諗過搬落何文田, 仲去睇過吓樓添, 唔係因為校網問題, 係第日若佢地升小學會有好多課外活動, 若唔響附近住成日管接管送都幾煩, 校車費又係一個問題嘛) ~~~但何文田係屬於"高尚"區, 校網亦好 (Net 34) 所以屋租都會貴d...以你$8000嚟計, 可以租about 500-600 ft 左右, depends 係新樓定舊樓 (唐樓就多choices D, 但我唔鍾意唐樓), 太平道個邊就都有d 單幢嘅新樓, 都幾好, 不過就唔多實用, 但就勝在夠清靜, 環境亦好....(e.g.太平花園, 太平居呢d都OK...)

4.  我囡囡係 2003年1月30日出生, 應該報讀 2006年9月K1 對嗎﹖即是我 2005年 10月要報名
係...我細仔都係


Hope the above info may help la~~~     

Kammy

彥彥媽咪,

妳真喺好helpful呀！ 幾乎所有人嘅問題妳都好有心機咁回應！

我又想問多個問題, 培正嘅男仔厠所, 喺一條槽咁, 定喺一個'dao'咁嘅呢？

又唔該妳先！

彥彥媽咪

Kammy:

喺一條槽架~~

唔駛客氣喎...知得就盡量幫喇...其實我仲有好多嘢可以講添..不過我打中文好慢...頭先個篇都打咗成粒鐘架喇...     

JaferMaMa

彥彥媽咪,

Could you please kindly advise me the following: -

Are you satisfied with the learning process of your son and the teaching method of Pui Ching?

Do you feel that the learning process for PC's kindergarten is comparative easier than other famous kindergarten?

Do you know the teachers' qualification and are they nice?

Did the teachers willing to talk to you about your son?

Sorry for asking so many questions, but I hope you could answer my questions above sincerely.

Jafermama

w27

彥彥媽媽:

多謝你幫助!!

w27

彥彥媽咪

Jafer MaMa:

你問呢d問題一ｄ都唔煩．．．．其實我諗好多家長都好似你咁（我都係）好在意子女都教育問題．．．呢個係唔單止係錢嘅問題．．．仲係”效益”問題．．．間學校係好嘅我地做父母嘅辛苦ｄ又如何？最緊要係小朋友既學到嘢又開心，係冇？？

從你嘅問題可以睇得出你對俾唔俾仔仔入培正仲有少少hesitation，只不過因為全世界人都話培正係一條龍好丫嘛．．．所以唔去又好似好嘥，係冇？以我留意你一向的發言，既然仔仔一向讀K1又唔差（仲好好添∼∼）咁要repeat又真係有ｄ”唔抵”∼∼，所以難怪你會想知多ｄ．．．that's natural~~   

你又想要"sincere" answer 喎∼∼    ，我就更唔想亂答，so 亦就係因為咁我更唔想詞不達意（因為我一係就唔答，答親就想答清楚），所以請你俾ｄ時間我．．我打中文要打好耐架（英文又冇咁親切嘛∼∼）．．．等一陣．．好快就有Response~~   

CCW

彥彥媽咪 :
好多謝妳o既回應, 將我o既疑團一一解開 妳仲為我
花一個鐘黎打篇message tim, 好感動~~  
原來你細仔都會同我囡囡一屆, 嘻~~希望大家第時可
以做同學仔啦﹗不過你有大仔"能"住, 細仔都應該好易
入, 其實我都擔心囡囡無咁叻可以被取錄, 因為佢性格
比較內向, 所以我想出年囡囡兩歲幾時比佢報讀幼兒班,
習慣下群體生活先, 唔知道培正有無特別鐘意收邊D 學
校轉黎o既小朋友呢?
仲有呢, 我八卦下想知道當年你除左幫仔仔報培正外, 仲
有選左邊d學校面試呢?

Kammy

彥彥媽咪,加油！ 加油！

我都好想知道JaferMaMa想知嘅問題答案呀！

Candice1128

Hi,彥彥媽咪,

I've the same concern of JaferMaMa, kindly wait for your reply!

Thanks!

abbytang

Hi,彥彥媽咪,
我都想知多啲關於培正既嘢,因為我個女都係同一屈

Q)夠竟培正去到小學係私校 or 免費呢,因為我有個朋友佢個女原本讀緊德雅,佢話因為2個小朋友一斉讀連車費要成7千幾蚊好貴,所有佢話上年帶個女去考培正,貪佢有免費教育喎,所以我比佢搞到我好亂?