請問有無媽咪既小朋友返緊"官塘社區中心-基督教服務處"幼兒園呢 ???

峰仔媽咪

我仔仔現在讀緊附近一間幼兒園"趣X"，但係我想幫仔仔轉去社區中心(5樓)這間幼兒園，聽人講都幾好，請問有無媽咪既小朋友都讀緊這間呢 ???

THANK YOU VERY MUCH !!!

峰仔媽咪

點解無人回應既 ????
請問有無媽咪知這間幼兒園既設施及教學呀 ???
thank you !!!!

snoopy128

峰仔媽咪:
你個仔讀緊x樂幼兒園好唔好呀..
點解要轉既...
因為我想收集多些資料呀..
正考慮入此間幼兒園..thx

jho

我個仔讀緊呢間學校，果度環境好好，有個好大戶外既遊樂場，又有游泳池，ｄ先生又好錫ｄ小朋友，學校除左用活動教學法重有同小朋友做ｐｒｏｊｅｃｔ。我個仔日日番學都好開心，連放假都話要番學。

IrisCheng

峰仔媽咪
i heard fm my neigbour that she is satified with "趣X" and she is highly recommend to my son too.  can you share with us what make you feel uncomfortable.  because i'm gathering all relevant info to consider my son's enrollment in coming sept.

if you think that is not good to publish here then pls pm me.

thanks in advance.

峰仔媽咪

其實，我都好矛盾，仔仔都讀左2年，來緊8月會升n2 ，仔仔已經習慣左個環境，同學仔又玩得開心，點解想轉??? 可能我見仔仔成日都病，仔仔係學校既時間比較長，朝8晚7點幾，我就係見社區中心個間有個大天台比小朋友玩，可以晒下太陽，吸下空氣，唔洗成日都困住冷氣房，而且，空氣點都流通o的，口啤又唔錯呢，不過，我先生又唔表態轉唔轉，所以，到現在都未決定好。

michael仔媽咪

峰仔媽咪，你好！我係michael仔媽咪，睇到你問題我都身同感受，因為我有兩个仔，大仔果時讀果間學校密封式(冇窗開的)，因為我哋屋企人個個都有鼻敏感，他讀咗兩年但差不多個個禮拜尾就開始病，差不多每个學期只返一半日子的學，經常流黃鼻涕，睇完西醫又睇中醫都唔惦，屋企人个个都叫我轉校，話果間學校空氣唔好，於是我幫大仔轉了一間有戶外地方的學校，問題就改善了。後來我搬到將軍澳區居住，生咗細仔michael仔，他的鼻敏感更勁，因為奶奶幫我照顧他，希望方便老人家，又怕他讀書後好似哥哥的情況，後來有friend介紹我讀呢間官塘幼兒園，果度地方好大，果仔最鐘意上天台玩，小朋友好快就適應，身體亦不錯，學校又多活動俾家長參與，小朋友又好多出外參觀活動，好似果日michael仔果班去參觀巴士站，他回家後不知多開心，不停講巴士站中所見所聞，還告訴我有個同學問司機叔叔揸車時急小便點算，我和他嫲嫲聽後捧腹大笑，我覺得呢間學校的先生好好，好有心思，又錫小朋友，活動又豐富，所以我覺得自己冇揀錯校。其實你最想你個仔點，你要想清楚，健康是否最重要？

Boy比媽咪

michael仔媽咪
我都有聽過觀塘幼兒園好好，我都又想過幫我個仔報讀，你可唔可以講多D，例如教學、環境、D先生、同傾2歲返學OK嗎？你個仔幾歲入？適應成點？
Thanks！

ICEL

妳好, 我個仔係返緊呢間幼兒園,我個仔返左學快三個月了, 佢開頭都唔係好肯返學, 但而家適應左之後都ok, 老師都好好, 我開頭成日打電話比老師問我個仔係學校的情況, 佢地都樂意答我, 並無不耐煩的語氣, 有次我個仔病左冇返學, 我放左工係學校附近撞到個老師, 佢居然一見到我就問我….柏賢媽咪, 柏賢個病好d未呀….我都估唔到佢會應到我,所以我覺得老師都幾細心。每日學校都會send email比我, (學習日誌)內容係講柏賢果班每天學習活動,咁我可以從而知道佢係學校學過d咩…都幾好。雖然我個仔返左學後都病左幾次, 但我認為又唔係好關學校事, 因為我個仔比較水皮….易病。我雖然住翠榮樓, 學校其實好近, 但因為我奶奶隻腳行唔到樓梯, 所以柏賢係坐校車, 奶奶就係樓下接送(話比人聽都比人話…咁近都要坐校車)但冇計。
我屋企隔離有一個姐姐仔同麻我有個朋友個仔都係讀呢間架, 佢地媽咪都對呢間學校都幾滿意….而我呢….總括來講, 我都算滿意呢間學校。不過….呢d只係我個人意見…只可以作參考, 希望妳可以盡快搵到心儀既學校, 因為我都知簡學校係一件好辛苦同好煩既事…..

kitty28

我想問校車可以去到將軍澳嗎？學校近地鐵嗎？

jho

我都好同意觀塘幼兒園d先生好好，上個禮拜我個仔病左幾日，班先生都有打電話比我。平時，有時夜晚先生都會打電話離傾下小朋友近來既情況，d先生真係好錫d小朋友。係學期中收到佢地幫我個仔做既果本發展檔案，真係好正，又覺得d先生真係好細心，竟然能夠將小朋友日常既表現用相同文字記錄，呢本檔案令我知道好多關於佢學到既野。另外先生日日e-mail日誌比我，係日誌我可以知道好多我個仔當日發生既事，有時我問番佢今日係咪做左三文治，係咪唱左首新歌，個仔會好奇怪咁望住我，奇怪我點解會知到學校發生既事(有時真係好好笑)，所以我覺得o個度d先生真係好正，做咁多野幫我地了解個仔女既學習。
我想將軍澳應該有校車，因為我個仔有時同我講xxx同學仔住將軍澳，不如你打電話問下學校(23891866)

峰仔媽咪

今晚會入報名表，希望我仔仔可以同你地既小朋友做同學仔啦!!!

  

文迪

我都係住將軍澳，校車會到將軍澳的，我初頭諗住搭校車，但囝囝吾肯一個人搭，但如果我陪佢搭又趕吾切返工，校車大約8:30pm到學校，車程大約40min, 因去完將軍澳之後要轉入清水灣先至返學校。

michael仔媽咪

峰仔媽咪，知道你認真考慮仔仔健康而轉校，真開心！希望第日送仔返學時會撞到你。
boy比媽咪問呢間學校的學費、時間同課程，我而於每個月交$2090學費，夏天另外收冷氣費(今年好似收$30？？)學校8:00am就開門，但因為主要是奶奶送michael仔返學，所以多數係學校關門前(9:00)才到，其實我想個仔早D返學，因為學校朝早8:45全校一齊做早操，好鬼有趣！放學時間由4:30pm開始，最晏去到6:00pm，遲過6:00pm可參加延展(好似到8:00pm仲有飯食)。聽學校梁主任講幼兒園是用主題教學法同埋計劃活動幫小朋友發展。其實d吔嘢教學法我都不太識。但三月果時學校舉行參觀週，我同奶奶都有去學校睇佢上堂，我見課室有好多活動角(圖書、手工圖畫、玩具、做遊戲紙、班教材、玩玩具、學習角、仲有扮郵差寄信.....)，好開心，d小朋友又主動同投入學習，冇因為我哋d家長係學校而分心，而我個michael仔仲懶神氣的教我砌拼板，做遊戲紙。另外，我吔d家長又可以行去睇其他班d活動，我見到B班d學生所創作嘅故事書有板有眼，圖畫又畫得好好，仲係課室很自信的表現話劇添(扮蜜蜂蝴蝶)，聽先生講d戲服是小朋友自己做，真利害！佢吔英文老師同小朋友上堂是全英語的，我個仔好鐘意，成日返離唱英文歌，仲話同我玩遊戲。下午學校有好多活動，音樂、跳舞、烹飪、話劇同美術，夏天有游泳，真不錯！

佢吔d餐單很正的，吃紅米飯！

Giant

我囝囝都係響呢間幼兒園就讀, 佢係插班生, 今年2月先返學, 我同學校接觸唔多, 但直至現時為止, 我都好滿意呢間學校

1) 佢哋有個大天台, 可以俾小朋友多d活動空間、接觸陽光及呼吸新鮮空氣, 唔駛由朝到晚困在冷氣房內, 夏天仲有得玩水添。
2) 佢哋d膳食好好, 有好多花款：奄列、壽司、馬蹄竹蔗水...... 好多平時在家好少煮的佢哋都會有, 小朋友可以"見識"多d食物, 唔似一般幼稚園, 餐餐茶點都係餅乾及清水。
3) 校方日日都有e-mail日誌給家長, 好等家長們都可知道小朋友在校內的活動, 仲有用powerpoint做的電腦小遊戲。
4) 老師都有愛心, 久唔久都會致電家長談一下小朋友的進展

總括而言, 呢間幼兒園可以俾到囝囝一個快樂的學校生活, 我就已經好滿意了。


  

billyyanst

峰仔媽咪:
我仔今年8月會讀N1 (D班), 我上個SAT去聽完個入學講座, 大致的情況都係同其它媽咪講一樣, 其實我報名之前要求過去學校參觀, 當時係黃主任親自帶我去晒全個校園行左一次, SO我覺得你可以約個時間上去睇一次加深了解, 雖然我個囝未入讀, 但係覺得呢度個環境真係好正同埋D 先生真係好NICE   

希望將來有機會認識其他媽咪

峰仔媽咪

各位媽咪 :
好多謝你地既回應，我昨晚接完仔仔放學，順便帶左峰仔上學校，出奇地仔仔好開心，梁主任問佢野都有回答，不過，好好笑，仔仔真係當正遊樂場咁，入到課室又自己取玩具 / 圖書玩，非常活躍&開心，參觀完全校都好滿意，始終小朋友多o的活動空間會對身心都好o的，不過，都要等通知面試。
諗諗下我有個減肥機會，昨晚上完5樓，真係成個水人咁，其實，我細個住舊屋村，每日都要行7層，個時真係唔當係咩回事，不過，都無行5年，年紀又大左，現在同仔仔有機會行番夠本囉，其實，對仔仔都係一個好好既磨練，唔好細細個就怕辛苦，涯唔起苦。
呀!!! 唔知你地有無比小朋友玩水呢 ???  

dleelm

峰仔媽咪 & 其他靚媽咪

原來膳食咁正ga, 好過我煮喎. 我都幫囡囡報了名, 今個星期六interview, 有機會同大家做同學仔, 到時可以交流下啦!  

Giant

回想當天幫囝囝揀學校時, 都有帶佢”實地考察”了5-6間, 睇下佢的反應, 因為最緊要佢鍾意, 那天佢第一次上到學校係可以用”瘋狂”來形容, 玩得好開心, 而且仲唔知點解佢會好聽主任的話, 平時教佢九千幾次玩滑梯是要由”樓梯”上去, 而非在”滑梯”上去的, 但佢都唔會聽, 點知個日主任一教佢就即做。真係俾佢吹脹。

個時我就決定揀呢間喇, 仲驚死佢唔收添 (係咪好攪笑呢?), 到而家都覺得冇揀錯。
  

峰仔媽咪

dleelm :

請問你入左報名表後，等左幾耐通知你 interview ???
我都好心急呀 !!! 一方面想知得唔得，另一方面，趣樂又要我交左8月份學費先，如果唔讀要一個月通知。

呀 !!! 你地話我封退學信點打好呀 ???