公文數/學林數

cj177916

我想為讀K2的女兒報數學班,但又唔知邊個適合佢這年紀的,想請教各位有經驗的mami.

我見學林有些班係專為K2-K3小朋友而設的, 在這階段不用學解題住,工作紙又好似幾有趣. 而公文就注重重覆計算以達到計得快的目標. 唔知我理解有冇錯呢...所以我都未決定到比阿女讀什麼.

ssaa

要了解課程是否適合自己的子女，先要了解兩方面：
1. 自己子女現階段需要甚麼？
2.  坊間課程教授甚麼？

有關自己小朋友需要，我就要知道每個年級數學科的教學重點是甚麼。
學生唔同階段的數學科中學習重點如下：
1.幼稚園(K2-3)： 學數算(counting) 。
                      及少許計算(calculation) 。
2.初小(P1-P4) ：學習計算(calculation) 。
3.高小(P5-P6) ：解難題(即文字體) 。


而坊間教授的數學特點和內容如下：

公文數：主要是利用大量習作訓練計算(Caculation) 。
            嚴格講不是課程，是習作。

學林數：主要教授中文文字體(解難題) 。

珠心算：主要用影像算盤學習學前簡單計算，
          並不能計算小學生全面數學。
          學返而容易混亂正常計算。

enopi： 英文數學。家長要考慮是否吻合
            自己小朋友校內課程。

奧數：  奧林匹克精神，精益求精。
           真正奧數，超越文字體。
           五年級以上，有數學天份者可報讀。
           (五六年級報讀要小心，用太多時間學
           奧數而影響呈分試就得不償失。)

KWIK Maths：教導學生用方法計算(calculation)。
                     因為用方法計算的原故，
                    計算能力比一般學生三、四陪。


所以最緊要知道自己小朋友依家階段係學緊乜？
有邊種課程幫到佢依家學習？

「學而時習之，不亦樂乎！」（論語）
外面課程學，能夠學校用得番，
學校成績先至會進步，細路仔先至會學得開心！

yanfaidaddy

原文章由 ssaa 於 08-6-18 12:07 發表
要了解課程是否適合自己的子女，先要了解兩方面：
1. 自己子女現階段需要甚麼？
2.  坊間課程教授甚麼？

有關自己小朋友需要，我就要知道每個年級數學科的教學重點是甚麼。
學生唔同階段的數學科中學習重點如下：
1.幼稚園( ...

ssaa

閣下到處留文章, 表面上與人分享分析, 其實在hard sell, 抹煞其他課程的成效和導師的專業, 閣下是否真的對各項課程有深入的認識....

每項課程均有其理念, 作用, 優與缺, 請勿暗批明踩, 自吹自擂, 請自重!!!!


http://forum.baby-kingdom.com/viewthread.php?tid=1397019&page=1#pid23243781

你只係比enopi一句英文文字題?似乎資料少左d喎....有無親身了解過?知唔知係教乜?如果你係知得咁多就下評語,似乎不太公道

yanfaidaddy

原文章由 ssaa 於 08-6-18 12:07 發表
要了解課程是否適合自己的子女，先要了解兩方面：
1. 自己子女現階段需要甚麼？
2.  坊間課程教授甚麼？

有關自己小朋友需要，我就要知道每個年級數學科的教學重點是甚麼。
學生唔同階段的數學科中學習重點如下：
1.幼稚園( ...

ssaa

閣下到處留文章, 表面上與人分享分析, 其實在hard sell, 抹煞其他課程的成效和導師的專業, 閣下是否真的對各項課程有深入的認識....

每項課程均有其理念, 作用, 優與缺, 請勿暗批明踩, 自吹自擂, 請自重!!!!


http://forum.baby-kingdom.com/viewthread.php?tid=1397019&page=1#pid23243781

你只係比enopi一句英文文字題?似乎資料少左d喎....有無親身了解過?知唔知係教乜?如果你係知得咁多就下評語,似乎不太公道

ssaa

原文章由 yanfaidaddy 於 08-6-19 00:35 發表




ssaa

閣下到處留文章, 表面上與人分享分析, 其實在hard sell, 抹煞其他課程的成效和導師的專業, 閣下是否真的對各項課程有深入的認識....

每項課程均有其理念, 作用, 優與缺, 請勿暗批明踩, 自吹自擂, 請自重! ...

首先要多謝你意見，亦絕對認同每種課程都有其特色，更不敢抹煞其中教學的老師都很專業和很出色！

不過本人的立場是從家長的角度去分析。

導師質素是一個問題，課程能否幫到小朋友又係另外一個問題！
作為家長，未考慮導師質素之先，應先考慮課程是否適合自己的子女。無論幾好的導師，若果小朋友讀的課程“學非所用”，徒然浪費金錢和時間！

祈為指正！
謝謝！

ssaa

原文章由 yanfaidaddy 於 08-6-19 00:33 發表



ssaa

閣下到處留文章, 表面上與人分享分析, 其實在hard sell, 抹煞其他課程的成效和導師的專業, 閣下是否真的對各項課程有深入的認識....

每項課程均有其理念, 作用, 優與缺, 請勿暗批明踩, 自吹自擂, 請自重!! ...

另外在討論中見到大家有兩個觀點：
A. 想學校課程以外再學多點其他知識。或者
B. 學好學校基本課程。
所以我做家長，先攪清楚自己小朋友要乜？(A or B)

本人始終覺得大部分家長應該先攪掂學校課程(B)，
然後先至幫佢唸課外課程(A)，就會實際！

不過有小部份家長的小朋友是尖子，(A)的講法又絕對成立！(多謝你的意見)

祈為指正！

謝謝！

ssaa

原文章由 awah112 於 08-6-18 12:44 發表

多謝讚賞！

我只不過希望大家都宏觀、全面了解多、不要“以偏概全”、大家都做個有見地家長！

討論區可愛之處，就係各人都將自己唸法一齊分享。
藉此擴闊我好大家見識！(Thanks BK)

正所謂“真理—越辯越明”！

大家都努力，做個稱職的父母！

yanfaidaddy

原文章由 ssaa 於 08-6-19 14:55 發表



多謝讚賞！

我只不過希望大家都宏觀、全面了解多、不要“以偏概全”、大家都做個有見地家長！

討論區可愛之處，就係各人都將自己唸法一齊分享。
藉此擴闊我好大家見識！(Thanks BK)

正所謂“真理—越 ...

Ssaa,


唔該, 唔好再扮代表, 扮公正, 扮中立, 扮代言人 “分析”各數學課程的 ”定位”; 我以為閣下曾作一兩次致歉, 會有所收歛, 欲只是擺個姿勢, 略作用字修飾, 在其他”主題”繼續發表, 態度依然故我, 發言依舊以偏概全, 不負責任.

http://forum.baby-kingdom.com/viewthread.php?tid=1475131&page=1#pid23724621
無論如何，都多謝你提點！
今次你的提點非常有論據，本人曾用了一些負面字句，令到有人覺得不舒服。
在此表示歉意！
08-6-24 10:42


http://forum.baby-kingdom.com/viewthread.php?tid=1510291&page=1#pid24327981
from leelilili:

glad to meet someone who sounds knowledgeable with those Math education model in HK.  If you don't mind, I'd like to take this opportunity to say something.  Happy if you're any more thoughts.
……….
Anyway, I really want to learn your view or recommendations of any perfect supplementary Math course that can match the school math perfectly. thx in advance



閣下要賣廣告, 要吹噓, 請自便, 但隨意肆意批評其他課程, 實有點妄自尊大, 自以為是.

嗱, 俾個機會你上la, 儘情講解一下閣下所推崇的:
如何不只是習作, 是怎麼樣的”課程”?
課程教授甚麼？ 教學理念是什麼? 如何”定位”?
如何吻合自己小朋友校內課程?
如何用方法計算?
如何幫到自己小朋友依家階段係學緊乜學習？
如何學校用得番，學校成績先至會進步?
坊間家長如何批評?
請閣下詳細”分享”個人”親身感受”?
未夠詳盡者本人願意補充!!!!

ssaa

討論區的可愛之處在於每人都可以在其中各抒己見。

雖然每個人的睇法不同，但當每個人都“心平氣和”討論，其實都會在其中得益，因為“真理係越辯越明”，越明就越清楚 ，越清楚選擇就越正確！

致於本人點解期望每位家長都要宏觀理解：
1. 自己小朋友的需要
2.  坊間課程的教學內容

原因是本人之前初作父母，經歷過幫自己的小朋友亂報課程，以致：
1.  浪費自己金錢（慘）
2.  浪費小朋友時間（好慘）
3.  小朋友對學習失去興趣甚致抗拒學習（最慘）

本人期望每位家長唔好學似我舊時咁亂報課程，盡量宏觀了解，做個有見地的家長，在學習上真正幫助到自己小朋友！

過往資料，如有錯漏，祈為指正！
謝謝！

yanfaidaddy

原文章由 ssaa 於 08-6-27 11:44 發表
討論區的可愛之處在於每人都可以在其中各抒己見。

雖然每個人的睇法不同，但當每個人都“心平氣和”討論，其實都會在其中得益，因為“真理係越辯越明”，越明就越清楚 ，越清楚選擇就越正確！

致於本人點解期望每位家長都要宏 ...

唔該閣下唔好玩 re-posting la, 你知唔知人地想你回應d mud 野ar???

ssaa

難得你相對心平氣和地討論。（不過都要提一提，用紅色字寫字是不禮貌的，有點像大耳窿收數。）

老實說，我的期望只不過是一般家長的期望，就是：首先學校成績一定要好！

從你的對話中，感受到你對好多數學有深入的認識。好希望你能繼續分享，讓家長們都能更深入了解各種數學，以致幫自己小朋友報到合適的課程，令到佢地學校成績進步！

想請教：
1．眾所週知公文數是以大量習作訓練學生，若然你覺得不是，你又怎去形容公文數的教學？
2．珠心算能夠全面計算學校裡所有的多位加減乘除嗎？有人說學完後能活化腦筋，有真實的量度基制嗎？還是只不過強調個別例子？學珠心算還有甚麼益處？
3． Enopi 是中文的嗎？學來對學校成績有甚麼幫助？


唔好意思，時間關係，其他容後再問！
不過希望你幫幫手，盡量詳細講解作答，等我地家長們再深入了解，幫到的小朋友成績好的！

謝謝！

gn1733388

大家都知道香港既教育制度係點, 所以先有一句practice makes perfect 呢句用語,相信呢句說話可以應用係某何一科果到

香港既數學教育制度,無疑係做得多就得,當然我唔否定訓練學生計算能力都係好重要,但兩者相比起,我絕對認為係 做得多就會識囉, 我相信你所講既KWIK Maths都係會比好多習作學生做。

各位家長應該望遠d,係中學既數學教育入面,絕對係鬥做得多,如果唔係大家點會聽到d人係咁做歷屆考試試題??點解要係咁做,就係因為要熟習考試模式,因為考試模式年年一樣。當學生做到一定程度既試題後, 就會發覺:「咦,點解年年考既野都係差唔多」

我依家中七,我亦都有讀純數(pure maths) 呢科係公認全AL 最深既科目,亦都係好抽象,但都離唔開"係咁做" 做得多就識,亦都係咁多年中學生都認同既事

各位家長要為小朋友著想既話,我建議都係係公文數,因為呢樣先係真正可以幫到小朋友將來考好D。

大家可以參考坊間咁多補習社,遵理學校,現代教育,英皇教育,呢d補習社全部都係派 超過10年,甚至20年既 考試試題比學生操練, 學生先有咁既成績。

我唔相信訓練學生計算能力,可以比操練試題成績更好。我果班有個數學天才,佢數學能力真係好高, 但係佢就係因為唔操練試題,結果會考考得唔好。

以上係我個人意見,亦都係我讀書以來既心得,亦都係現今教育制度既趨勢,唔相信的各位家長可以問下學校既老師。

將來三三四學制既數學科亦如是,不外乎操練,操練,再操練

[ 本文章最後由 gn1733388 於 08-6-29 19:38 編輯 ]

gn1733388

等我為各位家長分析下坊間咁多種數學課程既優缺點,我既分析只係會基於小朋友將來上到中學,甚至會考既用途,畢竟公開試先係學生既終點。

公文數：大量操練，亦都係全港，甚至英國既中學生全部都用既方法，畢竟practice makes perfect


學林數：中文文字體，將來既公開試，大概有５成都係文字體題目，所以亦都唔可以忽略。



珠心算：呢個課程我唔係好清楚，但係我諗應該係訓練學生既心算能力，當然，亦都會有計錯既時候。但係上到中學，已經會有計算機取替心算．．．如果有錯既家長指出

enopi： 英文數學，亦都係大勢所趨，將來越黎越多學生轉用英文數學。

奧數：  奧數係比ｄ數學能力高既學生去讀，我建議冇必要都唔需要讀，因為真係對考試冇咩幫助，因為要求唔同，考試要求既係操練，奧數要求既係天才。

KWIK Maths：根據ssaa既強調呢科係訓練學生計算能力，但係計算能力高又如何？就好似上一個post所講,我個同學真係近乎數學天才,佢計算能力真係好高,但係佢最後都係會考失敗者,原因係因為佢唔操練試題,呢點佢自己亦都親自承認。

ssaa

原文章由 gn1733388 於 08-6-29 19:51 發表
等我為各位家長分析下坊間咁多種數學課程既優缺點,我既分析只係會基於小朋友將來上到中學,甚至會考既用途,畢竟公開試先係學生既終點。

公文數：大量操練，亦都係全港，甚至英國既中學生全部都用既方法，畢竟practice makes  ...

多謝你由衷的分享！

不過其中引發我們家長所思考的是：
既然是大量操練的習作，又何需報讀有關課程？
買補充作業來做咪仲好？

你所指的課程若果 $500 四堂，每堂半小時，則每小時 $250 。
每小時 收$250 ，內容只不過是大量操練，會否貴得好緊要？

祈為指教！
謝謝！

gn1733388

操練既意思, 其實係有技巧既操練
有d人死做爛做都係肥佬,就係因為佢捉唔到考試既模式
例如會考數學每年一定有一條長題目係 立體(3D),既然年年都出,d學生亦都會係咁做,但點解有d人做極都唔識,有d人做得多就識? 關鍵就係技巧操練,呢d補習老師可以幫到你

去補習其實就係老師幫你捉到個考試模式,然後再係堂上面同你分析究竟一般既考試題目類型有邊幾種,究竟邊d係會特別容易錯。而且補習老師亦都會同你分哂所有topic 既題目

當同學日日做同一個topic 既題目,就會熟能生巧,而且補習老師亦都會提供俗稱叫marking scheme 既評分參考,其實marking scheme 年年都係差唔多,亦都可以選擇背左佢,咁樣考試一定得!

坊間好多習作其實係我地俗稱既out syl,即係非課程範圍以內的

out syl既坊間習作上到中學會特別明顯,
一個熟練既補習老師,佢一定會知道究竟學生要識d咩, 而且再出d "in syl"既題目比學生做,咁樣學生就可以係最短時間內學到最多課程範圍以內既野

補習老師亦都會教授某d 題目既標準答題方式,即係出呢題,就一定咁答,實冇錯, 呢d其實又係日校老師比唔到學生既野, 如果唔係依家既補習社點解會咁多間?? 我都係有補過好多補習社既導師,佢地都經常強調一定要做試題。

數學其實唔係鬥識得多, 而係鬥錯得少, 錯得少就唯有靠平時操練。

寶安商會王少清中學校長話:英文靠浸，數學靠操。

現代教育股東李偉樂(WL.LEE) 話:數學要概念,考試靠操練。

[ 本文章最後由 gn1733388 於 08-6-30 19:18 編輯 ]

catcatmom

我又想搭幾嘴, 我老公當年考a level, a math & math 分別羅a,
都係話一味靠"操", 無良方妙藥!
公文數, 係一味"操"運算, 如果小朋友ok!唔怕計&唔怕不斷重做既話, 都ok架!
如果小朋友唔鍾意,甘就影響左佢對數學果科既感覺,係人都知道對d有興趣既科目or好成績既科目, 甘就唔難係公開考試羅個A.

如果小朋友係公文經常要重做, 興趣好容打殘. 所以有媽咪話公文數係上到中學(如果可堅持), 成果先至出現,有幫助,因兩者都係靠操.

如果買練習番屋企做, 佢地班"馬溜"都肯做, 就發達了, 數學買學林,中文買樂詩.英文買longman,甘就慳唔少.  

公文係幾貴,d老師又唔冼點教(都有教少少), 因數學如果學得早-k3開始, 小學已經學好多中學既野.

原文章由 gn1733388 於 08-6-30 19:02 發表
操練既意思, 其實係有技巧既操練
有d人死做爛做都係肥佬,就係因為佢捉唔到考試既模式
例如會考數學每年一定有一條長題目係 立體(3D),既然年年都出,d學生亦都會係咁做,但點解有d人做極都唔識,有d人做得多就識? 關鍵就 ...

ssaa

終於有有識之仕！

Thanks gn1733388 ＆ catcatmon!