07-08年宏福幼兒園媽咪繼續入o黎傾~(PART III)~歡迎新朋友加入

ElainAiolia

pcdogxx,
9/8我睇o下返乜先join你o地，你o地cookie之約唔使特登等埋我，因我返工時間好亂 ，未必就到。

D代餐係指D舖頭o既代餐奶昔、餅等，我未去睇幾多錢，只係估好貴o者 。康寶萊我以前都食過，但係都減唔到o既 。

好，等我呢幾晚睇o下邊日有甜品 (馬豆糕) 食先 。子聰睇o左你果D cookie相都話好正 。

買機預埋你都得，但日期未fix到 (因我未知返工時間)，如下星期一、三及四，你有無問題呢？我估626mama及天藍OK卦！唔知叫埋hongmimi出o黎食埋飯當提早一次聚會有無問題呢 ？

626mama,
你千祈唔好見到我，因我好似個乞兒咁，披頭散髮 、又臭又污糟 (因出好多汗同做o野地方好污糟)，我驚你見到我都認唔到 。

校車果度唔該晒你到時通知我 。

D代餐係指D舖頭o既代餐奶昔、餅等，我未知幾多錢，只係估好貴o者 。

宏福有通告比o左我o地 (16/7)，1/9開課，時間同青怡果邊一樣，時間為上午班09:00 – 12:00 (進園時間 08:30)，21/7 – 31/8 為學校暑假，但如有任何查詢於 Mon – Fri ： 09:00 a.m. – 5:00 p.m.，可致電 2432 6628 (校務處)，K1無適應期，K2新生返學日期同我o地一樣，K2舊生及K3會於4/9先返學。

ElainAiolia

Dear all mami,
昊藍25/8開始試返學，而匡匡同鈞渝12號亦開始返學 (但$3,000-就咁無o左 )，只有子聰同軒軒最遲，要1/9先返 。

28/7要改期我無所謂，其實我28/7都OK，因我收早 (3:45 p.m.，我都係26/7先知28/7返乜，我到今日為止，都只係知道28/7 o既返工時間，之後o既要28/7返o左工先知 ~ 最慘連幾時放假都唔知，所以唔可以confirm D日期比你o地)，但等埋hongmimi先去，要改後一個禮拜，我仲未知返乜，所以要到咁上下至覆到實比你o地，真係唔好意思 。

626mama,
子聰發燒最終無睇西醫，但睇o左3日中醫，佢只係燒o左2日，大約係訓醒晏覺開始燒，到夜晚訓覺就會退，而家又無特別，我唔諗住帶佢睇西醫lu 。

軒軒塗鴉班D畫，第一幅抽象D，第二幅D魚都幾似模似樣，而幅畢業相，軒軒好正經 ，昊藍好似D明星咁 ，要7分面影，好搞鬼呀 ！

D人話食肉減肥法，唔係個個得，如跟你個餐單，換轉係我實飽C，因我唔太仲意食咁多肉，但你可以考慮o下 。

ElainAiolia

天藍,
你問o下昊藍佢係o米扮明星，要7分面影相靚仔D呢 。

有心la，子聰發完2日燒後再無發燒la，我諗佢真係想快高長大o卦  。

收到你個sms la ，咁係o米即係由8月份開始，昊藍會同子聰一齊做同學，一齊上完英文班再上畫班，如果係，實開心C子聰o者 ，不過我唔諗住咁快話佢知，等佢上堂見到有個意外驚喜。

pcdogxx,
D馬豆糕簡直一流 ，D豆唔太硬又唔太軟，我仲意呢種口感 ，快D滙報個menu出o黎，如果唔係，我就 ………………. 要你整多D比我食，等你唔得閒整cookie比鈞渝食，問你C未 。

ElainAiolia

hongmimi,
免費試搭校車梗係 Yes la ，等佢o地適應o下搭校車返學o麻。公公婆婆個度個站幾好o咼，最後上車返學，最早落車放學，簡直perfect 。

o羊唔肥呀，只不過我收埋晒「扼」到你o乍 。

匡匡都去o左睇功夫熊貓，雖然口水多多，但起碼唔使提早離場，已經好o力la ，小朋友睇戲真係零食不可缺。佢好犀利，居然見到打交，即係維持治要，真係一個好警察 .............................. 個仔o咼 。

D Label 貼紙以前葵涌廣埸有好多舖頭有賣，價錢都OK o架。而子聰契媽買過D係銀色底黑色字 (都成年前)，話係Laser做唔甩色，都幾襟o架，但價錢唔清楚。早排我同事話係葵涌廣埸買o左好似T-shirt領邊咁o既size label可以縫係D校服度，好似$50- ~ 20-30個 (我老人痴呆唔記得o左)，你試o下放工 / 放假去行o下睇o下，又或者BK裡面都有label賣，你可以入去睇o下個價錢。

ElainAiolia

Dear all mami,
唔好意思 ，因近排要戶外工作，成日早起身 ，變相早o左訓 ，所以少o左上o黎，希望唔好見怪 。我今個星期都仲係返「早」，只係星期三 (即聽日) 及星期六放假，而下星期暫時知到至7/8為止都係返「中」，6/8 放假，所以想我o地o既約會係該日較適合。

尋日係書展買o左本填色畫冊比你o地D小朋友，睇o下今個星期六放假可唔可攞埋比你o地。

rplyan,
你居然入o左o黎吹水 ，我o地無所謂o架，乜都講得一餐o既，有時間o米上o黎吹水或有興趣o米參加我o地o既約會o羅。

626mama,
你已經中毒 (上網) 太深 ，不能自拔 ，居然因為無得上網，而無晒人生樂趣。

「剪髮技巧培訓班」係邊度上堂？有興趣，但要夾o下收工時間先。

ElainAiolia

天藍,
rplyan 個女會係青怡果邊讀K1。

星期日收到你個sms ，真係好意外，好開心子聰同昊藍又可以做同學仔，佢o地二個又可以一同上英文班及畫班，佢o地又可以 keep 住見面 。

hongmimi,
恭喜你o咼，匡匡終於等到上畫班quota ，唔知係o米上星期日 (10:00 – 11:15 a.m.)果班呢？如果係就好la，因呢班子聰之前上過，有2個女仔 (叫柔柔同盈盈)，另外仲有個男仔 (叫樂樂)，D家長都OK o架，只係要小心個男仔，佢成日咳同流鼻涕，因佢對冷氣有D敏感。我諗天藍唔介意同你買畫班o既顏色o既。

pcdogxx,
今晚咁開心去隔離屋「hea」 ，鈞渝有無去呀？係o米玩得好開心呢？

ElainAiolia

hongmimi,
我收唔到匡匡D新相，你可唔可以 sent 去我 e-mail 度，Thx！

ElainAiolia

8月份活動
活動 : 待定        
日期 : 2008年8月3.10.17.24.31日(星期日)
(10號最好, 因為渝爸肯定果日放假)
(24號之後ElainAiolia會放番星期日，之前因做馬術唔知幾時放假)
集合時間 : 上午 / 下午
集合地點 : 待定
報名及人數: (撰擇地方排序)
1.  pcdogxx 2大1小  (1.2.6.7.10.)
2. 626mama 2大1小  (2,6,7,9) OK
3. ElainAiolia 3大1小  (3,2,6,7,9,4)
4. 天藍 2大1小 (1,2,4,7,9) 8月17日唔得
5. hongmimi 2大1小 (2,6,7) 17號約左人 OK

睇排序又個個撰，有以下四個:-大家請要再排序嗎?
2. - 白石俱樂部 - 有單車,風箏,bbq,攤位,手工藝/大人有麻雀,桌球, http://www.whiteheadclub.com/
6.西沙茶坐對面個沙灘放風爭捉蟹仔可以BBQ
7.珀麗灣玩沙 (荃灣西西鐵站搭船去或巴士)
9.- 嘉道理農場 http://www.kfbg.org.hk/
徐下三個地方，下次我地再去埋個三個地方都好喎。

日期在8月31日大家有沒有問題。
1.626mama---OK
2. 天藍 --- OK
3. hongmimi --- OK
4. ElainAiolia --- OK
****************

再唔係我地幾個媽媽就下邊日放工一齊去警察遊樂會打保齡球囉，唔知妳地有冇興趣呢，我都唔識打保齡，只係有得玩下，又可以傾下計。(時間,日期.地點全部侍定)

媽媽聚會:
1. 626mama OK
2. pcdogxx   
3. ElainAiolia --- OK
4. 天藍   
5. hongmimi 9月聚會-晚飯吹水 >.< 睇妳地打保齡 OK

天藍下個月公司搬，ElainAiolia 24號後比較好，
咁不如我地9月聚會好嗎?


各位,
我地媽咪聚會定8月6日, 代大家覆實再定!!!

ElainAiolia

Dear all mami,
Please check e-mail ，因我剛o岩sent o左D練習比你o地。

626mama,
乜你唔記得呀 ？6/8之媽o米聚會係去花園街買圖案圖形機及順便食飯o麻，你仲有無好D o既意見？

pcdogxx,
我都無留低D物料比子聰第2時做勞作，所以一話要乜o野物料 (盡量唔拖)，就第一時間同聰爸及姑媽、姑丈周圍揾 ，人多好辦事o麻。

咁勁，連麵包都整埋，咁D麵包舖真係生意難做 ，等你入埋佢o地果行同佢o地爭生意至得 。

張相影得鈞渝好似黑o左好多咁，加埋佢紥o左頭髮，又真係有D似男仔o咼 。

你介紹果條link原來仲有好多食譜o架 ，正呀 ，唔該晒！

整label果度，D label唔知容唔容易甩色呢？

[ 本文章最後由 ElainAiolia 於 08-7-30 17:17 編輯 ]

ElainAiolia

Dear all mami,
我已sent o左子聰張畢業相比你o地，另外，我亦sent 埋協康會暑期班個timetable比你o地參考。

尋日塗鴉班last day有無D唔捨得呢 ？以後唯有搞多D聚會先得la。

我都想知6/8係邊度等及幾多點呀 ？

rlpyan,
旻旻好搞鬼 ，都唔算粗魯，咁細個，係咁o架la。


626mama,
唔該晒你幫我報名呀 。

天藍,
我唔記得問你hongmimi D o野幾多錢 ，仲等我果日一放完學比D o野hongmimi，佢問我幾多錢o忝。唯有6/8你o地二個自行搞掂 。

ElainAiolia

hongmimi,
尋日第一次上畫班OK o麻？我問過Miss Wong，匡匡而家上緊果班D同學同子聰上果時係一樣o既，佢話之前上緊個同學今個月無交學費、又無話要留位、又無打電話番o黎學校，所以匡匡可以上呢一班。匡匡上緊堂唔一定坐係度等佢o架，你二個可以去撐枱腳或者行街先，到咁上下先返去都未遲。仲有就係Miss Wong教我帶個大D o既膠袋去，因放學o既時侯好多時幅畫仲未乾，但攞住等佢乾又好麻煩，用個膠袋裝住，返到屋企先攞出o黎再吹乾會好D o麻。

9月份匡匡係全完堂返兒童崇拜係11:30 a.m.，我諗你要有心理準備會比較趕，因有好多時Miss Tse會遲o左放學，你o地要一個帶匡匡洗手，另一個聽佢解釋今堂學o既o野及匡匡o既進度，希望你o地唔會趕到C C o下。

另外，想話你知9月份，子聰同昊藍可能會改上畫班同英文班時間，都係星期六，但會早D，因英文班有多一個時段係12:45 – 1:45 p.m.，而畫班可能改前11:15 – 12:30 p.m.，但要等遲D Miss Wong confirm先得。

早幾日，你做o左2日揍仔婆有無做到個人散晒呀 ？

匡匡D想我收到la。

ElainAiolia

8月份活動
活動地點: 白石俱樂部 (有單車,風箏,bbq,攤位,手工藝/大人有麻雀,桌球)
http://www.whiteheadclub.com/

日期 : 2008年8月31日(星期日)
集合時間 : 上午
集合地點 : 暫定馬鞍山好嗎 (可以玩得耐D)？因沙田D車程只得下午先有
報名及人數: (撰擇地方排序)
1.  pcdogxx -------2大1小
2.  626mama -----2大1小
3.  ElainAiolia -----3大1小
4.  天藍 ----------2大1小
5.  hongmimi ------- 2大1小
6.  rplyan---------- 2大1小   

13個大人6個小朋友
撰定地點去白石俱樂部大家冇問題?
咁大家有時間去個網址睇下。

睇排序又個個撰，有以下四個:-大家請要再排序嗎?
2. - 白石俱樂部 - 有單車,風箏,bbq,攤位,手工藝/大人有麻雀,桌球, http://www.whiteheadclub.com/
6.西沙茶坐對面個沙灘放風爭捉蟹仔可以BBQ
7.珀麗灣玩沙 (荃灣西西鐵站搭船去或巴士)
9.- 嘉道理農場 http://www.kfbg.org.hk/

徐下三個地方，下次我地再去埋個三個地方都好喎。
~~~~~~~~~~~~~~~~~~~~~~~~~~~~~~~~~~~~
再唔係我地幾個媽媽就下邊日放工一齊去警察遊樂會打保齡球囉，唔知妳地有冇興趣呢，我都唔識打保齡，只係有得玩下，又可以傾下計。(時間,日期.地點全部侍定)

媽媽聚會(2):會暫定9月日期未定。-
1. 626mama --- OK
2. pcdogxx ----- OK
3. ElainAiolia ---- OK
4. 天藍 ---------- OK
5. hongmimi 9月聚會-晚飯吹水 >.< 睇妳地打保齡 OK
======================================================

各位,
我地媽咪聚會(1)定8月6日去買圖型機!!!
1. 626mama ----  OK
2. pcdogxx ------  OK
3. ElainAiolia -----  OK
4. 天藍 -----------  OK         
5. hongmimi -----  OK
6. whatever ------  OK

ElainAiolia

hongmimi,
已收到匡匡最新o既相。另外你介紹個好節目我相當有興趣，最衰我要返工，如果唔係，一定帶子聰去玩餐飽o者 。

匡匡第一堂返畫班個表現算好好la ，係呀，畫班D主題係逢星期日開始，若匡匡返唔到星期日，早3日通知及係果個禮拜揀番個時間補堂就唔使蝕la。我同天藍改上堂時間，係想就番多D時間去街 / 訓晏覺，匡匡同唔到我o地一齊真係可惜。

** 匡匡上緊畫班時，你o地可以同佢影相及拍video，但以唔影响其他小朋友及唔開閃光燈為主，D家長及Miss都OK o架。

626mama,
如果你星期日返婆婆度整亂間屋之後拍拍屁股走人 ，我諗軒軒一定要代母贖罪，就係比姨姨佢o地奴疫而C ，睇o下你捨唔捨得 。

你搞o左咁耐，原來本存摺無唔見到，你真係大頭蝦 。原來要開過a/c no.，D o野仲要轉過晒去，都幾煩 。

2005年我覺得男仔多過女仔o咼，可能我識親都係生男仔la。子聰對住陌生人影相係正經D，但係我o地同佢影相就 ………………..

我都唔知宏福幾時叫我o地交學費？

原來軒軒同鈞渝仲記得點樣打功夫，犀利，犀利 ！

ElainAiolia

8月份活動
活動地點: 白石俱樂部 (有單車,風箏,bbq,攤位,手工藝/大人有麻雀,桌球)
http://www.whiteheadclub.com/

日期 : 2008年8月31日(星期日)
集合時間 : 上午
集合地點 : 暫定馬鞍山好嗎 (可以玩得耐D)？因沙田D車程只得下午先有
報名及人數: (撰擇地方排序)
1.  pcdogxx -------2大1小 我冇乜所謂, 不過因為如果係多野玩既會唔會早d去好d呢?  我10:00都得架喇..
2.  626mama -----2大1小  11:00 會唔會早得制呀各位
3.  ElainAiolia -----3大1小 10:00我都無問題
4.  天藍 ----------2大1小  10:00我都無問題
5.  hongmimi ------- 2大1小 我都無所謂，早d通知畫班上唔到，應該可以改期插人地果堂掛...
6.  rplyan---------- 2大1小   無所謂10:00-11:00都OK


all mama,

想問下暫定係馬鞍山邊到等, 我睇下青衣有無巴士
去馬鞍山先~

** 我諗要問626mama馬鞍山架車係邊度上車至得。

ElainAiolia

各位,
我地媽咪聚會(1)
日期 : 8月6日去買圖型機!!!
時間 :
地點 : 太子地鐵站(去花園街係聯合廣場出口應該最近，不如就係一出閘處等齊人先上地面好唔好?)
1. 626mama ----  6:30
2. pcdogxx ------  
3. ElainAiolia -----  6:30 或之前
4. 天藍 -----------  6:30前         
5. hongmimi -----  6:30
6. whatever ------  

ElainAiolia

Dear all mami,
而家巳掛3號風球 ，亦大風大雨，聽聞聽日個風最接近本港，有可能改掛8號風球，明天約會睇天氣再電話聯絡 。

天藍,
唔使客氣la，既然大家係朋友，有筍o野一定預埋 / 通知大家o既 。

我都希望轉英文班及畫班，子聰可以再同昊藍做同學仔呀 。

626mama,
你買個焗爐，你99會唔會唔仲意o架:;pppp: 。

知你者莫若軒爸呀 (有關存摺事件) 。

hongmimi,
喂，匡匡畫班果度有個女仔叫柔柔，佢又係成日好大力練D廣告彩，所以佢阿媽話買D細支D，等佢唔好咁晒o野，你試o下睇o下個size o岩唔o岩，如果o岩，可以問佢係邊度買呀。但而家果隻size如果邊隻顏色無，可以係番畫班果度單一支買o架。

pcdogxx,
你去o左邊呀 。

ElainAiolia

Dear all mami,
有無人想買有關奧運福娃D o野，因我星期日會入去奧運村返工，果度有D福娃o既貼紙可以印係皮膚上面，亦有萬花筒、紙製望遠鏡、磁石貼、毛巾仔、杯等，價錢梗係有少少貴，但免強可接受，若有興趣，可打電話比我問o下價錢o架
我o地個約會是否改為下星期，我下星期12/8、13-14/8 (返夜，但未知時間) 及15/8都OK，未知你o地點呢 ？

hongmimi,
你boss咁鬼乞人憎o架 ，阻住晒D休息及吞卜時間 ，我上司反而唔會lunch煩我o地，因佢要午間小睡 ，佢求之不得我o地唔好嘈住佢o忝。

多謝你個馬豆糕menu，等我得閒落下廚先 。

點解係我唔得閒o既時候，有咁多好o野介紹o架，我都想帶子聰去MegaBox同多拉A夢影相呀 。

ElainAiolia

pcdogxx,
鈞渝個驚險意外，搞到我一度睇、一度驚 ，好彩最後都無事 。其實聰爸有時都會話我搞到子聰仲好似好細個咁，乜都剪好晒、挑好晒比佢食，搞到佢依賴晒。但我擔心亦無錯，因為我細妹讀K3時，我阿爸已經覺得佢好大個，所以比o左個一蚊比佢買山揸餅食，最後山揸餅就無得食 ，只因佢吞o左個一蚊kick住係喉嚨唔上唔落，終於搞到要入醫院用喉吸番個一蚊出o黎，個醫生仲話好彩個一蚊吞到去喉嚨係打直o乍，如果打橫，佢已經窒息C o左la 。從此，每逢我見到D小朋友玩緊D好細粒o既o野，我都好似過份緊張咁 ，唔比佢o地玩，怕佢o地吞o左落肚。你以後小心D鈞渝D飲食la 。

上畫班唔使3歲都可以上o架。聽日，我同天藍帶昊藍、子聰返學時，幫你同626mama問埋，即刻報埋料比你o地都仲得 。

626mama,
畫班係一個鐘頭零＋五分鐘o架，如果上11:30 a.m. 果班，上完係 12:45 p.m. o岩o岩好可以去食飯，我覺得呢個時間幾好呀。

温叔叔打o左電話比你未呀？我仲未收到，唔知校車經唔經我果度呢？

pcdogxx / hongmimi,
鈞渝、匡匡返o左學，記得上o黎報料呀。

ElainAiolia

天藍,
我仲未得閒去Agent度揾工人 ，但以正價請工人，通常Agent都會叫你請D做過o野會抵D ，乜真係有咁多工人比人炒o左滯留係Agent度o羊。我都好似你咁怕佢o地多電話 、個人又心野，都不知點算好。我表妹 (有2個小朋友，一個就o黎4歲、一個6歲，平時有我姑姐幫手睇及煮飯) 已做o左個無良僱主:;pppp: ，唔關僱傭稅事，只因佢請個工人係未曾做過o野，做o左2個幾月都仲係話極唔聽，經常黑口黑面唔在講 ，仲湊唔掂果2個小朋友，見到佢o地打交當睇唔到，D餸剩係叫佢洗同切，唔使佢煮都搞唔掂，我表妹見就o黎到3個月，o米即刻補機票換o左佢o羅。比著我實煩C 。

ElainAiolia

Dear all mami,
我未知下星期返工o既時間，要你o地就我真係唔好意思呀 ，等我一知道返工o既時間，再話你o地知邊日得呀 。

我又prepare o左D奧運小禮物比你o地D小朋友 ，下次mama聚會我會攞埋出o黎比你o地，大家千祈唔好客氣呀！

pcdogxx,
鈞渝張新相好正呀 ，子聰都忍唔住講o左句：「小鈞渝好靚女呀。 」 (絕無吹水)

有無去到megabox影相呀？

鈞渝咁心急返學唔理你衝o左入去，不過都係好事，總好過佢扭計 。

626mama,
點解你個爐無聲氣o架 ？

pcdogxx / 626mama,
我同天藍已經係畫班度幫你o地留o左位，係星期六 11:30 a.m. – 12:45 p.m.，但因暫時未有位，要等有空缺先再通知你o地，我已留o左軒軒同鈞渝個名及你o地個手電比畫班果度，一有位佢o地會通知你o地，我亦會幫你o地留意o下。