07-08年宏福幼兒園媽咪繼續入o黎傾~(PART III)~歡迎新朋友加入

hongmimi

報到~

天藍，生日快樂~
妳行運嘛~ 天公梗造美! 昊藍又成功入到第一志願! 祝妳既行運延續、行運行到腳指尾…好快又有好消息~


626mama,
真係嚇C人...俾我都會同pcdogxx一樣走去幫佢...原來佢係衰人…真係有驚無險~

ElainAiolia，
唏~ 我都係咁諗呀~ 費時見到我地眼冤...嘻嘻!

各位，
唔好意思，呢排日頭可能會小d上黎...公司又有野攪作...

hongmimi

天藍,
係咪掛住我呢? 嘻嘻~妳都上少左黎，原來老闆係公司~ 我都好想同大家吹水呀~ 其實我都有偷雞上黎, 但實在要快上快閃~ 都吹唔到咩水~  
我公司分別星期一同二 兜左兩個同事, 好驚, 唯有低頭做野唔敢問...所以我要小心d囉~~
如呢幾日有緊要事妳地call我啦~ 最多扮晒講公事咁細聲d講都ok既~

hongmimi

ElainAiolia，
其實佢地被兜係有原因(做錯事)，其中一個都做左11年喇! 雖然唔關我事，但風頭火勢個個都好小心。

聰爸霸住電腦係有目的架! 佢想妳多d休息，咁妳病先會快d好嘛! 唔...好窩心! 妳記得多飲暖水，快d好番!

原來子聰係捽眼捽到敏感~ 係呀，匡匡上次都係。上次天藍教我用「白菊花」煲水幫匡匡「夫」眼，對眼仔會無咁痕~ 妳可以試下，不過唔知子聰係咩原因眼痕捽眼呢? 因上次我試左都唔得，後尾婆婆話如係「眼熱」(熱氣)用「白菊花」就得，但匡匡係因濕疹而引起眼痕就唔得囉!

妳個工人姐姐真係呀!無大無細! 妳唔再續佢「係岩既」!

626mama，
妳公司成日要妳「應酬」，一買要買一盒『醉仙』妳都可以買定「看門口」嘛~不過講真『醉仙』都未必個個work，因我結婚時匡爸d兄弟「拍」左，最後都醉同到飛起!

軒軒會唔會係d感冒菌係腸胃攪鬼呀? 佢無乜胃口，等佢清下腸內d菌先慢慢食番多d野啦~ 而家就要清清地喇~

天藍，
唔知昊藍(同軒軒)d咳係病後未斷尾定好似匡匡咁係「氣管敏感」呢? 事關匡匡有「敏感」底，一出一入冷氣地方，接受唔到溫度既轉變，氣管會痕起黎，變左我地以為佢又咳。而家婆婆會留意，每逢行出冷氣房就叫匡匡用手蓋著鼻一陣，避免吸入差得太多溫度既空氣，等喉嚨慢慢適應好先放開手，希望佢氣管會舒服d。

pcdogxx，
多謝晒妳幫我搵d書，我$800咋，嘻~ 學廣告話，而家真係「慳得一蚊得一蚊」!!

hongmimi

天藍，
我地唔同學校都會有好多機會見面嘛~ 況且，就算而家我地唔同學校我都覺得係”好完美”、無遺憾呀~ 因我地大家都找到心中理想嘛~

唔好講”指教”，我係”口水婆”一名，一係唔講，一講就唔停，要多謝妳(妳地)咁有耐性聽我發噙風就真~


唔係…唔係…我要多謝你之前講俾我知，我用左婆婆先出聲話匡匡唔係熱氣，我話佢做乜知道又唔早講，佢先話：我初時都以為佢係眼熱嘛~ 哈哈~ 擒日公公將d"白菊花”+”金銀花”煲水俾我地飲清熱氣~ 無嘥架~ 嘻~

小朋友病真係好好好煩，絕對認同~


妳話送晒d野俾我地，二手既我要多謝妳先，妳咁好人好心地，我點會厭棄~ 但新既校服都係妳真金白銀買既，無理由要妳送俾我地嘛~ 妳做乜唔試下放出去?

至於書本方面，我地上星期寄左散買書單同支票出去啦~ 多得pcdogxx幫我問到個媽媽攞左二手書，有d好新淨，我呢個懶人就”坐享其成”，有妳地對我咁好既好朋友，我真係覺得好幸福呀~ 好感動…嗚嗚嗚… 原來妳既書有d同我地一樣呀? 係邊d一樣呀?

另外，pls check pm~

hongmimi

ElainAiolia，
原本所有書連碟要$1900幾，而家我唔買d碟，又有d二手書，只係$800咋(全年)，妳話係咪慳好多?
係呀!我對pcdogxx簡直係...無言感激~ 妳地個個對我同匡匡真係好好相反我次次都幫唔到手....

hongmimi

whatever，
發燒但好精神、無其他病徵...原來toto係出玫瑰疹...放心，退左燒、出晒d疹就無事喇~ 仲會終生免疫，唔會再出添~
匡匡好細過已出，但連日低燒後只係肚皮出左2粒咁大把...

hongmimi

ElainAiolia,
多謝晒妳既好介紹我知有呢個blog因我細佬係佢忠實擁躉!個blog主真係好有心機呀!!

原文章由 ElainAiolia 於 08-6-23 23:26 發表
Dear all mami,
我有一個blog好想介紹比D mama睇好耐la，你o地得閒上去睇，我覺得佢好有心機 ，但我唔識個blog主：
http://hk.myblog.yahoo.com/mami-mama

hongmimi

626mama，
記得上星期上功夫班，軒軒話病到無力打功夫，點知一出到門口見到遊樂場設施就「好有力」咁琴上去玩，諗地都好笑!!

不過點解佢又嘔過架? 會唔會係d菌未清? 軒軒要快d好番，開開心心開生日會，食多d野嘛~ 生日會幾時舉行呀?

匡匡同軒軒一樣食開日本奶粉(匡匡食森永)都係話食到3歲，我都係到諗洗唔洗轉奶粉。我就仲有3鑵森永，都頭痕諗梗入唔入貨，因妳都知一訂就只少一箱八鑵。

我係bk睇到有d阿媽話食日本大仔奶粉可以照食到4歲以上都得無問題，因日本奶粉比較淡，有d一轉香港奶粉太甜唔適應。

我認為如手頭仲有日本奶粉存貨當然食埋先，無問題既。但長遠都要諗轉飲邊款助長奶粉，因始終到唔同歲數要既營養都唔同。軒軒近排身體唔舒服，唔好幫佢轉奶住，免得唔適應。

我同事俾仔仔轉食「雅培保兒加營素」，話自從仔仔轉食後「生肉」左好多，不過就幾甜，唔知有無細細鑵買黎試下。同就算試都要逐少逐少轉，如早晚分別食日本奶粉同保兒加營素，食好一段時間先完全唔飲日本奶粉。我仲諗梗轉唔轉…

hongmimi

ElainAiolia，
收到妳pm資料，唔該晒! 原來『音統處』要六歲以上先join得，咁我記低d資料先。另外兩間學校既資料都唔該晒! 「音x」我之前都有留意(近黃大仙嘛)，不過我覺得呢間學校岩女仔多d(個人意見)，佢而家學費$3,900一個月包學一樣樂器，如果本身小朋友學開樂器(例如學梗鋼琴)都ok架~ 加上佢英語程度都唔錯。

係呀! 擒日匡爸未夠七點返左工喇! 出門口時拍醒我講仲係八號風球，驚我朦查查返錯工，唉! 唔洗返就咪鬼叫醒我啦! 妳呢? 妳office係咪八號唔洗返? 妳就好啦! 可以同子聰多半朝相聚時間!!

唔知係咪好耐無見子聰呢! 感覺佢又大個仔左!! 匡匡依然係小bb一名。

hongmimi

天藍，
擒日返工都唔算好迫，地鐵日日都係咁架喇!所以都習慣晒!

我公司情況可以話穩定左d，不過大老闆個面口仍然都似呢幾日個天咁樣，都係小心d好!

既然妳「心意已決」將d好野送晒俾我地，我地都唔客氣喇! 無論肥定瘦既昊藍仔都咁可愛呀!嘻!!

多謝妳通知「x華」既簡介會資料，妳地個個都係好媽媽，咁快周圍撲小學既料，為心愛既仔仔舖路。我對呢間學校都有興趣呀! 但妳選既時間我要帶匡匡去協康上堂喎，等我問清楚匡爸再通知妳我會唔會去聽簡介會，有妳做伴我都想一齊聽呀!

hongmimi

pcdogxx，
妳出trip去到山卡啦咁遠，真係掛C我……樓上個鈞渝妹妹同渝爸喇!

嘩! 真係要叫妳個工人小心d，下次遇著咩情況都唔好將鈞渝過手俾任何人。學天藍話，書包大大個名係度，實講得出個名。雖然可能係妳地認識既人，但亦可能係拐子婆，或者係痴線婆都唔定嘛! 總之要小心!!

不過我都試過將匡匡交到另一個唔識既女人手，果時匡匡大概3個月，我手抱住匡匡一個人出街，行到巴士站發覺自己甩左鞋帶，心諗唯有小心d行、上左巴士先算。係呢個時候有個女人拍我話我知我甩左鞋帶，仲話幫我抱著bb一陣，見佢咁好心，我過手俾匡匡佢抱，拿拿聲整番條鞋帶，好彩佢都係好人一名，但之後同婆婆講就俾佢鬧話我唔岩咩情況都唔應該交個仔俾唔識既人。

hongmimi

打左好長既回覆…等左一日…終於可以post出黎…
舒服晒!

hongmimi

626mama,
原來軒軒真係「無力」…係咪「絕食」左幾日「無力」呀? 真係唔好意思，誤會晒!

軒軒重視生日會既大日子，咁怏諗定著咩衫，幾時生日會啫?

626mama/ElainAiolia,
我睇左好多bk媽咪講，有d食左生肉、有d無乜反應，但普遍都話強壯左、小左病痛。

我同事囝囝5歲喇! 所以無溝其他奶飲，照我所知1歲以上可以飲用，溝落本身食開既奶粉度都ok。

佢囝囝食開A+(算叫甜)，轉食保兒加營素覺得係「超甜」，佢形容係「好似Cappuccino上面d cream咁」，不過佢囝囝好鍾意。我聽到都驚太甜，怕匡匡食開森永(日本奶粉中最淡)會唔慣唔鍾意。

另外我有個同事，囝囝3歲幾，食開日本奶粉都無轉到繼續食。

ElainAiolia,
子聰食開邊隻? 佢隻牌子有無3歲以上配方? 如妳真想試，我覺得先溝黎食好d。
匡匡咪仲奀 而家都係得果28磅咋! 仲要係呢幾個月1磅都無重過! 唉! 點解一d都唔似我咁「易肥」個個月都有增長!? 咁究竟我地d小朋友係普遍「較瘦」定係岩標準呢? 因子聰差唔多3歲半=32磅；軒軒3歲=30磅；匡匡2歲半到而家=28磅…每隔半年就2磅…又好似幾岩比例喎! 嘻嘻!!
吓!妳大大大老細咁都有架? 唔係講明stand-by既咩? 咁咪即係要罰留堂?

pcdogxx,
妳唔係今日返香港咩?

hongmimi

ElainAiolia，
我都識d小朋友讀梗「音X」，有個男仔黎既過埋暑假升小二咯! 佢本來住屯門，一考到就搬左出黎黃大仙。佢係學校學梗「管弦樂」不過我唔知佢學吹d咩。

妳對呢間學校有興趣?

pcdogxx，
嘻嘻! 而家就梗係遠啦! 但如果妳真係有興趣，考到咪搬囉! 我有個男同事住荃灣愉景新城，佢個女係「音X」讀唔知小四/五喇! 咁多年都係日日搭校車返學，鍾意既唯有辛苦d，無計啦!

hongmimi

ElainAiolia，
子聰食3號金裝美素樂唔係好鍾意佢雲呢拿太甜，咁我諗佢都會怕左「雅培保兒加營素」既「超甜」味，原本有朱古力味架，而家只出雲呢拿味。 妳話果隻日本明冶大仔奶粉係唔係9個月至3歲果隻? 定係3歲以上架?

626mama,
我都岩岩想問妳，軒軒星期六生日係沙田開生日會咁會唔會返塗鴉班? 好嘢! 有得見到壽星仔! 咁星期六見啦! 今日學校生日會開心嗎?

pcdogxx，
多謝晒妳d楊梅，我咁大個女都未食過新鮮楊梅，好在ElainAiolia教我用鹽水浸左先食，因我實在未食過唔識。雪到凍冰冰咁，好甜…不過太多啦! 食唔晒…剩番既都濕到爛左。

嘩!乜嫲嫲屋企d蚤咁犀利架? 咬到鈞渝手手腳腳無忽好…叫佢買d「杜蚤蛋」焗下去啦! R損晒攪到有疤就C火…第日大個參加香港小姐要靚嘛…

天藍，
好嘢!星期六可以見到昊藍，我同匡匡都好掛住昊藍呀! 仲有，成日聽到妳地返公公婆婆到，就有d掛住我既舊居…我同匡匡每次搭車上嫲嫲到都望住層樓…果度係我同匡匡長大既地方…好懷念呀!

妳打算同昊藍去千色店個頭買鞋，係咪返新學既鞋呀? 要黑皮鞋同白波鞋各一對? 我同pcdogxx果間都未知詳情呀! 可能等到19號先知。

hongmimi

各位，
真係唔好意思，因公司既問題，最近無上黎吹水，搞到我個人都out out地…

626mama,
多謝妳份禮物，前排我正想買個簡單既旗俾匡匡，想訓練下佢d專住力…咁岩妳就送俾我地，真好!

軒軒好好呀! 自己出聲要上堂，我問匡匡下個禮拜又去學畫畫喇，佢又話唔鍾意喎! 呢個人做咩都唔合作…

我好耐之前都自己跟著食譜整過Tiramisu架，貪佢唔洗用焗爐嘛! 果次我落左好多酒，拎返公司個個酒鬼都話好食…我好少整蛋糕之類既食品，因匡爸麻麻地…匡匡一歲時我係一個DIY上樓舖整左個要焗既蛋糕開party。

ElainAiolia，
匡爸都鍾意食Pizza架! 我自己就麻麻，妳話Pizza Box好食，咁妳同匡爸口味都差唔多喎! 佢公司開親party都叫Pizza Box，個個都話好味。有次我地屋企開，匡爸叫黎大家試啦…但我屋企人就話麻麻，可能佢地食慣Pizza Hut果d厚批。

匡匡d「痴纏」簡籍攞命，所以當匡爸係度時，我就交晒俾佢，自己休息下…

天藍，
多謝晒妳咁慷慨送俾我d校服呀! 咁重，真係麻煩晒妳同pcdogxx啦!
原來我個舊居仲未有人搬入去呀! 吓…果時我地一走佢收番就重新裝修，我地仲以為好快有人搬入添!

舊時我都有整下壽司等小食架! 最鍾意整芒果布丁同馬豆糕，一個匡爸最愛、一個婆婆最愛。

pcdogxx，
我細個公公都係教我地用冷飯禁爛喎! 生粉加水真係第一次聽! 嘻嘻! 估唔到都得。真係只要肯嘗試，萬事皆可能。

多謝妳d愛心蛋糕同曲奇，匡匡同匡爸食曲奇、我就食個濃濃朱古力蛋糕，好好味!
第日匡匡返學d蛋糕曲奇就麻煩晒妳啦! 哈哈!! 講真，妳真係好鬼叻既啫!! 妳咁有興趣整下野食，生活咁充實，又點會悶呢?

嘩! 好在妳提我啫! 我真係唔知今個星期六唔洗上堂呀! 即12號呀? 唉喲! 差d攪錯! 唔該晒妳提我呀! 我一直都無留意到有一堂係skip，我之前仲同天藍講要帶匡匡上堂唔去得聽12號個直資學校下午既講座添! 妳話我係咪發夢呀!!

hongmimi

pcdogxx,
初時無得上黎吹上我真係唔習慣...而家都慣左d...不過我唔係退隱江湖架... 妳地搵我時我會隨時上黎傾...

原來個個都鍾意食馬豆糕喎...等我返去搵個食譜出黎先...我屋企人話我整野食整得最好味就係呢樣...(即係其他都唔好味... ) 不過我都好耐無整喇...
妳d曲奇餅廚藝好好呀!唔怕匡匡同鈞渝茶點冇著落...

星期六我12:00呀! 妳幾多點? 約埋囉! 攪完都食lunch，之後又趕返黎上堂。


各位，
恭喜大家既小朋友返埋星期五就完成nursery既課程喇!大個仔大個女啦! 祝各位升上K1後繼續努力，做個好孩子!!

hongmimi

pcdogxx,
唔洗用大菜同魚膠粉，用粟粉可以。

thank you晒妳果本野~~

妳又12:00? 真係咁岩key… 打俾妳再約~

匡匡學校N1無畢業典禮，佢咪同妳地一樣返埋聽日囉~ 佢聽日都一樣著便服，因為適逢每月既生日會，學校承機變做bye bye會。我前幾個星期都孖匡匡一齊整左張咭，諗著聽日叫匡匡送俾校長、老師同嬸嬸們，d嬸嬸錫到佢燶，實唔捨得。

天藍，
經過我幾個月來既長氣講講講，匡匡都接受左第日唔返呢間，返第二間呢個事實。而家問佢：第日返邊間呀? 佢都噙得出個名。放心，昊藍一定鍾意第日間學校，佢係快樂小皇子嘛!

hongmimi

天藍，
傻既…我走開會再返黎嘛…點會咁恨心唔同妳傾計啫~

唔好講指教，我咩都唔識…淨係識呢樣…不過都試過失敗…d馬豆真係要用多d水煲好耐下…之前仲要浸半個鐘添…等我搵到個食譜先一次過同妳地講啦…

hongmimi

原文章由 626mama 於 08-7-17 17:44 發表
嘩........我昨天勁悶有人得閒傾，今日唔得閒妳地................有排復囉。