想問2008-09 準小一家長講座

goodbaby

我啱啱收到封信話要o係7月5日下午返李忠德聽講座, 但係好唔好彩, 阿仔又o係o個日畢業禮, 雖然我知道o個日只係去聽課程理念同學生/家長分享, 但係我都好想去聽... 唔知道你地知唔知道係咪真係咁重要呢, 如果唔聽會唔會對我影響好大呢?  我打過返學校問話唔會有資料比我, 又唔可以改期... 而我又一定唔會放棄阿仔個畢業禮... 所以都唔知點好... 請問有冇以往o既家長出席過呢個講座可以比o的 意見我呀?  唔該晒你地先...

家熹媽咪

原文章由 goodbaby 於 08-6-16 18:00 發表
我啱啱收到封信話要o係7月5日下午返李忠德聽講座, 但係好唔好彩, 阿仔又o係o個日畢業禮, 雖然我知道o個日只係去聽課程理念同學生/家長分享, 但係我都好想去聽... 唔知道你地知唔知道係咪真係咁重要呢, 如果唔聽會唔 ...

Goodbaby :

唔好太擔心 , 我個人意見 , 阿仔畢業禮一定要出席 , 能夠睇倒佢喺幼稚園階段行畢業禮係最大既福份 , 千其唔好放棄 !

至於小一迎新會 , 內容主要係講及課程 , 介紹各級班主任或老師 , 亦會有校長演講 , 更會略帶講解小朋友升上小學後既轉變等 ... 我唔會講得係唔重要 , 但如果上唔倒 , 就絕對唔會影響你小朋友將來讀書 , 所以 ... 唔好唔開心唔能夠出席 ...

你亦可以喺7月5日之後 , 上嚟BK 問返有去聽既媽咪 , 我相信大家都會好樂意話你知架 !

goodbaby

家熹媽咪,

真係好多謝你o既意見... 我諗我都可能真係唔會去聽啦.. 但係你知唔知幾時先會知分班同埋班主任o既分配呀... 仲有就係買書同校車問題..???

家熹媽咪

原文章由 goodbaby 於 08-6-17 12:07 發表
家熹媽咪,

真係好多謝你o既意見... 我諗我都可能真係唔會去聽啦.. 但係你知唔知幾時先會知分班同埋班主任o既分配呀... 仲有就係買書同校車問題..??? ...

goodbaby :

佢地好遲先會出編班表架 , 你大約預佢8月中至尾啦 ! ^^ 班主任就會係你開學前班主任會打比你架 !

書同校車真係冇咩印象 , 都好似係8月份既事 ~ 不過放心 , 到時都會書面或電話通知你 !