請問官塘"基顯"係咪一間好好嘅小學?

文謙媽咪

如題

ling媽

學校好唔好見仁見智，要視乎家長點睇，要小朋友讀得開心，還是要吹谷成績呢。我囡囡讀緊基顯P1，學校校風純樸，採活動教學模式，不設精英班，倡家校合作，歡迎家長給意見。全年考試測驗各兩次，功課量不多，小朋友讀得開心；學校提倡學習多元化，希望小朋友長大後學有所長，可以融入社會。上個月基顯開放日，唔知你有無去睇過呢？見到P3同學已可以出來present project，之前聽校長講專題學習時d同學走去訪問佢的烏龍事，開放日時d同學如何招待來賓，希望我囡囡第時都可以做得到。另外值得一提係輔導學生方面做得幾好，我曾經打電話同輔導主任傾關於囡囡的情緒問題，佢地好樂意提供意見同輔導，仲會跟進個案添，我幾滿意。

希望以上資料幫到你啦！