馬鞍山頌安村西華3完c字會幼稚園的不公平對待

MARSTEN

本人小朋友正在普通幼稚園就讀k2,經早期訓練姑娘建議最好多讀一年k2的全日班會對仔仔既自理同社交有幫助

所以上星期去左呢間馬鞍山頌安村c字會幼稚園,真名就唔講啦..
我已經重申今個星期五前要知道佢地收唔收我個小朋友,佢地要我小朋友暫託數小時睇下仔仔既遲緩情況,好啦,託就託啦...託完一日,佢又話主任唔係度,要我仔仔再去託多半日,我都好合作啦,又託多一日,託完我問佢地幾時先知,佢又話要同主任開會,我琴日等到差唔多8點,忍唔住打去問,佢又話主任唔得閒開會,要明天先覆...

好啦,今早終於等到佢覆,竟然答左等於無答,話排就排左隊,不過要7月頭先至通知得唔得,叫我多d俾小朋友去暫託,了解學校,又俾老師了解下佢,我真係火都黎埋,成日叫我暫託做咩啫,我想仔仔去讀唔係要佢地既暫託服務,唔好浪費我既時間啦,得就得,唔得就唔得

我著哂火咁問佢,"咁你成間學校咁多學生,係咪個個都要暫託咁耐先可以入黎讀呀?"...個陳老師話:"因為仔仔情況特別d, 所以我地通常都會咁安排"....我真係好奇怪一間西華3完既屋村學校都要咁嚴謹去收生,還是佢地一早都唔想收而玩我地兩母子,咩叫做有教無類,奉勸各位發展遲緩既小朋友千萬唔好去呢間學校讀,只會一肚氣

可能因為佢無咩雜費,所以係咁叫你暫托賺錢,入唔入到又另作別論,唔好俾佢浪費你地既時間

[ 本文章最後由 MARSTEN 於 08-6-12 13:32 編輯 ]