大坑道真光幼稚園家長請進~

ingrid-mama

Swan,
想請問你小朋友有冇join其他課外活動?eg.英文
我有朋友話True Light英文唔係幾好, 叫我一定要join出面d英文班
叧外想問下白色外套若果有d有colour公仔可唔可以著返學呢?
唔好意思  

Swan

ingrid-mama ,

我囡囡有參加出面的課外活動, 不過是畫班, 英文班仍未開始.
您朋友說得對,真光英文的確唔夠,K2才教A-Z,並會教發音,不過佢都有些英文及其他課外活動在星期六校內舉行,您可以睇下.
我想白色外套有colour公仔應該唔可以著返學, 我都係買純白色比囡囡.

ingrid-mama

Swan,
我今日都有問外套有colour公仔可唔可以著返學,老師話唔好,一定要白色喎!冇辦法啦,又要買
Thanks你的提意,我會留意下學校的課外活動

啤梨,
我今日有留意,唔知妳係唔係姓"譚"呢?
係唔係兩公婆一齊同囡囡開學呀?

啤梨

ingrid-mama,
係呀~ 我o地一家今日真係十分觸目 ﹐ 我都有留意妳地呀~ 因為杏花村得妳地上車

ingrid-mama, Swan, WongCW﹐ bb2001 & all,
我囡囡脾氣好大﹐ 今日比佢搞到我好 ﹐ 食茶點既時候又心急唔肯祈禱﹐ 又同小朋友爭玩具 ﹐ 唉~ 我奶奶就話囡囡係“蝦”我地﹐ 平時我地兩公婆返左工﹐ 佢又幾聽話喎﹗  我發覺囡囡既情緒好容易波動﹐ 本來好地地﹐ 轉頭又會突然“發難” ﹐ 真係要請教o下老師點樣可以教好佢。  

  

Swan

啤梨,

唔使太擔心,老師好有經驗,會教小朋友分享, 您會慢慢睇到小朋友轉變。

WongCW

啤梨,

我都唔得妳好多咋, 佢又要玩玩具, 個個坐到聽先生講野, 今日好d啦, 因我帶埋亞哥一齊陪佢返學, 無咁    呀.

WongCW

swan,

妳小朋友讀邊班呀

Swan

WongCW,

我囡囡讀下午善班 :

WongCW

swan:

我女讀幼星呀   

邊個係班主任呀, 我仔都係讀真光呀, 而家讀緊小學p2啦.     

chaumama

My daughter is in the afternoon class, how do you feel about the 'School Bus" arrangement. The school bus (Kwun Chung) itself differs in the first 2 day.  First day is a small bus and second day is a big school bus. Even the driver is not the same. Kind of strange???

啤梨

Swan & WongCW,
多謝妳地呀﹗ 我尋晚同囡囡o係屋企玩過食茶點﹐ 佢今日食茶點時肯祈禱喇~ 不過佢對返新學校有D緊張﹐ 間中會同我講佢好驚想我抱﹐ 而有幾位老師都分別同我傾過﹐ 其中有一位老師安慰我﹐ 同我講每年新入學都有好多唔同表現既小朋友﹐ 唔係個個都可以坐定定﹐ 叫我唔好將囡囡同其他小朋友比較﹐ 要比較就同自己比較﹐ 睇o下佢有無進步﹐ 聽完老師咁講﹐ 加上囡囡發脾氣時老師都有方法好快平伏到佢心情﹐ 我依家都安心左好多。

chaumama & all,
我囡囡兩日都係坐大既校車﹐ 不過司機就肯定次次不同﹐ 而個保母都講明話唔好認司機or校車﹐ 要認住佢﹐ 因為司機同校車會經常唔同 ﹐ 我最擔心係兩日放學時坐既校車都無安全帶﹐ 而我地今朝問個保母﹐
個保母竟然答 ﹕ 唔係架架車都有安全帶,  唔裝得咁多o架麻﹐  
(另一位爸爸問 ﹕ 落斜時好危險喎~)
保母再答 ﹕ 無安全帶果D, 我會教D小朋友用腳撐住前面   ﹐ 無問題既﹐ 我地做左十幾年  
唔知得小朋友坐既時候﹐ 個保母既服務係咪同呢兩日一樣﹐ 會唔會幫小朋友帶安全帶呢﹖ 行車時會唔會行去後面睇o下D小朋友呢﹖ 真係好擔心﹐ 聽日要同學校反映o下!

Swan

啤梨,

"司機就肯定次次不同﹐ 而個保母都講明話唔好認司機or校車﹐ 要認住佢﹐ 因為司機同校車會經常唔同" 司機就肯定次次不同﹐ 而個保母都講明話唔好認司機or校車﹐ 要認住佢﹐ 因為司機同校車會經常唔同"
我都不太滿意這點,一來怕司機揸的手法不同,二來又怕不夠穩定,不過,賓賓話返學司機是同一個,但返學就不同,SO FAR, 都無問題,TOUCH WOOD!

"坐既校車都無安全帶﹐ 而我地今朝問個保母﹐
個保母竟然答 ﹕ 唔係架架車都有安全帶, 唔裝得咁多o架麻﹐
(另一位爸爸問 ﹕ 落斜時好危險喎~)
保母再答 ﹕ 無安全帶果D, 我會教D小朋友用腳撐住前面 ﹐ 無問題既﹐ 我地做左十幾年"
上年都有家長同冠忠講無安全帶,佢地話巳在陸續加上,間中囡囡會坐到有安全帶的校巴。個保母的態度係敢架，不過佢會依您要求盡量做，佢地會安排幼兒班坐前面，高班的坐車後，方便睇住小朋友。

WongCW,

囡囡是低班岑先生教，您仔仔讀小學啦，覺得好唔好呢？

WongCW

啤梨, chaumama,

我唔駛搭車呀, 所以唔知d情況係點, 真係sorry啦   

chaumama,
妳女讀邊班呀, 我女讀幼星呀, 係咪同班呢   

Joanna媽媽

Hello, 各位真光媽媽, 大家好!我囡囡是幼真班學生(藍組),
搭5號車,請大家多多賜教!!!!

Thank You !!! :  

ingrid-mama

Hello, 各位媽媽
真係想分享下呢幾日迎新日
我覺得學校安排得好好,另我都放心阿女
好似茶點咁,第一日食三文治;第二日食香腸飽;而今日食餅乾
至少唔會日日係餅乾咁熱氣
另外,每班有三位老師對30位小朋友,平均1:10,都算幾好
但係都有d擔心校車方面,到全體開學果日,唔知個保母係唔係真係照顧到d幼兒班小朋友  

bb2001

唔知你地有冇attend個家長會？
我唸因為真光有幼稚園、小學、中學嘅關係，佢地同家長嘅聯係攪得好好。如果一心唸住比小朋友係度讀上去嘅，真係唔錯，你會好了解小朋友係學校嘅情況。

啤梨

各位﹕

我整理左大家既資料﹕

幼真班﹕
bb2001 - 仔
Joanna媽媽 - 女 - 藍組 - 5號車

幼光班(戚先生)﹕
啤梨 - 女 - 藍組 - 4號車
ingrid-mama - 女 -  綠組 - 4號車

幼星班﹕
WongCW - 女

低善班(岑先生)﹕
Swan - 女 - 4號車

小學:
Mrs. Lee - 女 - P1
WongCW - 仔 - P2

Chaumama - 女 - 下午 (係邊班呀﹖)

ingrid-mama

啤梨
Thanks!
容易睇好多

MrsLee

啤梨
多謝你計埋我

真開心今天有這麼多小朋友的媽咪都在這兒相認。

校車問題真係幾頭痛，但亦是一個給小朋友段練的機會。放心啦 ))))

英文是教得慢些，但我個人認為學好自理、性格陪養等更為重要。如果想英文好些，不防在外邊上補充班吧 (我囡都有)

希望大家積極點，自薦做家長代表。你們的投入會令小朋友更容易投入學校生活，你們又更清楚學校運作及可直接向校方反映意見。加油吧 )))))))    

啤梨

Swan, ingrid-mama & all,

校車方面﹐ 我同老公都有諗過冠忠已經做左十幾年﹐ 如果係有問題﹐ 應該唔可以繼續承辦到﹐ 而o係星期五個家長會﹐ 冠忠既代表話大約9月中左右﹐ 每條路線就會安排返同一位司機﹐ 除非架車要做例行檢查或有問題至會作出調動﹐ 希望佢唔係 “沙” 我地啦~   重有﹐ 我地之前以為放學坐既校車無安全帶﹐ 但後來發現原來係有既﹐ 係打橫一條過o個款﹐ 不過冠忠將條安全帶摺埋收o係張椅邊﹐ 跟住我地又問個保母﹐ 佢答話係因為架車有唔同用途﹐ 有時未必需要用安全帶﹐ 所以無放出o黎, 但我覺得既然當時係做緊校車﹐ 就應該放返條安全帶出o黎, 到唔係做校車時﹐ 咪至收返囉﹐ 既然接得做校車﹐就要做返足安全措施至得o架﹐ 呢D野點可以懶o架 :evil:   所以坐左幾日校車﹐ 我地覺得感覺上似坐貨車多D

Mrs. Lee,
多謝妳提點﹐ 我會儘量抽時間出席學校既各項講座&活動﹐ 包括家校團契。
可唔可以講o下妳囡囡o係邊到上英文班呀﹖

WongCW,
好羨慕妳呀~ 仔女返學唔駛坐校車﹐ 妳屋企附近有無“荀”盤出租﹖